Phılıppı 1:7 - Nǫ̀htsı̨ Nı̨htł'è

⁷ Hanì naxıghǫ sìghà anehwhǫǫ sìı nezı̨ hǫt'e, sedzeè yìı naxık'èhdì t'à. Nǫ̀htsı̨ sets'ǫ̀ sǫnıwǫ t'à la seghàı̨ɂǫǫ sìı naxı̨ hazǫǫ̀ sexè weghàlaahda hǫt'e. Sedaànìı̨tǫ, godı nezı̨ı̨ ts'àdaehdı, eyıts'ǫ godı nezı̨ı̨ t'à dǫ xè gohdo nı̨dè, naxı̨ t'aats'ǫǫ̀ sets'àahdı hǫt'e.

Phılıppı 1:7 ပူးပေါင်းရင်းမြစ်များ

Zezì Wecheekeèdeè 20:23

Kǫ̀ta hazǫǫ̀ ts'ǫ̀ aht'ı̨ı̨ sìı Yedàyeh Nezı̨ı̨ sets'ǫ̀ hadı, sexè hoìla ha eyıts'ǫ dǫ-danìı̨laa-kǫ̀ ts'ǫ̀ asegele ha hanì segha hòɂǫ. Eyı zǫ wek'èehsǫ.

Zezì Wecheekeèdeè 21:33

Eghǫǫ-dǫǫ̀-gha-k'àowo weyatıì k'e Paul nıgıìchì eyıts'ǫ satsǫ̀tł'ıì nàke t'à dageèzhà. Eyı tł'axǫǫ̀ dǫ dagoehke, “Dıı dǫ amìı hǫt'e eyıts'ǫ ayìı t'à ekǫ-le hòèhtsı̨?” gòhdı.

1 Corınth 13:7

Dǫ ghǫnets'eètǫ nı̨dè t'aats'ǫǫ̀ dǫ xè sìghà hots'ehtsı̨, t'aats'ǫǫ̀ gogha ehkw'ı-ahodı, t'aats'ǫǫ̀ edahxǫ welì ts'ı̨ı̨wǫ, t'aats'ǫǫ̀ goınì nàtso ats'ı̨ı̨hwhǫ xè weghǫ nats'et'è-le.

1 Corınth 9:23

Godı nezı̨ı̨ gha eyı hazǫǫ̀ hahɂı̨ hǫt'e. Hanì-ı̨dè godı nezı̨ı̨ wet'à sexè sìghà agode ha.

2 Corınth 3:2

Naxı̨ gonı̨htł'è laaht'e, godzeè k'e dek'enaxèehtł'è, dǫ hazǫǫ̀ gık'èezǫ xè gık'eyahtı hǫt'e.

2 Corınth 7:3

Eyı hanì naxıts'ǫ̀ gohdee sìı naxısınìyaehtıì aehsı̨-le. Godzeè t'à naxıghǫnets'eètǫǫ sìı naxıts'ǫ̀ haehsı̨ ı̨lè, eyıt'à naxıxè ts'eeda eyıts'ǫ naxıxè ełaàts'ede gha ts'eèhkw'e hǫt'e.

Galatıa 5:6

Zezì-Krı gogha ehkw'ı-ahodı nı̨dè nàgoet'àa, nàgoet'à-le, ehk'ę̀ę̀ gogha wet'àaɂà-le. Edaxàts'eedè ha, gogha ehkw'ı-ahodıı eyı zǫ gogha wet'àaɂà hǫt'e, eyıts'ǫ ełeghǫnets'eètǫ sìı dǫ yek'èezǫ ats'ehɂı̨ hǫt'e.

Ephesus 3:1

Eyı ts'ıhɂǫ̀ sı̨ Paul, Zezì-Krı wegha eghàlaehda k'èxa sedaàtǫ hǫt'e, naxı̨ Israel got'ı̨į̀ aaht'e-le sìı naxıgha sìghà agode ha t'à.

Ephesus 4:1

Gots'ǫ̀ K'àowo wegha sedaàtǫ hǫt'e, gots'ǫ̀ K'àowo naxıkayaı̨htıı sìı hotıì nezı̨į̀ wek'ę̀ę̀ aahda ha naxeehwhǫ hǫt'e.

Ephesus 6:20

Eyı godı nezı̨ı̨ k'èxa sedaàtǫ xè satsǫ̀tł'ıì sek'e whela. Dejı̨-le xè dànì gots'ǫ̀ K'àowo godı nezı̨ı̨ weghǫ gohde ha sı̨ı̨hwhǫ k'ę̀ę̀ gohde ha segha yaahtı.

Phılıppı 1:12

Sèot'ı̨ı̨, dıı wek'èahsǫ ha dehwhǫ: sexè dàgòjàa sìı godı nezı̨ı̨ dǫ łǫ ts'ǫ̀ ade ha t'à agòjà hǫt'e.

Phılıppı 1:13

Eyı ts'ıhɂǫ̀ jǫ dǫ-xogııhdıı-dǫǫ̀ hazǫǫ̀ eyıts'ǫ eyıì-le dǫ hazǫǫ̀ segodıì gıìkw'o hǫt'e, Zezì-Krı wecheekeè aht'e k'èxa sedaàtǫǫ sìı gık'èezǫǫ̀ agejà.

Phılıppı 1:14

Satsǫ̀tł'ıì sek'e whela t'à Nǫ̀htsı̨ wecheekeè łǫ gıdzeè nàtsoò ajà. Nǫ̀htsı̨ wegodıì t'à gogede ha sìı gınì nàtso xè geejı̨-le agejà.

Phılıppı 1:5

Kèhoį̀wo gots'ǫ dıı dzęę̀ gots'ǫ̀ godı nezı̨ı̨ dǫ ts'ǫ̀ hats'edı gha gots'àahdı ı̨lè.

Phılıppı 2:22

Hanìkò Tımothy ededı̨ sìı hòtł'ò eghàlaı̨dà, wek'èahsǫ hǫt'e. Seza lanì eyıts'ǫ sı̨ wetà laht'e, hanì t'à ełexè eghàladıìda, godı nezı̨ı̨ t'à dǫ xè gots'ado.

Phılıppı 4:14

Hanìkò dıì sexè hoìla t'à sets'àahdıı sìı nezı̨į̀ aaht'ı̨ hǫt'e.

Phılıppı 4:15

Naxı̨ Phılıppı got'ı̨į̀ aaht'ee sìı, dıì zǫ hasèahłà nıìle. T'akwełǫ̀ǫ̀ godı nezı̨ı̨ aàhkw'o ekò, ekìıyeè k'e Macedonıa nèk'e ts'ǫ̀ dehtła ekò, kǫ̀ta łǫ gots'ǫ Nǫ̀htsı̨ wecheekeè ełexè sets'àgı̨ı̨dì whìle, naxı̨ zǫ sǫǫ̀mba t'à sets'àahdı ı̨lè.

Phılıppı 4:3

Hęɂę, seàgı̨ą nı̨ t'aats'ǫǫ̀ sexè eghàlaneedàa sìı eyı ts'èko nàke gıts'àądı. Godı nezı̨ı̨ gha sexè hòtł'ò eghàlagı̨ı̨dà ı̨lè, Clement wexè sı eghàlagı̨ı̨dà, eyıts'ǫ dǫ eyıì-le sexè agıat'į̀ı̨ sı gıxè. Welǫ whìle ts'ǫ̀ ts'eedaa enı̨htł'è k'e gıızì dek'eèhtł'è hǫt'e.

Colosse 4:18

Sı̨ Paul, sılà t'à dıı yatı nǫǫde naxıts'ǫ̀ eehtł'è hǫt'e. Sedaànìı̨tǫ xè satsǫ̀tł'ıì sek'e whela t'à senaahdì. Nǫ̀htsı̨ naxıts'ǫ̀ sǫnıwǫ welè.

Colosse 4:3

Eyıts'ǫ goxı̨ sı gogha yaahtı, weyatıì t'à dǫ ts'ǫ̀ gots'ede ha Nǫ̀htsı̨ gogha ehkw'ı goòɂà ayele gha. Hanì-ı̨dè Zezì-Krı wegodıì dǫ ts'ǫ̀ deɂı̨į̀ wheɂǫǫ sìı t'à gıxè gots'edo ha, eyı k'èxa jǫ sedaàtǫ hǫt'e.

1 Thessalonıca 5:5

Naxı̨ hazǫǫ̀ dzęh gots'ǫ dǫ aaht'e. Togoòtł'òo gots'ǫ dǫ ats'ı̨ı̨t'e nıìle. Eyıt'à Nǫ̀htsı̨ wets'ǫ dzęh nı̨ı̨dı̨ı̨ yìı aahda.

2 Tımothy 1:8

Eyıt'à gots'ǫ̀ K'àowo weghǫ dǫ ts'ǫ̀ goı̨de ha į̀į̀zhanelı̨-le, eyıts'ǫ sı̨ wegha dǫ-danìı̨laa-kǫ̀ whıhda t'à seghǫ į̀į̀zhanelı̨-le. Hanìkò godı nezı̨ı̨ gha sexè daneeɂa ha welì. Nǫ̀htsı̨ sìı eyı gha nàts'etsoò agohɂı̨ hǫt'e.

2 Tımothy 2:9

eyı gha daıhɂa hǫt'e eyıts'ǫ dǫjıı lanì satsǫ̀tł'ıì t'à daseetł'ı̨. Hanìkò Nǫ̀htsı̨ weyatıì sìı dǫ wı̨ı̨zìı dayeezà ha nıìle.

Phılemon 1:13

Wek'èhdì ha dehwhǫ ı̨lè, hanì-ı̨dè ı̨łaà godı nezı̨ı̨ gha sedaànìı̨tǫ et'ıì netł'axǫǫ̀ sets'àdı ha dìì-le.

Hebrew 3:1

Eyıt'à sèot'ı̨ degaı, yak'e ts'ǫ̀ naxıkayaetıı sìı Zezì ts'ǫ̀ naxınì nàtsoò aahłe. Ededı̨ Nǫ̀htsı̨ wecheekeèdeè elı̨ı̨ xè gogha yahtıı-wet'àaɂàa-deè elı̨ı̨ sìı gogha ehkw'ı adı hǫt'e.

1 Peter 4:13

Hanìkò Zezì-Krı wexè daahɂaa sìı ghǫ naxınà welè, hanì-ı̨dè Zezì-Krı enıìyah t'à K'àowocho k'ę̀ę̀ wègoèht'į̀ nı̨dè sıì naxınà ha hǫt'e.

1 Peter 5:1

Naxıgha k'aodèe gı̨ı̨lı̨ı̨ sìı gıdanatıehɂà ha. Naxıxèht'eè k'àowo aht'e eyıts'ǫ sedaà Zezì-Krı daı̨ɂà hǫt'e. Zezì-Krı enıìyah t'à K'àowocho k'ę̀ę̀ wègoèht'į̀ nı̨dè sı̨ sı wexè aht'ı̨ ha hǫt'e.

2 Peter 1:13

Įłaà sezhį̀į̀ eda ts'ǫ̀ eyı wenaahdì anaxehłe ha sìı segha ehkw'ı hǫt'e.

1 John 3:14

Gòet'ı̨ gıghǫnets'eètǫ ts'ıhɂǫ̀ ełaàts'ı̨ı̨dè gots'ǫ nats'ìdà lats'ejà wek'èts'eezǫ hǫt'e. Amìı edèot'ı̨ ghǫneètǫ-le sìı ı̨łaà ełaı̨wo hǫt'e.