Phılıppı 1:5 - Nǫ̀htsı̨ Nı̨htł'è

⁵ Kèhoį̀wo gots'ǫ dıı dzęę̀ gots'ǫ̀ godı nezı̨ı̨ dǫ ts'ǫ̀ hats'edı gha gots'àahdı ı̨lè.

Phılıppı 1:5 ပူးပေါင်းရင်းမြစ်များ

Zezì Wecheekeèdeè 2:42

Zezì wecheekeèdeè hoghàgogeehtǫ ekò hotıì egeèhkw'ǫ, eyıts'ǫ yagehtı xè Nǫ̀htsı̨ łèt'è ghǫ shègezhe gha łą̀ą ełègehdè.

Rome 11:17

Wekw'ıhchı̨į̀ mǫ̀hdaa dahchı̨atǫ̀, eyıts'ǫ naxı̨ ts'ı nezı̨-le wekw'ıhchı̨į̀ laaht'ee sìı ts'ı nezı̨ı̨ wekw'ıhchı̨į̀ ta anaxììdlà laaht'e. Eyıt'à dıì sìı ts'ı nezı̨ı̨ weghochı̨į̀ t'à dahshe lanì hǫt'e.

Rome 12:13

Nǫ̀htsı̨ wets'ǫ dǫ etegeèt'ı̨ı̨ sìı t'asìı t'à gıts'àahdı. T'aats'ǫǫ̀ dǫ gha enìxànı̨ı̨tǫ aahwhǫ.

Rome 15:26

Macedonıa nèk'e eyıts'ǫ Achaıa nèk'e ekǫ gòet'ı̨ agı̨ı̨t'ee sìı Nǫ̀htsı̨ wets'ǫ dǫ etegeèt'ı̨ı̨ Jerusalem nàgedèe sìı gogha sǫǫ̀mba ełègį̀ı̨la.

1 Corınth 1:9

Nǫ̀htsı̨-Gotà, Edeza Zezì-Krı wexè ı̨łè laaht'e ha naxıkayaı̨htıı sìı t'aats'ǫǫ̀ gots'ǫ̀ edeyatıì k'èdì hǫt'e.

2 Corınth 8:1

Sèot'ı̨ı̨, Macedonıa nèk'e kǫ̀ta gòlaa sìı dànì Nǫ̀htsı̨ edecheekeè gots'ǫ̀ sǫnıwǫǫ sìı wek'èahsǫ ha naxıts'ı̨ı̨hwhǫ.

Ephesus 3:6

Eyı t'asìı enıìyah gots'ǫ̀ deɂı̨į̀ wheɂǫ ı̨lèe sìı dıı hǫt'e: dǫ Israel got'ı̨į̀ agı̨ı̨t'e-le sìı godı nezı̨ı̨ egıìkw'o ts'ıhɂǫ̀ Nǫ̀htsı̨ t'asìı hazǫǫ̀ edeza gogha ts'atà yèhłaa sìı Israel got'ı̨į̀ gıxè goghàyele ha hǫt'e. Eyıt'à hazǫǫ̀ ełexè dǫ ı̨łè zǫ lats'ı̨ı̨t'e, eyıts'ǫ Zezì-Krı wedahxà Nǫ̀htsı̨ t'asìı nezı̨ı̨ goghàɂà ha dıı sìı hazǫǫ̀ ełexè goį̀zhe ha hǫt'e.

Phılıppı 1:12

Sèot'ı̨ı̨, dıı wek'èahsǫ ha dehwhǫ: sexè dàgòjàa sìı godı nezı̨ı̨ dǫ łǫ ts'ǫ̀ ade ha t'à agòjà hǫt'e.

Phılıppı 1:16

Dǫ gınì nezı̨ı̨ sìı seghǫnegeètǫ hǫt'e, eyıts'ǫ godı nezı̨ı̨ t'à goıhde ts'ıhɂǫ̀ jǫ whıhda asììdlà, gık'èezǫ hǫt'e.

Phılıppı 1:27

Naxıts'àwhıhtła, naxıts'àwhıhtła-le, ehk'ę̀ę̀, Zezì-Krı wegodıì nezı̨ı̨ k'ę̀ę̀ hotıì ehkw'ı aahda. Hanì-ı̨dè naxıts'àhtła, hanì-le-ı̨dè naxıghǫ eèhkw'o zǫ t'à, naxınì ı̨łè zǫ lanì wek'èehsǫ ha. Dǫ ı̨łè zǫ laaht'e xè godı nezı̨ı̨ gha naxınì nàtso aahwhǫ.

Phılıppı 1:7

Hanì naxıghǫ sìghà anehwhǫǫ sìı nezı̨ hǫt'e, sedzeè yìı naxık'èhdì t'à. Nǫ̀htsı̨ sets'ǫ̀ sǫnıwǫ t'à la seghàı̨ɂǫǫ sìı naxı̨ hazǫǫ̀ sexè weghàlaahda hǫt'e. Sedaànìı̨tǫ, godı nezı̨ı̨ ts'àdaehdı, eyıts'ǫ godı nezı̨ı̨ t'à dǫ xè gohdo nı̨dè, naxı̨ t'aats'ǫǫ̀ sets'àahdı hǫt'e.

Phılıppı 2:12

Seàgı̨ą, naxıxè whıhdaa eyıts'ǫ naxıxè whıhda-le, ehk'ę̀ę̀ t'aats'ǫǫ̀ sek'èaht'e hǫt'e. Eyıt'à edaxàahdèe sìı t'aats'ǫǫ̀ wek'e eghàlaahda eyıts'ǫ Nǫ̀htsı̨ k'èch'a aahda gha dahjı̨ ha welè,

Phılıppı 2:22

Hanìkò Tımothy ededı̨ sìı hòtł'ò eghàlaı̨dà, wek'èahsǫ hǫt'e. Seza lanì eyıts'ǫ sı̨ wetà laht'e, hanì t'à ełexè eghàladıìda, godı nezı̨ı̨ t'à dǫ xè gots'ado.

Phılıppı 4:3

Hęɂę, seàgı̨ą nı̨ t'aats'ǫǫ̀ sexè eghàlaneedàa sìı eyı ts'èko nàke gıts'àądı. Godı nezı̨ı̨ gha sexè hòtł'ò eghàlagı̨ı̨dà ı̨lè, Clement wexè sı eghàlagı̨ı̨dà, eyıts'ǫ dǫ eyıì-le sexè agıat'į̀ı̨ sı gıxè. Welǫ whìle ts'ǫ̀ ts'eedaa enı̨htł'è k'e gıızì dek'eèhtł'è hǫt'e.

Phılemon 1:17

Eyıt'à ełexè gots'ǫ̀ K'àowo gha eghàlawìda awììt'e seneehwhǫ nı̨dè, sı̨ negà goyaehtła lanì negà goyaetłaà awı̨ı̨le nǫǫ̀.

Hebrew 3:14

T'akwełǫ̀ǫ̀ dànì hotıì gogha ehkw'ı-ahodıı sìı nǫǫde ts'ǫ̀ ts'ıtǫ̀ nı̨dè, Zezì-Krı wexè ı̨łè lats'ı̨ı̨t'e hǫt'e.

2 Peter 1:1

Sı̨ Sımon-Peter, Zezì-Krı wegha eghàlaehda eyıts'ǫ wecheekeèdeè aht'e. Dǫ Nǫ̀htsı̨ gıgha ehkw'ı-ahodıì agììdlàa sìı gıts'ǫ̀ aatł'è hǫt'e. Nǫ̀htsı̨ eyıts'ǫ Zezì-Krı Edaxàgolee gıts'ıhɂǫ̀ ehkw'ı aahdaa k'ę̀ę̀ naxııtà hǫt'e. Goxı̨ gogha ehkw'ı-ahodıì agòìdlàa sìı gogha t'asìı wet'àaɂàa deè hǫt'e, eyı xèht'eè naxı̨ sı naxıgha t'asìı wet'àaɂàa deè hǫt'e.

1 John 1:3

Ayìı ts'aɂı̨ı̨ eyıts'ǫ ayìı wets'eèhkw'ǫǫ sìı eyı ghǫ naxıxè gots'edo, goxè aaht'ı̨ ha naxets'ı̨ı̨hwhǫ t'à. Goxı̨ sìı Nǫ̀htsı̨-Gotà eyıts'ǫ Weza Zezì-Krı gıxè ats'et'ı̨ hǫt'e.

1 John 1:7

Ekò wexèht'eè dzęh yìı ats'ı̨ı̨t'e nı̨dè, ełets'ǫ̀ godzeè nezı̨ ha, eyıts'ǫ Nǫ̀htsı̨ Weza Zezì wedoò t'à gohołı̨į̀ k'enaetse.