Phılıppı 1:26 - Nǫ̀htsı̨ Nı̨htł'è

²⁶ Hanì-ı̨dè k'achı̨ naxıts'àwhıhtła nı̨dè sı̨ set'à Zezì-Krı wexè sıì deɂǫ̀ǫ̀ naxınà ha.

Phılıppı 1:26 ပူးပေါင်းရင်းမြစ်များ

John 16:22

Dıı naxı̨ sı haaht'e: Dıì naxıdzeè nànııtì hǫt'e, hanìkò k'achı̨ naxeehɂı̨ nı̨dè sıì naxıgha sìgoèt'ı̨ ha, eyı sìı dǫ wı̨ı̨zìı naxıghǫ yìhchı ha nıìle.

John 16:24

Dıı haı̨wa gots'ǫ̀ sıızì t'à t'asìı wı̨ı̨zìı Setà weahkè whìle hǫt'e. Eyıt'à t'asìı weahkè nı̨dè naxıghàɂà ha ne, hanì-ı̨dè sıì naxınà agode ha.

2 Corınth 5:12

Haehsı̨ t'à naxıts'ǫ̀ edeghǫ xàdahots'edì ats'edı nıìle, hanìkò naxı̨ goghǫ xàhoahdì gha gots'ede. Hanì-ı̨dè, dǫ dànì gìgaat'ı̨ ghǫ xàhogedì hanìkò gıdzeè yìı dàgǫ̀ht'e ts'ǫnegı̨ı̨ɂà-le sìı gıts'ǫ̀ goahde ha dìì-le agode ha.

2 Corınth 7:14

Wets'ǫ̀ naxıghǫ xàdahohdì ı̨lè, eyıts'ǫ naxıghǫ į̀į̀zhaehłı̨-le asèahłà. T'asìı hazǫǫ̀ naxıts'ǫ̀ hats'edıı sìı ehkw'ı zǫ hǫt'e, eyı xèht'eè Tıtus ts'ǫ̀ naxıghǫ xàdahots'edìı sìı eyı sı ehkw'ı hǫt'e wek'èhoedzǫǫ̀ ajà.

2 Corınth 7:4

Sıì naxıghǫ ehkw'ı aahwhǫ hǫt'e eyıts'ǫ naxıghǫ xàhohdì. Naxıts'ıhɂǫ̀ sınì nàtsoò ajà. Gogha hoìla łǫ kò sıì sınà hǫt'e.

2 Corınth 7:6

Hanìkò dǫ gıxè hoìlaa sìı Nǫ̀htsı̨ gıdzeè t'à nàtsoò agohɂį̀ hǫt'e. Tıtus gots'ǫ̀ nììtła t'à Nǫ̀htsı̨ godzeè nàtsoò ayį̀į̀là hǫt'e.

Galatıa 6:4

Hazǫǫ̀ naxıtaàt'eè dànì k'ehoahɂaa sìı ededaànıahdè ha hǫt'e. Dǫ hat'ı̨ı̨ sìı edeghǫ nezı̨į̀ anıwǫ ha, eyıts'ǫ dǫ eyıì-le nahk'e aht'e edeewǫ ha nıìle.

Phılıppı 3:1

Sèot'ı̨ı̨, hòt'a gots'ǫ̀ K'àowo wets'ıhɂǫ̀ naxınà welè! Įdì dànaxèehsı̨ ı̨lèe sìı wet'à k'achı̨ naxıts'ǫ̀ naehtł'è ha sìı segha t'asanìle, hotıì wek'èahsǫ ha naxıgha wet'àaɂà hǫt'e.

Phılıppı 3:3

Goxı̨ sìı hòt'a gokwǫ̀ nàat'a ı̨lè lanì, eyıts'ǫ Nǫ̀htsı̨ wets'ǫ Įnì Degaı wedahxà Nǫ̀htsı̨ ts'ǫ̀ yats'ehtı. Zezì-Krı weghàsǫts'eedı t'à, t'asìı deè ts'ı̨ı̨lı̨ı̨ sìı weghǫ xàhots'edì nıìle.

Phılıppı 4:10

Whaà tł'axǫǫ̀ k'ǫąt'a sedaànıahdèe sìı wek'èehsǫ asèahłà t'à, sets'ǫ̀ K'àowo masì weehwhǫ eyıts'ǫ sıì sınà. Sedaànıahdè ı̨lè, hanìkò naxıgha hòɂǫ-le t'à wek'èehsǫ asèahłà-le ı̨lè.

Phılıppı 4:4

Gots'ǫ̀ K'àowo wexè t'aats'ǫǫ̀ naxınà welè. K'achı̨ hanaxèehsı̨ ha: Naxınà welè!