Phılıppı 1:25 - Nǫ̀htsı̨ Nı̨htł'è

²⁵ Eyı hotıì segha ehkw'ı t'à ı̨łaà naxıxè aht'e ha wek'èehsǫ hǫt'e. Naxınì denahk'e nàtsoò ade ha, eyıts'ǫ naxınà ha t'à, ı̨łaà naxıxè aht'e ha.

Phılıppı 1:25 ပူးပေါင်းရင်းမြစ်များ

Phılıppı 2:24

Whaà-le-t'ıì sı̨ sı sets'ǫ̀ K'àowo naxıts'ǫ̀ asele ha hotıì wek'èehsǫ.

2 Corınth 1:24

Dànì naxıgha ehkw'ı-ahodıı sìı weghǫ naxıts'ǫ̀ k'ahots'edè dehsı̨į̀-aehsı̨-le, hanìkò naxınà gha naxıxè eghàlats'eeda hǫt'e, naxıgha ehkw'ı-ahodıı sìı wet'à naxınì nàtso hǫt'e.

Rome 15:13

Nǫ̀htsı̨ edaxàgolee sìı sıì naxınà eyıts'ǫ naxıxè sìghà hòɂǫ ayııle. Nǫ̀htsı̨ naxıgha ehkw'ı adı welè, hanì-ı̨dè Yedàyeh Nezı̨ı̨ wedahxà naxınì deɂǫ̀ǫ̀ nàtsoò ade ha hǫt'e.

Rome 5:2

Zezì-Krı wedahxà eyıts'ǫ goxı̨ gogha ehkw'ı-ahodı t'à Nǫ̀htsı̨ edesǫnıwǫǫ̀ goghàı̨ɂǫǫ sìı dıì wet'à ts'eeda. Nǫ̀htsı̨ wexè enıìyah t'à welǫ whìle ts'ǫ̀ ts'eeda ha goghàhòı̨ɂǫ t'à sıì goınà hǫt'e.

Zezì Wecheekeèdeè 20:25

“Naxı̨, Nǫ̀htsı̨ Wenàowoò t'à naxıts'ǫ̀ goıhde ı̨lèe sìı k'achı̨ seahɂį̀ ha-le, wek'èehsǫ hǫt'e.

1 Peter 1:8

Weahɂı̨ gǫ̀hłı̨-le, hanìkò weghǫnıahtǫ eyıts'ǫ dıì naxıgha wègaat'ı̨-le kò, naxıgha ehkw'ı adı. Eyı ts'ıhɂǫ̀ sıì naxınà xè naxıgha enıìyah dìì.

Rome 15:29

Naxıts'àwhıhtła nı̨dè Zezì-Krı sexè eghàlaeda t'à naxıxè deghàà sìghà ayele ha wek'èehsǫ.

Rome 15:18

Edeghǫ xàdahohdì ha dehwhǫ-le. Zezì-Krı sı̨ set'à ayìı ghàlaı̨dàa sìı eyı zǫ weghǫ xàdahohdì ha dehwhǫ. Dǫ eyıì-le xàɂaa ts'ǫ̀ goıhdeè asį̀į̀là t'à, ayìı dàhłà eyıts'ǫ ayìı dàehsı̨ ts'ıhɂǫ̀ dǫ eyıì-le xàɂaa sìı Nǫ̀htsı̨ ts'ǫ̀ agèhłà xè gık'èı̨t'eè agejà.

Zezì Wecheekeèdeè 14:22

Ekǫ Nǫ̀htsı̨ wecheekeè gınì nàtsoò agogele ha gots'ǫ̀ gogı̨ı̨de, hagògedı, “Hoìla łǫ gotehoowıı daats'ǫ̀ Nǫ̀htsı̨ Wenàowoò k'ę̀ę̀ hòɂǫǫ goyats'eedè hǫt'e,” gògedı.

Zezì Wecheekeèdeè 11:23

Ekǫ nììtła ekò dànì Nǫ̀htsı̨ gots'ǫ̀ sǫnıwǫ t'à dǫ gha eghàlaı̨daa sìı hazǫǫ̀ yaɂı̨ t'à wınà. Gots'ǫ̀ K'àowo ghǫ gınì nàtsoò agole ha gots'ǫ̀ goı̨de.

Luke 22:32

hanìkò, Sımon, ı̨łaà nınì nàtso ha, negha yaehtı. Sets'ǫ̀ ek'èt'à anaąjà nı̨dè nèot'ı̨ gınì nàtsoò agı̨ı̨le nǫǫ̀,” yèhdı.

Phılıppı 1:24

hanìkò ı̨łaà sezhį̀į̀ t'à ehdaa sìı naxıgha wet'àaɂà hǫt'e.

Phılemon 1:22

Eyıts'ǫ t'asìı ı̨łè neehkè ha, nekǫ̀ naehte ha segha sıìgoı̨le. Nǫ̀htsı̨ naxıyatıì k'èhoı̨ɂǫ nı̨dè naxıts'ǫ̀ anahde ha sǫnı dehwhǫ.