Phılıppı 1:20 - Nǫ̀htsı̨ Nı̨htł'è

²⁰ T'asìı wı̨ı̨zìı t'à edeghǫ į̀į̀zhaehłı̨ ha-le sìı ghǫ hòtł'ò aahwhǫ hǫt'e hanìkò t'aats'ǫǫ̀ Zezì-Krı wegha sınì nàtso xè wegha hòtł'ò eghàlaehda ha dehwhǫ. Ehda, ehda-le, sezhį̀į̀ t'à t'aats'ǫǫ̀ Zezì-Krı weghàsǫhoedı ha dehwhǫ.

Phılıppı 1:20 ပူးပေါင်းရင်းမြစ်များ

John 21:19

Zezì hadı yets'ǫ̀ xàyaı̨htıı sìı dànì Peter ełaàwı ha ghǫ goı̨deè adı, hanì Nǫ̀htsı̨ wıızì ghàsǫhoedıì ayele ha. Eyı tł'axǫǫ̀ Zezì yets'ǫ̀ hadı, “Sek'èı̨tła!” yèhdı.

Zezì Wecheekeèdeè 20:24

Hanìkò edegha ehda ha segha wet'àaɂà-le. Gots'ǫ̀ K'àowo la nechàa seghàı̨ɂǫǫ sìı welǫ ts'ǫ̀ weghǫ naht'è ha, eyı zǫ dehwhǫ. Nǫ̀htsı̨ gots'ǫ̀ sǫnıwǫǫ sìı eyı godı nezı̨ı̨ t'à dǫ ts'ǫ̀ gohde ha hǫt'e.

Zezì Wecheekeèdeè 21:13

Hanìkò Paul hadı, “Ayìıha seghǫ aahtse xè sedzeè etseè aahɂı̨? Zezì wıızì ts'ıhɂǫ̀ dasegeezà gha ts'atà whıhda hǫt'e, eyı zǫǫ̀-le wets'ıhɂǫ̀ ekǫ ełaehwhı ha segha asanìle hǫt'e,” gòhdı.

Zezì Wecheekeèdeè 4:31

Yagı̨ı̨htı tł'axǫǫ̀, kǫ̀ goyìı łą̀ą geèhkw'ee sìı hǫtsaa nàgoèhdǫ. Hazǫǫ̀ goyìı geèhkw'ee sìı Yedàyeh Nezı̨ı̨ gık'e ajà t'à Nǫ̀htsı̨ weyatıì t'à gogede ha gınì nàtsoò ajà.

Rome 12:1

Eyıt'à sèot'ı̨ı̨, Nǫ̀htsı̨ etegoòɂı̨ wek'èts'eezǫ ne t'à dıı haehsı̨į̀ naxıghǫnàdaehtì: Naxızhį̀į̀ hazǫǫ̀ t'à Nǫ̀htsı̨ ghàdeahtè eyıts'ǫ wegha zǫ aahda. Degaı k'ę̀ę̀ aahda welè, Nǫ̀htsı̨ wınì k'ę̀ę̀ hoahtsı̨ welè. Haaht'e nı̨dè Nǫ̀htsı̨ wegha nezı̨į̀ k'ehoahɂa ha hǫt'e.

Rome 5:5

Eyı gogha ehkw'ı-ahodı nı̨dè gotł'ahk'e agode ha nıìle. Nǫ̀htsı̨ Yedàyeh Nezı̨ı̨ godzeè yìı nàdè ha goghàhòı̨ɂǫ t'à sıì goghǫneètǫǫ sìı wek'èts'eezǫǫ̀ agǫ̀ǫ̀là.

Rome 6:13

Naxızhį̀į̀ wı̨ı̨zìı t'à hołı̨ı̨ hoahtsı̨-le, wet'à hołı̨ı̨ k'ę̀ę̀ k'ehoahɂa-le. Hanìkò dǫ ełaı̨dèe gots'ǫ naìdà laaht'e lanì naxızhį̀į̀ hazǫǫ̀ t'à Nǫ̀htsı̨ ghàdeahtè, eyıts'ǫ naxızhį̀į̀ t'à Nǫ̀htsı̨ gha ehkw'ı eghàlaahda.

Rome 6:19

Naxınì nàtso-le t'à, nezı̨į̀ wenıahdì ha k'ę̀ę̀ hoghànaxeehtǫ. Naxızhį̀į̀ t'à hołı̨ı̨ hoahtsı̨ ı̨lè. Naxınì hołı̨ı̨ nıwǫǫ sìı wek'èaht'e ı̨lè, eyıt'à denahk'e hołı̨ı̨ hoahtsı̨ ı̨lè. Hanìkò dıì sìı naxızhį̀į̀ t'à ehkw'ı eghàlaahda, hanì-ı̨dè degaı k'ę̀ę̀ aahda ha.

Rome 8:19

Dıı nèe eyıts'ǫ t'asìı hazǫǫ̀ wek'e hòèlı̨ı̨ sìı ı̨daà Nǫ̀htsı̨ weza gìgoèht'į̀ agedle ha sìı ts'ǫ̀ kanıgeèɂà hǫt'e.

Rome 9:33

Eyı kwe weghǫ dıı hanì dek'eèhtł'è: “Hotıì aàhkw'o, Jerusalem ekǫ kwe wheɂǫǫ̀ ahłà, wet'à dǫ łǫ wetegeetł'ì lagede ha, hanìkò amìı eyı kwe ghǫ wınì nàtsoo sìı į̀į̀zhaelı̨į̀ awedle hǫı̨lı̨ ha nıìle,” dek'eèhtł'è.

1 Corınth 15:31

Sèot'ı̨ı̨, dzę taàt'eè seweè hołè ha lanì. Ehkw'ı anaxèehsı̨, Zezì-Krı naxıgha ehkw'ı-ahodı t'à naxıghǫ sıì sınà hǫt'e.

1 Corınth 6:20

T'asìı deè t'à nàgoèdì hǫt'e. Eyıt'à naxızhį̀į̀ t'à Nǫ̀htsı̨ ts'ǫ̀ nezı̨į̀ aahda.

1 Corınth 7:34

eyıt'à wınì ełets'ǫǫ̀ ts'eht'ì lanì. Ts'èko hǫgeet'ı̨-le eyıts'ǫ t'eekogòò gı̨ı̨lı̨ı̨ sìı gots'ǫ̀ K'àowo wenàowoò zǫ daànıgewo hǫt'e. Ts'èko hanıı sìı edezhį̀į̀ eyıts'ǫ edınì t'à Nǫ̀htsı̨ ghàdìtı̨ hǫt'e. Hanìkò ts'èko hǫet'ı̨ı̨ sìı dıı nèk'e t'asìı łǫ ghǫ nànıwo eyıts'ǫ edànì ededǫǫ̀ wınà hohtsı̨ ha sìı ghǫ nànıwo hǫt'e.

2 Corınth 10:8

Gots'ǫ̀ K'àowo wedahxà nàahtsoò anaxets'ehɂı̨ hǫt'e, nàahtso-le anaxets'ehɂı̨ nıìle. Eyı ghǫ yaazea xàdahohdì gohde kò weghǫ į̀į̀zhaehłı̨ nıìle.

2 Corınth 3:12

Hanì gogha ehkw'ı-ahodı t'à sıì weghǫ goınì nàtso hǫt'e.

2 Corınth 4:10

Zezì dànì gogha dàı̨ɂàa xè ełaı̨woo sìı t'aats'ǫǫ̀ gozhį̀į̀ yìı edexè k'ets'eɂa hǫt'e, eyı ts'ıhɂǫ̀ Zezì gozhį̀į̀ yìı edaa sìı wek'èedzǫǫ̀ ade ha.

2 Corınth 5:15

Ededı̨ sìı dǫ hazǫǫ̀ gha ełaı̨wo t'à, dǫ geedaa sìı edegha geeda ha nıìle hanìkò amìı gogha ełaı̨woo eyıts'ǫ gogha naìdàa sìı wegha geeda ha hǫt'e.

2 Corınth 7:14

Wets'ǫ̀ naxıghǫ xàdahohdì ı̨lè, eyıts'ǫ naxıghǫ į̀į̀zhaehłı̨-le asèahłà. T'asìı hazǫǫ̀ naxıts'ǫ̀ hats'edıı sìı ehkw'ı zǫ hǫt'e, eyı xèht'eè Tıtus ts'ǫ̀ naxıghǫ xàdahots'edìı sìı eyı sı ehkw'ı hǫt'e wek'èhoedzǫǫ̀ ajà.

2 Corınth 7:4

Sıì naxıghǫ ehkw'ı aahwhǫ hǫt'e eyıts'ǫ naxıghǫ xàhohdì. Naxıts'ıhɂǫ̀ sınì nàtsoò ajà. Gogha hoìla łǫ kò sıì sınà hǫt'e.

Phılıppı 1:14

Satsǫ̀tł'ıì sek'e whela t'à Nǫ̀htsı̨ wecheekeè łǫ gıdzeè nàtsoò ajà. Nǫ̀htsı̨ wegodıì t'à gogede ha sìı gınì nàtso xè geejı̨-le agejà.

Phılıppı 2:17

Naxıgha ehkw'ı-ahodı t'à, Nǫ̀htsı̨ wecheekeè aahłı̨ ha weghàdeahła, eyıts'ǫ sı̨ sìı Nǫ̀htsı̨ gha ełaehwhı ha tahkò. Eyıt'à Nǫ̀htsı̨ ts'ǫ̀ t'asìı k'eek'ǫ̀ lanì, wegha sezhį̀į̀ k'ehowı. Ełexè Nǫ̀htsı̨ t'asìı weghàts'eɂà ne t'à, naxıxè sınà hǫt'e.

Colosse 1:24

Naxıgha daıhɂà t'à sınà hǫt'e. Zezì-Krı gogha daı̨ɂà, eyıts'ǫ Nǫ̀htsı̨ wecheekeè gogha denahk'e daı̨ɂa ha nı̨dè, sı̨ sı, sezhį̀į̀ t'à wegha daıhɂa kò dehwhǫ.

1 Thessalonıca 5:23

Nǫ̀htsı̨ ts'èwhı̨į̀ wehòhɂǫǫ sìı deghàà degaı k'ę̀ę̀ anaxııle. Gots'ǫ̀ K'àowo Zezì-Krı nììtła gots'ǫ̀ naxıts'ǫ ı̨nì hazǫǫ̀, naxıdą̀ązhį̀ı̨ hazǫǫ̀, eyıts'ǫ naxızhį̀į̀ hazǫǫ̀ hołı̨ı̨ ch'à wek'èhodì ha welì.

1 Peter 4:16

Ekò “Zezì-Krı wek'èaht'ee dǫǫ̀” naxììyeh t'à naxıgha hoìla nı̨dè eyı ghǫ į̀į̀zhaahłı̨-le, hanìkò Zezì-Krı wıızì k'ę̀ę̀ naxììyeh t'à Nǫ̀htsı̨-Gotà weghàsǫahdı.

1 John 2:28

Eyıt'à sèot'ı̨ı̨, Zezì-Krı t'aats'ǫǫ̀ wek'ę̀ę̀ aahda. Hanì-ı̨dè nììtłaa dzęę̀ k'e nı̨dè wenadąą̀ goınì nàtsoo xè edeghǫ į̀į̀zhats'ı̨ı̨lı̨ ha-le.