Phılıppı 1:18 - Nǫ̀htsı̨ Nı̨htł'è

^18-19 Hanìkò t'asanìle. Edegha aget'ı̨ hanì-le-ı̨dè gınì ehkw'ıı t'à aget'ı̨, ehk'ę̀ę̀ Zezì-Krı wegodıì t'à dǫ ts'ǫ̀ gogede. Eyı denahk'e wet'àaɂà hǫt'e, eyı weghǫ sınà dìì. Segha yaahtı t'à eyıts'ǫ Zezì-Krı wets'ǫ Inì Degaı sets'àdı t'à, ayìı sexè dàgòjàa sìı edaxàseetè gha adlà hǫt'e wek'èehsǫ, eyıt'à sıì sınà.

Phılıppı 1:18 ပူးပေါင်းရင်းမြစ်များ

Matthew 23:13

“Naxı̨ Nǫ̀htsı̨-yatıì-k'èahdìı-dǫǫ̀ eyıts'ǫ Pharısee yàahłı̨ı̨ sìı naxıgha hoìla nechà ha. Degaı daahtsı̨ kò wek'ę̀ę̀ aahda nıìle! Nǫ̀htsı̨ Wenàowoò k'ę̀ę̀ hòɂǫǫ sìı dǫ goyageedè ch'à dǫ gıts'ǫǫ̀hk'e enìahchı. Naxı̨ goyaahdè nıìle eyıts'ǫ dǫ goyats'ııdè gı̨ı̨wǫ kò goyageedè agıahłe-le.

Mark 12:40

Ts'èko gıdǫzhıì ełaı̨dèe sìı goghǫ kǫ̀ gìhchı, eyıts'ǫ dǫ goghàgııdà gı̨ı̨wǫ t'à whaà yagehtı. Hanıı dǫ sìı hòtł'ò dagı̨ı̨ɂaà agedle ha hǫt'e,” Zezì gòhdı.

Luke 9:45

Hanìkò wecheekeè gıgha deɂı̨į̀ wheɂǫ t'à ayìı ghǫ adıı sìı gınıedì-le. Eyı ghǫ dageehke ha gı̨ı̨wǫ kò t'asagedı-le.

Luke 9:50

Zezì yets'ǫ̀ hadı, “Wech'à weahɂǫ-le. Amìı naxık'èch'a at'ı̨-le sìı naxıxè at'ı̨ hǫt'e,” yèhdı.

Rome 3:9

Eyıt'à edeghǫ dàts'edı welì? Dǫ eyıì-le xàɂaa sìı gınahk'e ts'ı̨ı̨lı̨ nì? Hanì honàedı nıìle! Israel got'ı̨į̀ eyıts'ǫ dǫ eyıì-le xàɂaa hazǫǫ̀ ełèht'eè hołı̨ı̨ gık'e whela, hòt'a hats'edı ı̨lè.

Rome 6:15

Goxè hagǫ̀ht'e nı̨dè, dàts'ejà lì? Nàowo tł'a ts'eèhkw'e-le hanìkò Nǫ̀htsı̨ wesǫnıwǫ tł'a ts'eèhkw'e t'à k'èdaà hołı̨ı̨ hots'ehtsı̨ ha nì? Hanì ha honàedı nıìle!

1 Corınth 10:19

Bò nǫ̀htsı̨ hòèlı̨ı̨ ghàgeedıı sìı t'asìı deè hǫt'e dehsı̨į̀-aehsı̨-le, eyıts'ǫ eyı nǫ̀htsı̨ hòèlı̨ı̨ sìı t'asìı deè elı̨ dehsı̨į̀-aehsı̨-le.

1 Corınth 14:15

Eyıt'à dıı haht'ı̨ ha: sets'ǫ ı̨nì t'à yahtı ha, eyıts'ǫ sınì sı t'à yahtı ha. Sets'ǫ ı̨nì t'à ehjı̨ ha, eyıts'ǫ sınì sı t'à ehjı̨ ha.

1 Corınth 15:11

Eyıt'à sı̨ naxıts'ǫ̀ gohde, hanì-le-ı̨dè wecheekeèdeè naxıts'ǫ̀ gogede, ehk'ę̀ę̀, eyı godı nezı̨ı̨ t'à naxıts'ǫ̀ gots'ı̨ı̨de t'à naxıgha ehkw'ı-ahodıì ajà.