Phılıppı 1:17 - Nǫ̀htsı̨ Nı̨htł'è

¹⁷ Dǫ seghǫ ts'ohogeedıı sìı Zezì-Krı wegodıì t'à gogede, hanìkò edegha aget'ı̨, gıdzeè ehkw'ıı t'à agedı nıìle. Dǫ-danìı̨laa-kǫ̀ whıhda et'ıì segha hoìla xàgeeta gha aget'ı̨.

Phılıppı 1:17 ပူးပေါင်းရင်းမြစ်များ

Luke 21:14

Hanìkò hagode kwe-t'ıì dànì edek'edaahdı ha sìı ghǫ nànıahdè-le.

Zezì Wecheekeèdeè 22:1

“Sèot'ı̨ı̨ eyıts'ǫ goɂǫhdaà yàahłı̨ı̨ sìı, edegha gohde ha t'à seàhkw'ǫ,” gòhdı.

Zezì Wecheekeèdeè 26:1

Eyı tł'axǫǫ̀ k'àowocho Agrıppa, Paul ts'ǫ̀ hadı, “Edegha goı̨de ha neewǫ-ı̨dè goı̨de,” yèhdı. Eyıt'à Paul gots'ǫ̀ daìtso gà edegha goı̨de, hadı:

Zezì Wecheekeèdeè 26:24

Paul hadı t'à k'àowo Festus, Paul ts'ǫ̀ hòtł'ò hadı, “Paul gonezǫ-le adı̨ı̨de! Sıì hòtł'ò hoghàneètǫ t'à k'edaà gonezǫ-le adı̨ı̨de,” yèhdı.

Rome 2:8

Hanìkò dǫ edeghǫ zǫ nànıgedèe sìı, nàowo ehkw'ıı gıgha wedę xè nàowołı̨ı̨ k'ę̀ę̀ geedaa sìı Nǫ̀htsı̨ gots'ǫ̀ sıì wek'èch'a xè dagı̨ı̨ɂaà agole ha.

Phılıppı 1:18

Hanìkò t'asanìle. Edegha aget'ı̨ hanì-le-ı̨dè gınì ehkw'ıı t'à aget'ı̨, ehk'ę̀ę̀ Zezì-Krı wegodıì t'à dǫ ts'ǫ̀ gogede. Eyı denahk'e wet'àaɂà hǫt'e, eyı weghǫ sınà dìì. Segha yaahtı t'à eyıts'ǫ Zezì-Krı wets'ǫ Inì Degaı sets'àdı t'à, ayìı sexè dàgòjàa sìı edaxàseetè gha adlà hǫt'e wek'èehsǫ, eyıt'à sıì sınà.

Phılıppı 1:7

Hanì naxıghǫ sìghà anehwhǫǫ sìı nezı̨ hǫt'e, sedzeè yìı naxık'èhdì t'à. Nǫ̀htsı̨ sets'ǫ̀ sǫnıwǫ t'à la seghàı̨ɂǫǫ sìı naxı̨ hazǫǫ̀ sexè weghàlaahda hǫt'e. Sedaànìı̨tǫ, godı nezı̨ı̨ ts'àdaehdı, eyıts'ǫ godı nezı̨ı̨ t'à dǫ xè gohdo nı̨dè, naxı̨ t'aats'ǫǫ̀ sets'àahdı hǫt'e.

Phılıppı 2:3

Wet'à nezı̨į̀ naxìgaat'ı̨ ha dahwhǫ t'à edegha zǫ t'asìı haahɂı̨-le, hanìkò k'èeweèt'ı̨ laaht'e xè edenahk'e dǫ eyıì-le gıdaànıahdè.

1 Tımothy 2:7

Eyı weghǫ gohde ha t'à wecheekeèdeè ehłı̨ ha sìhchì, eyıts'ǫ dǫ Israel got'ı̨į̀ agı̨ı̨t'e-le sìı nàowo ehkw'ıı k'ę̀ę̀ Nǫ̀htsı̨ gıgha ehkw'ı-ahodı ha hoghàgeehtǫ. Ehkw'ı naxıts'ǫ̀ haehsı̨, hohts'ì gohde nıìle.

2 Tımothy 2:9

eyı gha daıhɂa hǫt'e eyıts'ǫ dǫjıı lanì satsǫ̀tł'ıì t'à daseetł'ı̨. Hanìkò Nǫ̀htsı̨ weyatıì sìı dǫ wı̨ı̨zìı dayeezà ha nıìle.

2 Tımothy 4:16

T'akwełǫ̀ǫ̀ seghǫ nàyaetı ekò dǫ wı̨ı̨zìı sek'edaedı-le ı̨lè, hazǫǫ̀ sets'ǫǫ̀ nageèhde ı̨lè. Eyı k'èxa Nǫ̀htsı̨ t'asagǫ̀ǫ̀là-le nı̨dè dehwhǫ.