Phılıppı 1:12 - Nǫ̀htsı̨ Nı̨htł'è

¹² Sèot'ı̨ı̨, dıı wek'èahsǫ ha dehwhǫ: sexè dàgòjàa sìı godı nezı̨ı̨ dǫ łǫ ts'ǫ̀ ade ha t'à agòjà hǫt'e.

Phılıppı 1:12 ပူးပေါင်းရင်းမြစ်များ

Luke 21:13

Eyı hazǫǫ̀ naxıts'ǫ̀ hanàhòwo nı̨dè segodıì nezı̨ı̨ t'à dǫ ts'ǫ̀ goahde ha.

Zezì Wecheekeèdeè 8:4

Nǫ̀htsı̨ wecheekeè edı̨į̀ ehkègı̨ı̨dee sìı ekǫ godı nezı̨ı̨ t'à dǫ xè gogedo.

Rome 8:28

Dǫ Nǫ̀htsı̨ ghǫneètǫǫ sìı eyıts'ǫ wınì k'ę̀ę̀ gììchìı sìı t'asìı hazǫǫ̀ t'à gıxè sìghà ayehɂı̨ wek'èts'eezǫ hǫt'e.

Rome 8:37

Goxè hanì k'ehokw'o kò, Zezì goghǫneètǫǫ sìı wets'ıhɂǫ̀ goxı̨ hòt'a hots'eèhnǫ hǫt'e.

Phılıppı 1:5

Kèhoį̀wo gots'ǫ dıı dzęę̀ gots'ǫ̀ godı nezı̨ı̨ dǫ ts'ǫ̀ hats'edı gha gots'àahdı ı̨lè.

Phılıppı 1:7

Hanì naxıghǫ sìghà anehwhǫǫ sìı nezı̨ hǫt'e, sedzeè yìı naxık'èhdì t'à. Nǫ̀htsı̨ sets'ǫ̀ sǫnıwǫ t'à la seghàı̨ɂǫǫ sìı naxı̨ hazǫǫ̀ sexè weghàlaahda hǫt'e. Sedaànìı̨tǫ, godı nezı̨ı̨ ts'àdaehdı, eyıts'ǫ godı nezı̨ı̨ t'à dǫ xè gohdo nı̨dè, naxı̨ t'aats'ǫǫ̀ sets'àahdı hǫt'e.

Phılıppı 2:22

Hanìkò Tımothy ededı̨ sìı hòtł'ò eghàlaı̨dà, wek'èahsǫ hǫt'e. Seza lanì eyıts'ǫ sı̨ wetà laht'e, hanì t'à ełexè eghàladıìda, godı nezı̨ı̨ t'à dǫ xè gots'ado.

Phılıppı 4:15

Naxı̨ Phılıppı got'ı̨į̀ aaht'ee sìı, dıì zǫ hasèahłà nıìle. T'akwełǫ̀ǫ̀ godı nezı̨ı̨ aàhkw'o ekò, ekìıyeè k'e Macedonıa nèk'e ts'ǫ̀ dehtła ekò, kǫ̀ta łǫ gots'ǫ Nǫ̀htsı̨ wecheekeè ełexè sets'àgı̨ı̨dì whìle, naxı̨ zǫ sǫǫ̀mba t'à sets'àahdı ı̨lè.

Phılıppı 4:3

Hęɂę, seàgı̨ą nı̨ t'aats'ǫǫ̀ sexè eghàlaneedàa sìı eyı ts'èko nàke gıts'àądı. Godı nezı̨ı̨ gha sexè hòtł'ò eghàlagı̨ı̨dà ı̨lè, Clement wexè sı eghàlagı̨ı̨dà, eyıts'ǫ dǫ eyıì-le sexè agıat'į̀ı̨ sı gıxè. Welǫ whìle ts'ǫ̀ ts'eedaa enı̨htł'è k'e gıızì dek'eèhtł'è hǫt'e.

1 Tımothy 2:8

Hazǫǫ̀ ts'ǫ̀ dǫ edılà degaı ı̨dòo agı̨ı̨hwhǫ xè yagehtı ha geehwhǫ. Ełets'ǫ̀ gìch'ee eyıts'ǫ ełets'ǫ̀ nàyagehtıı sìı wedę agııle.

2 Tımothy 2:9

eyı gha daıhɂa hǫt'e eyıts'ǫ dǫjıı lanì satsǫ̀tł'ıì t'à daseetł'ı̨. Hanìkò Nǫ̀htsı̨ weyatıì sìı dǫ wı̨ı̨zìı dayeezà ha nıìle.

2 Tımothy 4:17

Hanìkò gots'ǫ̀ K'àowo sexè at'ı̨ t'à, sınì nàtsoò asį̀į̀là. Hanì ts'ıhɂǫ̀ godı nezı̨ı̨ deghàà dǫ ts'ǫ̀ gohde ha, eyıts'ǫ dǫ hazǫǫ̀ Israel got'ı̨į̀ agı̨ı̨t'e-le sìı geèhkw'ǫ ha welì. Ekìıyeè k'e goìjìıcho wewà ch'à Nǫ̀htsı̨ edaxàsį̀ı̨htı̨ ı̨lè.