Phılıppı 1:11 - Nǫ̀htsı̨ Nı̨htł'è

¹¹ Eyıts'ǫ Zezì-Krı wets'ıhɂǫ̀ t'asìı hazǫǫ̀ t'à ehkw'ı k'ehoahɂa, hanì-ı̨dè Nǫ̀htsı̨ weghàsǫhoedı ha hǫt'e.

Phılıppı 1:11 ပူးပေါင်းရင်းမြစ်များ

Matthew 5:16

Eyı xèht'eè naxı̨ sı dǫ hazǫǫ̀ gıgha dzęh nı̨ı̨dı̨ı̨ laaht'e ha hǫt'e. Hanì-ı̨dè dànì nezı̨į̀ eghàlaahdaa sìı gıghàeda t'à Naxıtà yak'e whedaa sìı ghàsǫgeedı ha.

John 15:16

Naxı̨ sèahchì nıìle, hanìkò sı̨ naxìhchì hǫt'e. Kw'ıhchı̨į̀ wek'e jìecho łǫ dehshe laaht'e ha naxìhchì hǫt'e. Eyı jìecho xàhoahwhıı sìı welǫ whìle ts'ǫ̀ whela ha hǫt'e. Sıızì dahxà t'alàa-sìı Setà weahkè nı̨dè Setà naxıghàyele ha hǫt'e.

John 15:2

Ts'ı wekw'ıhchı̨į̀ k'e jìecho dehshe-le sìı hazǫǫ̀ xàyeht'à hǫt'e, hanìkò wekw'ıhchı̨į̀ k'e jìecho dehshee sìı yek'e xagot'à, hanì-ı̨dè jìecho denahk'e łǫ dehshe gha ayehɂı̨.

John 15:8

Kw'ıhchı̨į̀ wek'e jìecho łǫ dehshee laaht'e nı̨dè Setà weghàsǫhoedı ha. Eyı weghàà secheekeè aaht'e naxık'èhoedzǫ ha.

Rome 15:28

Dıı la weghǫ naht'e xè sǫǫ̀mba hazǫǫ̀ gıtł'aıhwha tł'axǫǫ̀-ı̨dè, Spaın nèk'e ts'ǫ̀ dehtła t'à naxık'eèhtła ha.

Rome 6:22

Hanìkò dıì sìı hołı̨ı̨ naxıts'ǫ̀ k'àowo-le ajà, eyıts'ǫ Nǫ̀htsı̨ naxıts'ǫ̀ k'àowoò aahjà. Hanì goxè hòɂǫ nı̨dè degaı ts'ı̨ı̨lı̨į̀ ats'ede ha, eyıts'ǫ welǫ whìle ts'ǫ̀ ts'eedaà agole ha.

1 Corınth 10:31

Eyıt'à t'asìı ghǫ shèahzhe xè t'asìı aahdǫ, eyıts'ǫ t'asìı t'ahoòyį̀ı̨ haahɂı̨ nı̨dè, wet'à Nǫ̀htsı̨ weghàsǫahdı.

2 Corınth 9:10

Nǫ̀htsı̨ ededı̨ sìı wet'à t'asìı dehshee dǫ ghàyele hǫt'e, eyıts'ǫ łèt'è dǫ ghàyele hǫt'e. Eyıt'à t'asìı hazǫǫ̀ wet'à ts'eedaa sìı denahk'e naxıghàyele ha, eyı wet'à denahk'e ehkw'ı eghàlaahda anaxele ha.

Ephesus 1:12

Hanì-ı̨dè goxı̨ t'akwełǫ̀ǫ̀ Zezì-Krı gogha ehkw'ı-ahodıı sìı enıìyah wexè hòɂǫ t'à weghàsǫts'eedı welì.

Ephesus 1:14

Nǫ̀htsı̨, edets'ǫ dǫ hazǫǫ̀ deghàà edaxàgole gots'ǫ̀ Yedàyeh Nezı̨ı̨ godzeè yìı nàdè ayį̀į̀là. Yedàyeh Nezı̨ı̨ godzeè yìı nàdè t'à t'asìı hazǫǫ̀ Nǫ̀htsı̨ goghàyele ha dıı sìı goghàhòt'à ha wek'èts'eezǫ. Eyı ts'ıhɂǫ̀ Nǫ̀htsı̨ enıìyah wexè hòɂǫǫ sìı weghàsǫts'eedı hǫt'e.

Ephesus 2:10

Nǫ̀htsı̨ ededı̨ gok'e eghàlaı̨dà hǫt'e, t'asìı nezı̨ı̨ weghàlats'eeda gha Zezì-Krı dahxà gòèhtsı̨ hǫt'e. Nǫ̀htsı̨ hanì wegha nezı̨į̀ eghàlats'eeda ha nadąą̀ gogha sınìhòı̨ɂǫ hǫt'e.

Ephesus 5:9

(Dzęh ts'eeda nı̨dè t'asìı nezı̨ı̨ zǫ eghàlats'eeda, ehkw'ı k'ehots'eɂa eyıts'ǫ nàowo ehkw'ıı xè ts'eeda.)

Phılıppı 4:17

Sǫǫ̀mba sets'ǫ̀ aahɂı̨ ha dehsı̨į̀-aehsı̨-le, hanìkò dǫ ts'ǫ̀ nezı̨į̀ eghàlaahda nı̨dè naxıxè sìghà ha t'à aehsı̨.

Colosse 1:10

Gots'ǫ̀ K'àowo wınì k'ę̀ę̀ hotıì ehkw'ı aahda ha naxıts'ı̨ı̨hwhǫ t'à, hanì naxıgha yats'ehtı. Hanì-ı̨dè Nǫ̀htsı̨ weghàsǫhoedı ha eyıts'ǫ dànì eghàlaahdaa hazǫǫ̀ yeghǫ sìghà anıwǫ ha. T'asìı nezı̨ı̨ łǫ wegha eghàlaahda ha eyıts'ǫ Nǫ̀htsı̨ denahk'e nezı̨į̀ wek'èahsǫǫ̀ aahde ha.

Colosse 1:6

naxıghǫ̀t'ǫ hǫt'e. Dıı nèk'e hazǫǫ̀ ts'ǫ̀ godı nezı̨ı̨ ajàa sìı wet'à t'asìı nezı̨ı̨ łǫ kèhǫǫ̀wo. Ts'ı nezı̨ı̨, wek'e jìecho nezı̨ı̨ dehsheè lagòjà. T'akwełǫ̀ǫ̀ godı nezı̨ı̨ ghǫ aàhkw'o ekò gots'ǫ Nǫ̀htsı̨ wesǫnıwǫ wenıahdì aahjà ı̨lè, eyıts'ǫ godı nezı̨ı̨ wet'à t'asìı łǫ ehkw'ıı naxıta kèhǫǫ̀wo hǫt'e. Eyı dzęę̀ gots'ǫ jìecho nezı̨ı̨ naxıta dehsheè lagòjà.

2 Thessalonıca 1:12

Hanì naxıgha yats'ehtı, hanì-ı̨dè gots'ǫ̀ K'àowo Zezì-Krı weghàsǫhoedıì aahłe ha, eyıts'ǫ naxı̨ sı wexè naxıghàsǫhodı ha. Nǫ̀htsı̨ eyıts'ǫ gots'ǫ̀ K'àowo Zezì-Krı naxıts'ǫ̀ sǫgı̨ı̨wǫ t'à naxıxè hagode gha yats'ehtı hǫt'e.

Tıtus 3:14

Gots'ǫ dǫ sìı t'aats'ǫǫ̀ t'asìı nezı̨ı̨ ghàlageedaà adegele ha hǫt'e. Hanì-ı̨dè dzę taàt'eè wet'à ts'eedaa sìı t'à dǫ ts'àgedı ha, eyıts'ǫ t'asìı hogehtsı̨-le agede ha-le.

Hebrew 12:11

Nǫ̀htsı̨ hołı̨ı̨ hots'ehtsı̨ ch'à hoghàgoehtǫ nı̨dè gogha nezı̨-le xè gogha dìì hǫt'e. Hanìkò nǫǫde-ı̨dè wet'à ehkw'ı ts'eedaà ats'et'į̀, eyıts'ǫ weghàdets'eetǫ nı̨dè goxè sìghà hòɂǫ agot'į̀ hǫt'e.

1 Peter 2:12

Dǫ Nǫ̀htsı̨ k'ègeezǫ-le sìı gıta t'aats'ǫǫ̀ ehkw'ı aahda. Hanì aahda nı̨dè ekǫ-le eghàlaahda naxık'e nìdahogeeɂà kò, t'asìı nezı̨ı̨ haahłàa sìı gıghàeda ha hǫt'e, hanì-ı̨dè Nǫ̀htsı̨ gots'ǫ̀ adee dzęę̀ k'e nı̨dè gıghàsǫedı ha hǫt'e.

1 Peter 2:5

Eyı lanì naxı̨ sı kwe edaa laaht'e. Naxı̨ sìı Nǫ̀htsı̨ wekǫ̀ gocho laaht'e eyıts'ǫ yahtıı degaı lanì wegha k'ehoahɂa. Zezì-Krı naxıgha ehkw'ı adı t'à, Nǫ̀htsı̨ wınì k'ę̀ę̀ weghàdeahła.

1 Peter 2:9

Hanìkò naxı̨ sìı naxììchì hǫt'e, Nǫ̀htsı̨ wedahxà yahtıı aaht'e, Nǫ̀htsı̨ wets'ǫ aaht'e eyıts'ǫ dǫ degaı aaht'e. Eyı ts'ıhɂǫ̀ Nǫ̀htsı̨ ghàsǫahdı; ededı̨ sìı togoòtł'òo yìı gots'ǫ dzęh nı̨ı̨dı̨ı̨ ts'ǫ̀ naxıkayaı̨htı hǫt'e.

1 Peter 4:14

Zezì-Krı naxıgha ehkw'ı adı t'à dǫ naxık'adageedè nı̨dè, naxıxè sìghà hǫt'e; Nǫ̀htsı̨ wets'ǫ Yedàyeh Nezı̨ı̨ enıìyah t'à naxıts'ǫ̀-èlı̨ hǫt'e.