Phılıppı 1:10 - Nǫ̀htsı̨ Nı̨htł'è

¹⁰ Hanì-ı̨dè ayìı ehkw'ı ne sìı wek'èahsǫ ha, eyıts'ǫ Zezì-Krı nǫ̀ǫtłaa dzęę̀ k'e ts'ǫ̀ hołı̨ı̨ wı̨ı̨zìı naxık'e wheɂǫ ha-le xè degaı aaht'e ha.

Phılıppı 1:10 ပူးပေါင်းရင်းမြစ်များ

Dànì Kèhoį̀wo 20:5

Abraham ededı̨ xàè, ‘Sedè hǫt'e,’ sèhdı, eyıts'ǫ Sarah ededı̨ sı, ‘Sı̨ı̨de hǫt'e,’ sèhdı. Eyıt'à t'asìı wı̨ı̨zìı ghǫ nànıhwho-le xè hanì eghàlaıhdà hǫt'e. Ekǫ-le hòwhıhtsı̨ nıìle,” yèhdı.

Matthew 16:23

Zezì Peter ts'ǫ̀ ets'aèhtła, hayèhdı, “Wehłı̨ı̨, sechį̀ht'a ts'ǫ̀ aąde! Nı̨ sìı kwe wet'à daèhkw'ıh ha lanet'e. Nǫ̀htsı̨ wınì k'ę̀ę̀ nànınewo nıìle, hanìkò dǫ gınì k'ę̀ę̀ nànınewo hǫt'e,” hayèhdı.

Matthew 26:33

Peter yets'ǫ̀ hadı, “Dǫ hazǫǫ̀ nets'ǫǫ̀ nageèhde kò sı̨ nek'èè k'ehda ghǫ naht'è ha nıìle,” yèhdı.

John 1:47

Zezì, Nathanael naetłe yaɂı̨ ekò yets'ǫ̀ hadı, “Dıı dǫ Israel got'ı̨į̀ wedeèdlı̨ı̨ elı̨ hǫt'e, eyıts'ǫ eghǫyats'eeɂàa wı̨ı̨zìı wets'ǫ̀-èlı̨-le,” Zezì yeghǫ hadı.

John 3:20

Dǫ hołı̨ı̨ hogehtsı̨ı̨ sìı dzęh dzagı̨ı̨hwhǫ. Gıhołı̨į̀ wègaat'ı̨ ha sǫnı gı̨ı̨wǫ t'à, dzęh ts'ǫ̀ aget'ı̨-le.

Zezì Wecheekeèdeè 24:16

Goxè hanì hòɂǫ ha t'à Nǫ̀htsı̨ wenadąą̀ eyıts'ǫ dǫ gınadąą̀ sınì ehkw'ı t'à eghàlaehda ha dehwhǫ.

Rome 12:2

Dıı nèk'e dǫ dànì geedaa sìı gık'ę̀ę̀ k'ehoahɂa-le, hanìkò naxınì eładı̨į̀ adlà k'ę̀ę̀ aahda. Hanì-ı̨dè Nǫ̀htsı̨ ayìı wınì k'ę̀ę̀ ne sìı deghàà wek'èahsǫǫ̀ aahde ha. Nǫ̀htsı̨ ayìı wegha nezı̨ı̨ xè degaı ne sìı, eyıts'ǫ ayìı wegha sìghà ne sìı wek'èahsǫǫ̀ aahde ha.

Rome 12:9

Naxıdzeè t'à dǫ ghǫnıahtǫ. Hołı̨ı̨-nàowoò sìı wedzaahwhǫ, hanìkò t'asìı ehkw'ı xè nezı̨ı̨ sìı wedeahchı-le.

Rome 16:17

Sèot'ı̨ı̨, hotıì edexoahdı, dǫ eyıì-le ełek'èch'a anaxegehɂı̨ xè ekǫ-le anaxegehɂı̨ı̨ sìı gıch'à kexoahdı. Hòt'a ayìı hoghànaxeètǫǫ sìı eyı k'èch'a hoghànaxegeehtǫ nı̨dè gıxè aaht'ı̨-le.

Rome 2:18

Moses wenàowoò t'à hoghànaxeehtǫ ı̨lè t'à, Nǫ̀htsı̨ ayìı nıwǫ eyıts'ǫ ayìı nezı̨ı̨ sìı wek'èahsǫ dahwhǫ nì?

Rome 7:16

Eyıt'à ayìı dàhłe ha dehwhǫ-le kò weghàlaehda nı̨dè eyı nàowo nezı̨ı̨ hǫt'e nǫǫ̀ dehwhǫ aht'ı̨.

Rome 7:22

Sedzeè t'à Nǫ̀htsı̨ wenàowoò degaı ghǫ sınà hǫt'e,

Rome 8:7

Gonìłı̨ı̨ sìı Nǫ̀htsı̨ wek'èch'a hǫt'e. Nǫ̀htsı̨ nàowoò k'èı̨t'e ha nıwǫ-le xè Nǫ̀htsı̨ nàowoò k'èı̨t'e ha dìì.

1 Corınth 1:8

Nǫǫde dzęę̀ ts'ǫ̀ naxınì nàtsoò anaxį̀į̀hwhǫ ha, hanì-ı̨dè gots'ǫ̀ K'àowo nììtłaa dzęę̀ k'e nı̨dè t'asìı wı̨ı̨zìı naxık'e nìdahoet'à ha-le.

1 Corınth 10:32

Naxıt'à dǫ wı̨ı̨zìı ekǫ-le awede sǫ̀ǫ̀, Israel got'ı̨į̀, Greece got'ı̨į̀, hanì-le-ı̨dè Nǫ̀htsı̨ wecheekeè hazǫǫ̀ ts'ıɂǫ̀ ageahłe sǫ̀ǫ̀.

1 Corınth 8:13

Eyıt'à ayìı ghǫ shèhtı̨ı̨ sìı wet'à sèot'ı̨ hołı̨ı̨ hohtsı̨į̀ awehɂı̨ nı̨dè, k'achı̨ bò wı̨ı̨zìı ghǫ shèhtı̨ ha-le, hanì-ı̨dè hołı̨ı̨ hohtsı̨į̀ awehɂı̨ ha-le.

2 Corınth 1:12

Godzeè t'à nàowo degaı k'ę̀ę̀ eyıts'ǫ ehkw'ı k'ę̀ę̀ eghàlats'ı̨ı̨dà wek'èts'eezǫ hǫt'e. Nǫ̀htsı̨ wek'ę̀ę̀ dıı nèk'e dǫ gıta eyıts'ǫ naxıta hanì denahk'e eghàlats'ı̨ı̨dà hǫt'e. Dıı nèk'e gots'ǫ wet'à gots'ı̨ı̨zǫǫ nàowoò k'ę̀ę̀ ats'ı̨ı̨t'į̀ nıìle, Nǫ̀htsı̨ wesǫnıwǫ k'ę̀ę̀ ats'ı̨ı̨t'į̀ hǫt'e. Eyı weghǫ xàdahots'edì ha dìì-le.

2 Corınth 2:17

Dǫ łǫ gıxèht'eè eghàlats'eeda nıìle, Nǫ̀htsı̨ yatıì t'à dǫ ts'ǫ̀ gots'ede k'èxa gots'àɂeedì t'à sǫǫ̀mba ts'ehtsı̨ nıìle. Hanì nıìle, Nǫ̀htsı̨ dǫ ts'ǫ̀ goı̨hɂà ats'ı̨ı̨t'e t'à, Zezì-Krı wedahxà Nǫ̀htsı̨ wenadąą̀ ehkw'ı dǫ gıts'ǫ̀ gots'ede hǫt'e.

2 Corınth 6:3

T'asìı wı̨ı̨zìı t'à dǫnì tsį̀ts'ehwhı ha ts'ı̨ı̨wǫ-le, hanì-ı̨dè godı nezı̨ı̨ gha eghàlats'eedaa sìı wets'ıhɂǫ̀ t'asìı nezı̨-le t'à dǫ gok'e nìdahogeeɂà ha-le.

2 Corınth 8:8

Eyı haahłe ha dehsı̨į̀-aehsı̨-le, hanìkò naxeèhdzà aht'ı̨. Dànì dǫ eyıì-le Nǫ̀htsı̨ wets'ǫ dǫ ghǫnegeètǫǫ sìı asį̀į̀ gıxèht'eè hòtł'ò gıghǫnıahtǫ gha naxeèhdzà aht'ı̨.

Galatıa 5:11

Sèot'ı̨ı̨, Moses wenàowoò k'ę̀ę̀ nàgoet'àa ghǫ dǫ hoghàehtǫ nı̨dè dànìghǫ ı̨łaà dasegį̀ı̨hɂa? Sı̨ hanì dǫ hoghàehtǫ nı̨dè, Zezì-Krı dechı̨et'aa k'e ełaı̨wo ghǫ gohde t'à gık'èch'a aehsı̨ ha-le ı̨lè.

Ephesus 4:15

Hanìkò ełeghǫnets'eètǫ t'à ehkw'ı ełets'ǫ̀ gots'ede ha. Goxı̨ Nǫ̀htsı̨ wets'ǫ dǫ ats'ı̨ı̨t'ee sìı Zezì wezhį̀į̀ lats'ı̨ı̨t'e, eyıts'ǫ Zezì ededı̨ gokwì elı̨ lanì hǫt'e. T'asìı hazǫǫ̀ t'à Zezì-Krı wexè nàts'etsoò ats'ede ha hǫt'e.

Ephesus 5:10

Eyıt'à gots'ǫ̀ K'àowo ayìı wegha sìghà sìı wegòahɂà.

Ephesus 5:27

Gìdaat'ı̨ xè edets'ǫ̀ agole ha nıwǫ. Tsǫ̀ wı̨ı̨zìı gık'e wheɂǫ-le xè t'asìı wı̨ı̨zìı t'à gıxoeɂa ha-le. Degaı gı̨ı̨lı̨ı̨ xè t'asìı wı̨ı̨zìı t'à dǫ gok'e nìdahoeɂà ha-le.

Ephesus 6:24

Dǫ hazǫǫ̀ t'aats'ǫǫ̀ gots'ǫ̀ K'àowo Zezì-Krı ghǫnegeètǫǫ sìı Nǫ̀htsı̨ gots'ǫ̀ sǫnıwǫ welè.

Phılıppı 1:16

Dǫ gınì nezı̨ı̨ sìı seghǫnegeètǫ hǫt'e, eyıts'ǫ godı nezı̨ı̨ t'à goıhde ts'ıhɂǫ̀ jǫ whıhda asììdlà, gık'èezǫ hǫt'e.

Phılıppı 1:6

Hotıì dıı wek'èehsǫ: Nǫ̀htsı̨ naxıdzeè yìı la nechàa kèhoį̀hwhoo sìı Zezì-Krı nǫ̀ǫtłaa dzęę̀ k'e ts'ǫ̀ yeghàlaeda ha, eyıts'ǫ ekò-ı̨dè deghàà ayele ha hǫt'e.

Phılıppı 2:16

yatı wet'à ts'eedaa sìı wek'ę̀ę̀ aahda t'à. Hanì aahda nı̨dè Zezì-Krı nììtłaa dzęę̀ k'e naxıghǫ xàdahohdì ha, eyıts'ǫ dıı haehsı̨ ha, “Ekìı-ka hòtł'ò eghàlaıhdà-le nǫǫ̀,” dehsı̨ ha.

1 Thessalonıca 3:13

Nǫ̀htsı̨ naxıdzeè nàtsoò ayııle, hanì-ı̨dè naxık'e nìdahoet'à ha-le, eyıts'ǫ gots'ǫ̀ K'àowo Zezì-Krı edets'ǫ dǫ degaı hazǫǫ̀ xè jǫ ts'ǫ̀ anajà nı̨dè, Nǫ̀htsı̨-Gotà wenadąą̀ nàahza xè degaı laaht'e ha.

1 Thessalonıca 5:21

Hanìkò t'asìı hazǫǫ̀ weahdzà. T'asìı nezı̨ı̨ sìı ààhchı.

1 Thessalonıca 5:23

Nǫ̀htsı̨ ts'èwhı̨į̀ wehòhɂǫǫ sìı deghàà degaı k'ę̀ę̀ anaxııle. Gots'ǫ̀ K'àowo Zezì-Krı nììtła gots'ǫ̀ naxıts'ǫ ı̨nì hazǫǫ̀, naxıdą̀ązhį̀ı̨ hazǫǫ̀, eyıts'ǫ naxızhį̀į̀ hazǫǫ̀ hołı̨ı̨ ch'à wek'èhodì ha welì.

1 John 4:1

Seàgı̨ą, ı̨nì hazǫǫ̀ naxıgha ehkw'ı agııdì-le, hanìkò ı̨nì hazǫǫ̀ gıyatıì t'à gıahdzà, asį̀į̀ Nǫ̀htsı̨ wets'ǫ agı̨ı̨t'e lì. Nakwenàoɂǫǫ ehkw'ı gogede-le łǫ dıı nèk'e dǫ ta gį̀ı̨de hǫt'e, eyıt'à, hotıì gıyatıì xoahdı.

John Wenazhıı 2:2

“Dànì aahdaa sìı naxık'èehsǫ hǫt'e. Segha hòtł'ò eghàlaahda eyıts'ǫ hoìla kò seghǫ naxınì nàtso wek'èehsǫ hǫt'e. Dǫ hołı̨ı̨ k'ę̀ę̀ geedaa sìı gıxè aaht'ı̨-le naxık'èehsǫ. Eyıts'ǫ dǫ hogets'ì t'à Nǫ̀htsı̨ wecheekeèdeè ats'ı̨ı̨t'e gedıı sìı gıahdzà t'à ehkw'ı agedı-le gıgòahɂǫ hǫt'e.