Phılıppı 1:1 - Nǫ̀htsı̨ Nı̨htł'è

¹ Kǫ̀ta Phılıppı dǫ Zezì-Krı wets'ıhɂǫ̀ Nǫ̀htsı̨ wets'ǫ dǫ agı̨ı̨t'ee eyıts'ǫ gıts'ǫ k'aodèe yàgı̨ı̨lı̨ı̨ sìı dıı enı̨htł'è gıts'ǫ̀ aatł'è hǫt'e. Zezì wecheekeè, Paul eyıts'ǫ Tımothy, dıı naxıts'ǫ̀ gı̨ı̨tł'è:

Phılıppı 1:1 ပူးပေါင်းရင်းမြစ်များ

Mark 13:34

Dıı godı lagode ha: Dǫ ahxee t'asį̀ı̨ gǫǫwà ts'ǫ̀ kǫ̀taetła ha t'à edecheekeè t'asìı hazǫǫ̀ ts'ǫ̀ k'àhogedè agǫǫ̀là eyıts'ǫ gıtaàt'eè la goghàı̨ɂǫ. Eyıts'ǫ detła kwe enìı̨tǫ-k'èdìı-dǫǫ̀ ts'ǫ̀ hadı, ‘Hotıì kexoı̨hdı,’ yèhdı.

John 12:26

Amìı segha eghàlaeda ha nıwǫǫ sìı sek'è-eetła ha hǫt'e; edı̨į̀ whıhdaa sìı secheekeè ededı̨ sı ekǫ wheda ha. Dǫ segha eghàlaedaa sìı Setà yets'ǫ̀ nezı̨į̀ eghàlaeda ha hǫt'e.

Zezì Wecheekeèdeè 1:20

Eyıt'à Peter hadı, “Shı̨-nı̨htł'è k'e dıı hanì dek'eèhtł'è, ‘Eyı wedèè gokw'ǫǫ̀ gòɂǫ ha; dǫ wı̨ı̨zìı yek'e nàdè ha-le,’ eyıts'ǫ, ‘Dǫ yetł'axǫǫ̀ k'àowo welè,’ hanì sı dek'eèhtł'è.

Zezì Wecheekeèdeè 20:28

Hotıì edexoahdı eyıts'ǫ Nǫ̀htsı̨ wecheekeè sı gıxoahdı, Yedàyeh Nezı̨ı̨ eyı la naxıghàı̨ɂǫ hǫt'e. Nǫ̀htsı̨ ededoò t'à edets'ǫ dǫ edaxàwhela ne t'à nezı̨į̀ gıxoahdı.

Zezì Wecheekeèdeè 9:13

Ananıas hadı, “Sets'ǫ̀ K'àowo, eyı dǫ weghǫ godı łǫ eèhkw'o. Nets'ǫ dǫ Jerusalem nàgedèe sìı hoìla łǫ gogha hòèhtsı̨ ghǫ eèhkw'o.

Rome 1:1

Sı̨ Paul aht'e, Zezì-Krı wegha eghàlaehda. Wecheekeèdeè ehłı̨ gha eyıts'ǫ Nǫ̀htsı̨ wegodıì nezı̨ı̨ dǫ ts'ǫ̀ haehsı̨ gha Nǫ̀htsı̨ sį̀į̀hchì hǫt'e.

Rome 1:7

Naxı̨ kǫ̀godeè Rome nàahdèe sìı naxıts'ǫ̀ eehtł'è aht'ı̨. Nǫ̀htsı̨ naxıghǫneètǫ eyıts'ǫ wets'ǫ dǫ degaı aahłı̨ gha naxıkayaetı hǫt'e. Nǫ̀htsı̨-Gotà eyıts'ǫ Zezì-Krı naxıxè sǫgı̨ı̨wǫ welè, eyıts'ǫ naxıxè sìghà hòɂǫ agııle.

1 Corınth 16:10

Tımothy sexèht'eè gots'ǫ̀ K'àowo gha eghàlaeda ne t'à, naxıts'ǫ̀ nììtła nı̨dè, naxıgà wheda gots'ǫ̀ t'asìı wı̨ı̨zìı ghǫ nànıwo aweahłe-le.

2 Corınth 1:1

Sı̨ Paul, Nǫ̀htsı̨ wedahxà Zezì-Krı wecheekeèdeè aht'e. Gòet'ı̨ Tımothy wexè kǫ̀ta Corınth Nǫ̀htsı̨ wecheekeè nàgedèe sìı gıts'ǫ̀ eehtł'è, eyıts'ǫ Achaıa nèk'e Nǫ̀htsı̨ wets'ǫ dǫ hazǫǫ̀ nàgedèe sìı gıts'ǫ̀ ts'eetł'è.

Galatıa 1:10

Dǫ seghǫ nezı̨į̀ agedı ha zǫ dehwhǫ nıìle, hanìkò Nǫ̀htsı̨ wınì k'ę̀ę̀ eghàlaehda ha dehwhǫ. Dǫ gınì k'ę̀ę̀ eghàlaehda aht'ı̨ dahwhǫ nì? Įłaà dǫ gınì k'ę̀ę̀ eghàlaehda nı̨dè Zezì-Krı wecheekeè ehłı̨ ha-le ı̨lè.

Galatıa 3:26

Zezì-Krı naxıgha ehkw'ı-ahodı dahxà naxı̨ hazǫǫ̀ Nǫ̀htsı̨ weza aaht'e.

Galatıa 3:28

Zezì-Krı wexè naxı̨ hazǫǫ̀ ı̨łè laaht'e hǫt'e t'à, Israel got'ı̨į̀ eyıts'ǫ Greece got'ı̨į̀ gıxè eładı̨į̀ hòɂǫ-le, dǫ edets'ǫ̀ k'àowo-le, eyıts'ǫ dǫ edets'ǫ̀ k'àowo gıxè eładı̨į̀ hòɂǫ-le, dǫzhìı eyıts'ǫ ts'èko gıxè eładı̨į̀ hòɂǫ-le.

Ephesus 1:1

Sı̨ Paul, Nǫ̀htsı̨ wedahxà Zezì-Krı wecheekeèdeè aht'e. Dıı enı̨htł'è kǫ̀ta Ephesus Nǫ̀htsı̨ wets'ǫ dǫ nàgedèe eyıts'ǫ Zezì-Krı ghǫ t'aats'ǫǫ̀ gınì nàtsoo sìı gıts'ǫ̀ eehtł'è hǫt'e.

Ephesus 1:15

Eyıt'à gots'ǫ̀ K'àowo Zezì naxıgha ehkw'ı-ahodıı eyıts'ǫ wets'ǫ dǫ hazǫǫ̀ gıghǫnıahtǫ weghǫ eèhkw'ǫ gots'ǫ,

Ephesus 6:24

Dǫ hazǫǫ̀ t'aats'ǫǫ̀ gots'ǫ̀ K'àowo Zezì-Krı ghǫnegeètǫǫ sìı Nǫ̀htsı̨ gots'ǫ̀ sǫnıwǫ welè.

Phılıppı 2:19

Gots'ǫ̀ K'àowo hanıwǫ nı̨dè whaà-le-t'ıì Tımothy naxıts'ǫ̀ awehłe ha. Hanì-ı̨dè naxıghǫ godı eèhkw'o nı̨dè sedzeè t'à sınà ha.

Phılıppı 2:5

Naxınì Zezì-Krı wınì xèht'e welè.

Phılıppı 3:12

Įłaà eyı hazǫǫ̀ deghàà hahłà nıìle, eyıts'ǫ ı̨łaà deghàà degaı aht'e nıìle, hanìkò ı̨łaà eyı wegha sınì nàtsoò aahwhǫ, eyı gha Zezì-Krı sį̀į̀hchì ı̨lèe t'à.

Phılıppı 3:3

Goxı̨ sìı hòt'a gokwǫ̀ nàat'a ı̨lè lanì, eyıts'ǫ Nǫ̀htsı̨ wets'ǫ Įnì Degaı wedahxà Nǫ̀htsı̨ ts'ǫ̀ yats'ehtı. Zezì-Krı weghàsǫts'eedı t'à, t'asìı deè ts'ı̨ı̨lı̨ı̨ sìı weghǫ xàhots'edì nıìle.

Phılıppı 3:8

Eyı zǫǫ̀-le! Zezì-Krı wek'èehsǫ ha, eyı denahk'e segha wet'àaɂà ne t'à, t'asìı hazǫǫ̀ segha wedę lajà. Sets'ǫ̀ K'àowo gha t'asìı hazǫǫ̀ ɂǫ̀ehde. Zezì-Krı ededı̨ zǫ weehwhǫ, eyıts'ǫ wexè ı̨łè laaht'e ha dehwhǫ t'à t'asìı hazǫǫ̀ segha t'asìı-ts'ıì lajà. Moses wenàowoò k'èaht'e t'à ehkw'ı ehda k'ę̀ę̀ sııtà ha dehwhǫ-le, hanìkò Zezì-Krı segha ehkw'ı adı t'à ehkw'ı ehda k'ę̀ę̀ sııtà ha dehwhǫ. Ehkw'ı ts'eeda k'ę̀ę̀ goıtàa sìı Nǫ̀htsı̨ wedahxà hǫt'e, eyıts'ǫ goxı̨ ehkw'ı adı wets'ı̨ı̨hwhǫ t'à.

1 Thessalonıca 1:1

Sı̨ Paul, Sılas eyıts'ǫ Tımothy, kǫ̀ta Thessalonıca Nǫ̀htsı̨ wecheekeè nàgedèe sìı gıts'ǫ̀ ets'eetł'è hǫt'e. Ededı̨ sìı Nǫ̀htsı̨-Gotà eyıts'ǫ gots'ǫ̀ K'àowo Zezì-Krı xè ı̨łè lagı̨ı̨t'e. Nǫ̀htsı̨ naxıts'ǫ̀ sǫnıwǫ welè eyıts'ǫ naxıxè sìghà welè.

1 Thessalonıca 2:2

Naxıts'àts'ede kwe kǫ̀ta Phılıppı dǫ nàgedèe sìı gok'adageedè xè dagogį̀ı̨hɂa ı̨lè wek'èahsǫ hǫt'e. Sıì dǫ gok'èch'a agı̨ı̨wǫ kò, Nǫ̀htsı̨ gots'àı̨dì t'à, Nǫ̀htsı̨ wegodıì nezı̨ı̨ naxıts'ǫ̀ hats'edı ha ts'ejı̨-le ı̨lè.

2 Thessalonıca 1:1

Goxı̨ Paul, Sılas eyıts'ǫ Tımothy, kǫ̀ta Thessalonıca ekǫ Nǫ̀htsı̨ wecheekeè Nǫ̀htsı̨-Gotà eyıts'ǫ Zezì-Krı xè agı̨ı̨t'ee sìı dıı nı̨htł'è gıts'ǫ̀ ts'ı̨ı̨tł'è hǫt'e.

2 Thessalonıca 1:10

Zezì jǫ nǫ̀ǫtłaa dzęę̀ k'e nı̨dè wets'ǫ dǫ degaı gıghàsǫedı ha, eyıts'ǫ dǫ gıgha ehkw'ı-ahodıı sìı gıxè enıìyah deè ha hǫt'e. Godı nezı̨ı̨ naxıts'ǫ̀ nèts'ı̨ı̨ɂǫǫ sìı naxıgha ehkw'ı-ahodı t'à naxı̨ sı naxıxè agode ha hǫt'e.

1 Tımothy 1:2

Tımothy, nets'ǫ̀ eehtł'è. Sexè Zezì-Krı gha eghàlaı̨da t'à, xàè seza lanet'e. Nǫ̀htsı̨-Gotà eyıts'ǫ Zezì-Krı nets'ǫ̀ sǫgı̨ı̨wǫ welè, etenegeèɂı̨ welè, eyıts'ǫ nexè sìghà hòɂǫǫ̀ agııle.

1 Tımothy 3:8

Eyı lanì k'aodèe ts'àgedıı gı̨ı̨lı̨ı̨ sìı ehkw'ı geeda ha hǫt'e, hanì-ı̨dè dǫ nezı̨į̀ gots'ǫ̀ nageɂa ha. Eyı dǫ hanıı sìı gıdzeè ehkw'ı ha hǫt'e, jìetì geedè ha-le, eyıts'ǫ t'asìı ghǫ egedì-le ha-le xè dǫ ghǫyageeɂà ha nıìle.

Tıtus 1:1

Sı̨ Paul Nǫ̀htsı̨-Gotà wegha eghàlaehda eyıts'ǫ Zezì-Krı wecheekeèdeè aht'e. Nǫ̀htsı̨-Gotà dǫ gòį̀hchìı sìı gıgha ehkw'ı-ahodı agehłe gha eyıts'ǫ nàowo ehkw'ıı wet'à Nǫ̀htsı̨ wek'ę̀ę̀ ts'eeda ha sìı gık'èhoezǫǫ̀ agehłe gha Zezì-Krı dǫ ts'ǫ̀ sı̨ı̨hɂà hǫt'e.

Tıtus 1:7

K'àowo elı̨ı̨ sìı Nǫ̀htsı̨ wılaà weghǫ̀t'ǫ ne t'à, t'asìı wejıı wı̨ı̨zìı hohtsı̨ ha-le. Wekwì nàtso xè xàhodì ha-le, yeèhdee-dǫǫ̀ elı̨ ha-le, wınì nàìtło xè wenàhǫǫht'è ha-le, eyıts'ǫ hots'ì t'à t'asìı ghǫ edì ha-le.

Phılemon 1:1

Sı̨ Paul aht'e, Zezì-Krı wegha eghàlaehda t'à dǫ-danìı̨laa-kǫ̀ whıhda. Gòet'ı̨ Tımothy wexè Phılemon ts'ǫ̀ eehtł'è. Nı̨ sìı goàgı̨ą-deè anet'e eyıts'ǫ goxèht'eè godı nezı̨ı̨ gha eghàlaı̨da hǫt'e.

Hebrew 13:23

Gòet'ı̨ Tımothy wedaànìı̨tǫ ts'ǫ kǫèhtłaà agį̀į̀là ı̨lèe sìı wek'èahsǫ ha naxeehwhǫ. Įwhąą̀ jǫ nììtła nı̨dè wexè naxıts'àhtła ha.

James 1:1

Sı̨ James, Zezì-Krı eyıts'ǫ Nǫ̀htsı̨ gıcheekeè aht'e. Israel got'ı̨į̀ hoònǫ-daats'ǫ̀-nàke xàɂaa gı̨ı̨lı̨ı̨ sìı dıı nèk'e dǫ nàgedèe gota-ts'ǫ̀ agejàa sìı gıts'ǫ̀ eehtł'è. Naxıxè sìghà welè.

1 Peter 2:25

Naxı̨ hazǫǫ̀ sahzǫ̀ą dıkǫèdee laaht'e, hanìkò dıì amìı sahzǫ̀ą k'èdìı elı̨ı̨ sìı ts'ǫ̀ anaahde; ededı̨ sìı naxıdą̀ązhį̀ı̨ k'èdìı elı̨ hǫt'e.

2 Peter 1:1

Sı̨ Sımon-Peter, Zezì-Krı wegha eghàlaehda eyıts'ǫ wecheekeèdeè aht'e. Dǫ Nǫ̀htsı̨ gıgha ehkw'ı-ahodıì agììdlàa sìı gıts'ǫ̀ aatł'è hǫt'e. Nǫ̀htsı̨ eyıts'ǫ Zezì-Krı Edaxàgolee gıts'ıhɂǫ̀ ehkw'ı aahdaa k'ę̀ę̀ naxııtà hǫt'e. Goxı̨ gogha ehkw'ı-ahodıì agòìdlàa sìı gogha t'asìı wet'àaɂàa deè hǫt'e, eyı xèht'eè naxı̨ sı naxıgha t'asìı wet'àaɂàa deè hǫt'e.

Jude 1:1

Sı̨ Jude, Zezì-Krı wecheekeè aht'e eyıts'ǫ James wechı aht'e. Dǫ gıkayaetıı sìı, Nǫ̀htsı̨-Gotà goghǫneètǫ agı̨ı̨t'ee eyıts'ǫ Zezì-Krı gok'èdìı agı̨ı̨t'ee sìı dıı enı̨htł'è gıts'ǫ̀ eehtł'è hǫt'e.

John Wenazhıı 1:1

Zezì-Krı edecheekeè ayìı ghàgı̨ı̨dà agǫ̀ǫ̀làa sìı dıı enı̨htł'è k'e dek'eèhtł'è hǫt'e. Nǫ̀htsı̨-Gotà ı̨daà dàgode ha sìı wegodıì Zezì ghàı̨ɂǫ hǫt'e. Zezì wecheekeè dıı godıì gık'èezǫ ha t'à, edeyak'eet'ı̨į̀ John ts'ǫ̀ ayį̀į̀là.

John Wenazhıı 1:20

Whǫ̀ łǫ̀hdı̨ nàgòts'ehnèe selatł'aà whelaa eyıts'ǫ ek'aèk'ǫchı̨į̀ łǫ̀hdı̨ sǫǫ̀mbaekwo t'à hòèlı̨ı̨ sìı dıı awèts'edı hǫt'e: Whǫ̀ łǫ̀hdı̨ sìı kǫ̀ta łǫ̀hdı̨ Nǫ̀htsı̨ wecheekeè nàgedèe sìı gıyak'eet'ı̨į̀ gha hǫt'e, eyıts'ǫ ek'aèk'ǫchı̨į̀ łǫ̀hdı̨ sìı kǫ̀ta łǫ̀hdı̨ Nǫ̀htsı̨ wecheekeè nàgedèe sìı gha hǫt'e.

John Wenazhıı 19:10

Yak'eet'ı̨į̀ hadı t'à wekè gà nàgòhge xè weghàsǫehdı ha là, yak'eet'ı̨į̀ sets'ǫ̀ hadı, “Hawı̨ı̨de-le! Nı̨ eyıts'ǫ nèot'ı̨ Zezì wegodıì ehkw'ı adı gı̨ı̨wǫǫ sìı naxıxèht'eè Nǫ̀htsı̨ wecheekeè aht'e. Nǫ̀htsı̨ weghàsǫedı! Nǫ̀htsı̨ wets'ǫ nakwenàoɂǫǫ hazǫǫ̀ sìı Zezì wegodıì zǫ t'à gogede hǫt'e,” sets'ǫ̀ hadı.

John Wenazhıı 2:12

“Kǫ̀ta Pergamum Nǫ̀htsı̨ wecheekeè nàgedèe sìı dıı yatı gıts'ǫ yak'eet'ı̨į̀ ts'ǫ̀ ı̨ı̨tł'è: “Ededı̨ behcho wek'à į̀ła-ts'ǫ̀ dènıı wets'ǫ sìı eyı weyatıì hǫt'e.

John Wenazhıı 2:8

“Kǫ̀ta Smyrna Nǫ̀htsı̨ wecheekeè nàgedèe sìı dıı yatı gıts'ǫ yak'eet'ı̨į̀ ts'ǫ̀ ı̨ı̨tł'è: “Dıı yatı sìı amìı t'akwełǫ̀ǫ̀ elı̨ı̨ eyıts'ǫ nǫǫde elı̨ı̨ sìı weyatıì hǫt'e. Ełaı̨wo ı̨lè eyıts'ǫ k'achı̨ naìdà hǫt'e.

John Wenazhıı 22:9

Hanìkò sets'ǫ̀ hadı, “Hawı̨ı̨de-le! Nı̨ eyıts'ǫ nèot'ı̨ nakwenàoɂǫǫ gı̨ı̨lı̨ı̨ eyıts'ǫ dǫ hazǫǫ̀ dıı enı̨htł'è weyatıì gıgha ehkw'ı-ahodıı sìı naxıxèht'eè Nǫ̀htsı̨ gha eghàlaehda aht'e. Eyıt'à Nǫ̀htsı̨ zǫ weghàsǫı̨dı!” hasèhdı.