Phılemon 1:7 - Nǫ̀htsı̨ Nı̨htł'è

⁷ Sıì dǫ gıghǫneètǫ t'à k'ǫǫnì sınà hǫt'e. Sèot'ı̨ı̨, Nǫ̀htsı̨ wets'ǫ dǫ gıdzeè t'à gınà agìnelà, eyı ts'ıhɂǫ̀ sınì nàtsoò asèneelà hǫt'e.

Phılemon 1:7 ပူးပေါင်းရင်းမြစ်များ

1 Corınth 16:18

Sedzeè t'à sınà hogèhtsı̨, eyıts'ǫ naxı̨ sı hanaxegį̀į̀là. Dǫ hanıı sìı nezı̨į̀ gıts'ǫ̀ k'ehots'eɂa ha hǫt'e.

2 Corınth 7:13

Eyı hazǫǫ̀ wet'à sıì godzeè t'à nàts'etsoò ats'ejà. Eyı xè Tıtus sıì wınà awèahłà wek'èts'eezǫ t'à, denahk'e goınà hǫt'e.

2 Corınth 7:4

Sıì naxıghǫ ehkw'ı aahwhǫ hǫt'e eyıts'ǫ naxıghǫ xàhohdì. Naxıts'ıhɂǫ̀ sınì nàtsoò ajà. Gogha hoìla łǫ kò sıì sınà hǫt'e.

1 Thessalonıca 1:3

Naxıgha ehkw'ı-ahodı t'à hòtł'ò eghàlaahdaa sìı weghǫ t'aats'ǫǫ̀ Nǫ̀htsı̨-Gotà masì wèts'edı hǫt'e. Gots'ǫ̀ K'àowo Zezì-Krı weghǫ naxınì nàtso t'à ełeghǫnıahtǫ xè wek'ę̀ę̀ hòtł'ò eghàlaahda eyıts'ǫ weghǫnaaht'è-le.

1 Thessalonıca 2:13

Nǫ̀htsı̨ yatıì naxıts'ǫ̀ nèts'ı̨ı̨ɂǫ ekò, weyatıì naxıgha ehkw'ı-ahodı t'à, t'aats'ǫǫ̀ naxıgha Nǫ̀htsı̨ masì wets'ı̨ı̨hwhǫ hǫt'e. Eyı yatı aàhkw'oo sìı dǫ ts'ǫ yatı ne dahwhǫ-le ı̨lè, hanìkò Nǫ̀htsı̨ wets'ǫ yatı ehkw'ı hǫt'e dahwhǫ ı̨lè. Eyı yatı sìı xàè Nǫ̀htsı̨ weyatıì hǫt'e, eyıts'ǫ eyı yatı sìı dıì naxıdzeè yìı eghàlaeda hǫt'e.

1 Thessalonıca 2:19

Naxı̨ sìı naxıghǫ sìts'eèt'ı̨, naxıgha t'asìı nezı̨ı̨ kanıts'eèɂà. Zezì-Krı nǫ̀ǫtła nı̨dè wenadąą̀ naxıghǫ sıì xàhots'edì ha hǫt'e.

1 Thessalonıca 3:9

Naxıts'ıhɂǫ̀ Nǫ̀htsı̨ wenadąą̀ sıì goınà t'à Nǫ̀htsı̨ sıì masì wets'ı̨ı̨hwhǫ hǫt'e.

2 Tımothy 1:16

Onesıphorus eyıts'ǫ wekǫ̀ dǫ nàdèe sìı gots'ǫ̀ K'àowo gots'ǫ̀ wedzeè eteèɂı̨ welè, t'aats'ǫǫ̀ sınà asį̀į̀hwhǫ ı̨lè t'à, eyıts'ǫ sedaàtǫ kò seghǫ į̀į̀zhaelı̨-le ı̨lè.

Phılemon 1:20

Sèot'ı̨ı̨, gots'ǫ̀ K'àowo wets'ıhɂǫ̀ t'asìı net'àhoehwhı ha dehwhǫ. Eyıt'à Zezì-Krı wets'ıhɂǫ̀ sedzeè t'à sınà ası̨ı̨le.

2 John 1:4

Naxıts'ǫ dǫ mǫ̀hdaa nàowo ehkw'ıı k'ę̀ę̀ geeda wek'èehsǫ t'à sıì sınà, Nǫ̀htsı̨-Gotà hanì ts'eeda ha gòhdı ı̨lè k'ę̀ę̀.