Phılemon 1:6 - Nǫ̀htsı̨ Nı̨htł'è

⁶ Godı nezı̨ı̨ gha hòtł'ò eghàlaı̨da ha, eyıts'ǫ ayìı negha ehkw'ı-ahodıı sìı wet'à dǫ xè goı̨do gha, negha yahtı. Hanì-ı̨dè Zezì-Krı wets'ıhɂǫ̀ ayìı nezı̨ı̨ goghǫ̀t'ǫǫ sìı sıì deghàà wenıı̨dì ha.

Phılemon 1:6 ပူးပေါင်းရင်းမြစ်များ

Matthew 25:16

Wecheekeè sı̨làı-lemì satsǫ̀ą dekwoo weghǫ̀zhaa sìı ekòet'ıì eyı sǫǫ̀mba t'à eghàlaı̨dà. Yet'à sı̨làı-lemì satsǫ̀ą dekwoo deɂǫ̀atłǫ whehtsı̨.

Matthew 5:16

Eyı xèht'eè naxı̨ sı dǫ hazǫǫ̀ gıgha dzęh nı̨ı̨dı̨ı̨ laaht'e ha hǫt'e. Hanì-ı̨dè dànì nezı̨į̀ eghàlaahdaa sìı gıghàeda t'à Naxıtà yak'e whedaa sìı ghàsǫgeedı ha.

1 Corınth 14:25

eyıts'ǫ ededzeè yìı ayìı nàehɂı̨ı̨ sìı ghǫ gogedeè-agedı yek'èezǫǫ̀ ade ha. Eyı ts'ıhɂǫ̀ nàgòhge xè Nǫ̀htsı̨ ghàsǫedı ha, hòtł'ò dıı hadı ha, “Xàè Nǫ̀htsı̨ naxıta wheda nǫǫ̀!” hadı ha.

1 Corınth 16:9

jǫ la wet'àaɂàa ghàlaehda ha seghàhòt'ǫ t'à. Dǫ łǫ sek'èch'a agedı kò la wet'àaɂàa segha wheɂǫ.

Phılıppı 4:8

Sèot'ı̨ı̨, nǫǫde t'à dıı hanaxèehsı̨ ha dehwhǫ: T'asìı ehkw'ıı ne sìı, wet'à dǫ nezı̨į̀ agı̨ı̨wǫ ha sìı, wet'à ehkw'ıı gòɂǫǫ, t'asìı nezı̨ı̨, t'asìı degaı, wet'à ełeghǫ masì ts'ı̨ı̨wǫǫ, eyıts'ǫ wet'à dǫ ełets'ıìt'ı̨ı̨, eyı hanıı hazǫǫ̀ wedaànıahdè.

Colosse 1:9

Eyıt'à, naxıghǫ ts'ıìkw'o gots'ǫ naxıgha yats'ehtı ghǫ nats'et'è-le. Yedàyeh Nezı̨ı̨ t'à deghàà goahsǫ ha eyıts'ǫ t'asìı nıahdì aahde ha t'aats'ǫǫ̀ naxıgha Nǫ̀htsı̨ wets'eekè, hanì-ı̨dè Nǫ̀htsı̨ dànıwǫǫ sìı wek'èahsǫǫ̀ aahde ha.

Colosse 3:10

Goht'ǫ gòò yìı aahde laahjà, Nǫ̀htsı̨ gòèhtsı̨ı̨ sìı deghàà wek'èahsǫǫ̀ aahjà, eyıts'ǫ wexèht'eè aahdaà aahjà.

Tıtus 3:14

Gots'ǫ dǫ sìı t'aats'ǫǫ̀ t'asìı nezı̨ı̨ ghàlageedaà adegele ha hǫt'e. Hanì-ı̨dè dzę taàt'eè wet'à ts'eedaa sìı t'à dǫ ts'àgedı ha, eyıts'ǫ t'asìı hogehtsı̨-le agede ha-le.

Hebrew 6:10

Nǫ̀htsı̨ sìı ekǫ-le gots'ǫ̀ eghàlaeda nıìle; dànì wegha eghàlaahdaa eyıts'ǫ dànì weghǫnıahtǫǫ sìı yenadì ha hǫt'e. Wets'ǫ dǫ gıts'àahdı ı̨lè eyıts'ǫ dıı dzęę̀ ts'ǫ̀ ı̨łaà gıts'àahdı t'à weghǫnıahtǫǫ sìı yek'èezǫ hǫt'e.

James 2:14

Sèot'ı̨ı̨, dǫ, “segha ehkw'ı-ahodı,” hadı hanìkò yek'ę̀ę̀ eghàlaeda-le nı̨dè wegha wet'àaɂà-le hǫt'e. “Segha ehkw'ı-ahodı,” hadı zǫ t'à edaxàweetè ha nıìle.

James 2:17

Eyı lanì, “gogha ehkw'ı-ahodı,” ts'edı, hanìkò wek'ę̀ę̀ eghàlats'eeda-le nı̨dè, k'ètł'ǫ̀ gogha ehkw'ı-ahodı hǫt'e.

1 Peter 2:12

Dǫ Nǫ̀htsı̨ k'ègeezǫ-le sìı gıta t'aats'ǫǫ̀ ehkw'ı aahda. Hanì aahda nı̨dè ekǫ-le eghàlaahda naxık'e nìdahogeeɂà kò, t'asìı nezı̨ı̨ haahłàa sìı gıghàeda ha hǫt'e, hanì-ı̨dè Nǫ̀htsı̨ gots'ǫ̀ adee dzęę̀ k'e nı̨dè gıghàsǫedı ha hǫt'e.

1 Peter 3:1

Ts'èko gı̨ı̨lı̨ı̨ sìı ededǫǫ̀ k'èagı̨ı̨t'e ha hǫt'e. Hanì-ı̨dè gıdǫǫ̀ godı nezı̨ı̨ gıgha ehkw'ı-ahodı-le nı̨dè gıts'èkeè gıt'ǫ̀ǫ̀ gıgha ehkw'ı-ahodıì agode ha sǫnı. Gıgha ehkw'ı-ahodıì agejà nı̨dè gıts'èkeè gots'ǫ̀ dàgedıı sìı ts'ıhɂǫ̀ nıìle, hanìkò gots'ǫ̀ dànì geeda ts'ıhɂǫ̀ gıgha ehkw'ı-ahodıì agede ha.

1 Peter 3:16

Naxınì hołı̨ı̨ ch'à wek'èahdì, hanì-ı̨dè Zezì-Krı wedahxà dànì k'ehoahɂaa sìı ghǫ dǫ naxık'adageedè nı̨dè, dǫ naxıızì jıı gehtsı̨ ı̨lèe sìı nǫǫde nı̨dè eyı ghǫ sıì į̀į̀zhagı̨ı̨lı̨į̀ agede ha hǫt'e.

2 Peter 1:8

Hanì aahda gha nàahtso nı̨dè Zezì-Krı wek'èahsǫǫ sìı naxık'e wègaat'ı̨ ha, eyıts'ǫ k'ètł'ǫ̀ hanì aahda ha nıìle.