Phılemon 1:19 - Nǫ̀htsı̨ Nı̨htł'è

¹⁹ Sı̨ Paul xàè sılà t'à dıı yatı nets'ǫ̀ eehtł'è hǫt'e. Wenı̨htł'è naehłe ha, hanìkò nı̨ sìı edaxàneètı̨į̀ anèhłà k'èxa seghàdı̨ı̨tè ha hǫt'e.

Phılemon 1:19 ပူးပေါင်းရင်းမြစ်များ

Dànì Kèhoį̀wo 43:9

T'asade ch'à sı̨ xàè hotıì wexoehdı ha, seyatıì neghàıhɂǫ. T'asajà nı̨dè sı̨ set'à ha hǫt'e. Nets'ǫ̀ nawèehtı̨-le eyıts'ǫ nenadąą̀ nàwoò ahłà-le nı̨dè t'aats'ǫǫ̀ ehda gots'ǫ̀ sek'enìdahoǫɂà ha dìì-le.

Rome 16:22

Sı̨ Tertıyus, Paul wegha dıı nı̨htł'è dek'enìıhtł'èe sìı gots'ǫ̀ K'àowo wedahxà, “Naxıxè sìghà welè,” naxèehsı̨.

1 Corınth 4:15

Zezì-Krı wedahxà dǫ łǫ naxık'ègedì sǫnı kò naxıtà łǫ gǫ̀hłı̨ nıìle. Godı nezı̨ı̨ naxıts'ǫ̀ nèehɂǫ ts'ıhɂǫ̀ Zezì-Krı wedahxà naxıtà whıhłı̨ hǫt'e.

2 Corınth 10:1

Dǫ mǫ̀hdaa seghǫ dıı hagedı, “Paul gogà wheda nı̨dè ts'èwhı̨ą gots'ǫ̀ gode hanìkò gogà wheda-le nı̨dè yatı nàtsoo t'à gots'ǫ̀ gode,” sègedı. Zezì-Krı dànì wedzeè nezı̨ı̨ xè ts'èwhı̨į̀ anıwǫ k'ę̀ę̀ naxıghǫnàdaehtì.

2 Corınth 3:2

Naxı̨ gonı̨htł'è laaht'e, godzeè k'e dek'enaxèehtł'è, dǫ hazǫǫ̀ gık'èezǫ xè gık'eyahtı hǫt'e.

2 Corınth 9:4

Macedonıa got'ı̨į̀ sexè naxıts'àgede ha sìı gıgha sǫǫ̀mba ts'atà wheahła-le nı̨dè goxı̨ naxıghǫ xàdahots'edì ı̨lèe sìı naxıghǫ į̀į̀zhats'ı̨ı̨lı̨į̀ ats'ede ha, eyıts'ǫ naxı̨ sı edeghǫ į̀į̀zhaahłı̨į̀ aahde ha.

Galatıa 5:2

Hotıì seàhkw'ǫ, sı̨ Paul naxıts'ǫ̀ dıı haehsı̨: Moses wenàowoò k'ę̀ę̀ naxıkwǫ̀ nàt'à adèahłà nı̨dè Zezì-Krı naxıgha wet'àaɂà-le dahdı hǫt'e.

Galatıa 6:11

Dıı yatı nechàa dek'eèhtł'è ghàahda nì? Xàè sılà t'à naxıts'ǫ̀ eehtł'è hǫt'e.

1 Tımothy 1:2

Tımothy, nets'ǫ̀ eehtł'è. Sexè Zezì-Krı gha eghàlaı̨da t'à, xàè seza lanet'e. Nǫ̀htsı̨-Gotà eyıts'ǫ Zezì-Krı nets'ǫ̀ sǫgı̨ı̨wǫ welè, etenegeèɂı̨ welè, eyıts'ǫ nexè sìghà hòɂǫǫ̀ agııle.

Tıtus 1:4

Tıtus, nets'ǫ̀ eehtł'è. Setł'aà Zezì-Krı gha eghàlaı̨da t'à, xàè seza lanet'e. Nǫ̀htsı̨-Gotà eyıts'ǫ Zezì-Krı Edaxàgolee elı̨ı̨ sìı nets'ǫ̀ sǫgı̨ı̨wǫ welè, eyıts'ǫ nexè sìghà hòɂǫǫ̀ agııle.

Phılemon 1:18

Nets'ǫ̀ ekǫ-le eghàlaı̨dà, hanì-le-ı̨dè t'asìı nets'ǫǫ̀ɂeehdì ha nı̨dè wek'èxa sǫǫ̀mba neghàehłe ha.