Phılemon 1:14 - Nǫ̀htsı̨ Nı̨htł'è

¹⁴ Hanìkò nınì k'ę̀ę̀-le nı̨dè wek'èhdì ha-le. Hanì-ı̨dè t'asìı nezı̨ı̨ segha hanelà nı̨dè nı̨ nınì k'ę̀ę̀ zǫ hanele ha, wets'ǫ̀ nehɂa t'à hanele ha-le.

Phılemon 1:14 ပူးပေါင်းရင်းမြစ်များ

1 Corınth 9:17

Sı̨ xàè haehwhǫ t'à eyı la weghàlaehda nı̨dè, wek'èxa t'asìı seghǫ̀t'à ha ı̨lè. Ekò Nǫ̀htsı̨ eyı la seghàı̨ɂǫǫ̀ ayį̀į̀là nı̨dè ekìı sılaà weghàlaehda aht'ı̨.

1 Corınth 9:7

Dǫ eghǫǫ-dǫǫ̀ elı̨ı̨ sìı edets'àɂeehdì nıìle. Dǫ jìechochı̨į̀ k'èdìı elı̨ı̨ sìı yets'ǫ jìecho edè ha dìì-le. Dǫ sahzǫ̀ą k'èdìı elı̨ı̨ sìı yets'ǫ ejıet'ò edǫ ha dìì-le.

2 Corınth 1:24

Dànì naxıgha ehkw'ı-ahodıı sìı weghǫ naxıts'ǫ̀ k'ahots'edè dehsı̨į̀-aehsı̨-le, hanìkò naxınà gha naxıxè eghàlats'eeda hǫt'e, naxıgha ehkw'ı-ahodıı sìı wet'à naxınì nàtso hǫt'e.

2 Corınth 8:12

Godzeè t'à t'asìı dǫ ghàts'eɂà nı̨dè Nǫ̀htsı̨ wegha nezı̨ hǫt'e. Ayìı dàtłǫ gots'ǫ weghàà t'asìı dǫ ghàts'eɂà ha goı̨hwhǫ hǫt'e, t'asìı gots'ǫ-le weghàà ats'et'ı̨ ha goı̨hwhǫ nıìle.

2 Corınth 9:5

Eyı hagode ch'à eyı dǫ taı gonakweè naxıts'àgede nı̨dè denahk'e nezı̨ ha dehwhǫ. Naxıdzeè t'à sǫǫ̀mba dǫ ghàahłe ha dahdı ı̨lèe sìı t'à naxıts'àgedı ha. Hanì-ı̨dè naxıdzeè t'à sǫǫ̀mba gıghàahłe ha, eyıts'ǫ naxınì k'èch'a aahłe ha-le.

2 Corınth 9:7

Dǫ ededzeè t'à dàtłǫ sǫǫ̀mba dǫ ghàyele ha nıwǫǫ sìı k'ę̀ę̀ dǫ ghàyele ha hǫt'e. Edınì k'èch'a hanì-le-ı̨dè dǫ hayèhdı t'à t'asìı dǫ ghàyııɂà-le. Goınà xè t'asìı dǫ ghàts'ele nı̨dè Nǫ̀htsı̨ wınà hots'ehtsı̨ hǫt'e.