Matthew 9:4 - Nǫ̀htsı̨ Nı̨htł'è

⁴ Zezì dànì nànıgedèe sìı gok'èezǫ t'à hagòhdı, “Dànìghǫ naxıdzeè yìı nàowołı̨ı̨ t'à nànıahdè?

Matthew 9:4 ပူးပေါင်းရင်းမြစ်များ

Matthew 12:25

Hanìkò dànì nànıgedèe sìı Zezì gok'èezǫ t'à hagòhdı, “K'àowocho wenèk'e dǫ ełets'ǫ̀ xànıgı̨ı̨ɂa nı̨dè k'àowo wenèè weghǫ wedıhołè ha. Eyıts'ǫ kǫ̀ta hanì-le-ı̨dè ı̨łèhkǫ̀ goyìı dǫ ełek'èch'a geeda nı̨dè dǫ gıxè hoìla agode ha.

Mark 12:15

Sǫǫ̀mba wets'àts'eehdì ha hanì-le-ı̨dè hats'ele ha-le?” gıìhdı. Hanìkò Zezì eghǫyageeɂàa-dǫǫ̀ agı̨ı̨t'e gok'èezǫ. Eyıt'à gots'ǫ̀ hadı, “Ayìıha seahdzà xè seyatıì t'à sek'e nìdahoahɂà ha dahwhǫ? Satsǫ̀ą degoo weghàıhdà,” gòhdı.

Mark 2:8

Ekòet'ıì Zezì edets'ǫ ınì t'à dànì ededzeè t'à nànıgedèe sìı gok'èezǫ t'à hagòhdı, “Dànìghǫ hanì nànıahdè?

Luke 11:17

Hanìkò dànì nànıgedèe sìı Zezì gok'èezǫ t'à hagòhdı, “K'àowocho wenèk'e dǫ ełets'ǫ̀ xànıgı̨ı̨ɂa nı̨dè k'àowo wenèè weghǫ wedıhołè ha. Eyıts'ǫ ı̨łèhkǫ̀ goyìı dǫ ełek'èch'a geeda nı̨dè dǫ gıxè hoìla agode ha.

Luke 5:22

Zezì dànì nànıgedèe sìı gok'èezǫ t'à dagoehke, “Dànìghǫ naxıdzeè yìı hanì nànıahdè?

Luke 6:8

Hanìkò Zezì ayìı ghǫ nànıgedèe sìı gok'èezǫ. Eyıt'à dǫ wılà ełeènııtsoo ts'ǫ̀ hadı, “Nıį̀tła gà dǫ hazǫǫ̀ gınadąą̀ nàąwo,” yèhdı. Eyıt'à eyı dǫ nıìtła gà gonadąą̀ nàwo.

Luke 7:40

Zezì Pharısee ts'ǫ̀ hadı, “Sımon, t'asìı nets'ǫ̀ haehsı̨ ha.” Eyıt'à Sımon yets'ǫ̀ hadı, “Hęɂę, K'àowo, hasį̀ı̨dı,” yèhdı.

John 16:19

Zezì eyı ghǫ dageehke ha gı̨ı̨wǫ gok'èezǫ t'à gots'ǫ̀ hadı, “ ‘Whaà-le-t'ıì seahɂį̀ ha-le, eyıts'ǫ k'achı̨ whaà-le-t'ıì seahɂį̀ ha,’ dehsı̨ı̨ sìı ayìı awèehsı̨ dahwhǫ t'à weghǫ dałeahke nì-aahdı?

John 16:30

T'asìı hazǫǫ̀ k'èı̨zǫ hǫt'e wek'èts'eezǫǫ̀ ats'ejà, eyıts'ǫ dǫ danegeehke kwe gınàowoò k'èı̨zǫ. Eyı weghàà Nǫ̀htsı̨ gots'ǫ anet'e gogha ehkw'ı-ahodıì ajà hǫt'e,” gıìhdı.

John 21:17

K'achı̨ taı t'à Zezì yets'ǫ̀ hadı, “John weza Sımon, seghǫneę̀tǫ nì?” yèhdı. Peter, Zezì taà-eht'aà hayèhdı t'à wegha dìì agòjà. Peter hayèhdı, “Sets'ǫ̀ K'àowo t'asìı hazǫǫ̀ k'èı̨zǫ ne, neghǫneehtǫ sek'èı̨zǫ hǫt'e,” yèhdı. Zezì yets'ǫ̀ hadı, “Sesahzǫ̀ą gıwàı̨dı.

John 6:61

Dǫ eyı ghǫ sǫagedı Zezì gok'èezǫ t'à gots'ǫ̀ hadı, “Dàehsı̨ı̨ sìı naxık'èch'a aehsı̨ nì?

John 6:64

Hanìkò naxıta dǫ mǫ̀hdaa gıgha ehkw'ı aehsı̨-le,” Zezì gòhdı. Kèhogı̨į̀hwho gots'ǫ amìı gıgha ehkw'ı-ahodı ha-le eyıts'ǫ amìı k'aodèe gotł'aàyehtè ha sìı Zezì gok'èezǫ hǫt'e.

Zezì Wecheekeèdeè 5:9

Peter yets'ǫ̀ hadı, “Dànìghǫ Yedàyeh Nezı̨ı̨ weahdzà ha dahwhǫ nǫǫ̀? Cheko nedǫǫ̀ xàgeèhchìı sìı jǫ tı̨ı̨dà ts'ǫ̀ gıadè. Nı̨ sı xànegeehtè ha,” yèhdı.

John Wenazhıı 2:23

Ts'èko wecheekeè hazǫǫ̀ ełaàgehde ha. Hanì-ı̨dè Nǫ̀htsı̨ wecheekeè hazǫǫ̀ dǫdzeè yìı eyıts'ǫ dǫnì yìı k'eeht'į̀ aht'e sek'ègeezǫ ha. Eyıts'ǫ naxıhołı̨į̀ k'èxa naxık'eehkwa hǫt'e sek'ègeezǫ ha.