Matthew 9:38 - Nǫ̀htsı̨ Nı̨htł'è

³⁸ Eyıt'à t'asìı dehshee nàgehtsį̀ ts'ǫ̀ k'àowo sìı weahkè, hanì-ı̨dè t'asìı dehshee nàgehtsį̀ı̨ dǫǫ̀ gots'ǫ̀ ayele ha,” gòhdı.

Matthew 9:38 ပူးပေါင်းရင်းမြစ်များ

Matthew 9:37

Eyıt'à Zezì edecheekeè ts'ǫ̀ hadı, “Dèè k'e t'asìı dıìdìı łǫ dìì hanìkò dǫ nàyehtsį̀ ha łǫ-le.

John 20:21

Zezì k'achı̨ hagòhdı, “Naxıxè sìghà welè! Setà jǫ ts'ǫ̀ sı̨ı̨hɂà xèht'eè dǫ ts'ǫ̀ naxeehɂa ha,” gòhdı.

John 4:35

Naxı̨ dǫ yàahłı̨ı̨ sìı dıı haahdı: ‘Dı̨ sa tł'axǫǫ̀ nı̨dè t'asìı dehshee sìı nàts'ehtsį̀ gà xehkǫ̀ goyats'eewa ha,’ dahdı. Hanìkò sı̨ dıı hanaxèehsı̨, ‘Dèè k'e k'eaht'į̀. T'asìı dehshee sìı dıìdì ajà, hòt'a nàts'ehtsį̀ ha nezı̨.’

Zezì Wecheekeèdeè 13:2

Įłàà yagehtı xè edegegǫ ekò Yedàyeh Nezı̨ı̨ gots'ǫ̀ goı̨de, hadı, “Barnabas eyıts'ǫ Saul segha eghàlageeda ha t'à, seghàgıahłe,” gòhdı.

Zezì Wecheekeèdeè 8:4

Nǫ̀htsı̨ wecheekeè edı̨į̀ ehkègı̨ı̨dee sìı ekǫ godı nezı̨ı̨ t'à dǫ xè gogedo.

1 Corınth 12:28

Nǫ̀htsı̨ sìı t'akwełǫ̀ǫ̀ wecheekeè gıta gots'ǫ edecheekeèdeè gǫį̀hchìı hǫt'e, eyı k'èè nakwenàoɂǫǫ, eyı k'èè dǫ-hoghàehtǫǫ-dǫǫ̀, eyı k'èè enıìyah-hogehtsı̨ı̨-dǫǫ̀, eyı k'èè dǫ-k'aàt'ıì-agehɂı̨ı̨-dǫǫ̀, eyı k'èè dǫ-ts'àdıı-dǫǫ̀, eyı k'èè t'asìı-gha-k'aodèe-gı̨ı̨lı̨ı̨-dǫǫ̀, eyıts'ǫ eyı k'èè yatı-ładı̨ı̨-t'à-gogedee-dǫǫ̀ gǫį̀hchìı hǫt'e.

Ephesus 4:11

Ededı̨ sìı dǫ mǫ̀hdaa wecheekeèdeè gı̨ı̨lı̨ ha goghàhòı̨ɂǫ hǫt'e, mǫ̀hdaa nakwenàoɂǫǫ gı̨ı̨lı̨ ha, mǫ̀hdaa godı nezı̨ı̨ k'egeɂaa gı̨ı̨lı̨ ha, mǫ̀hdaa Nǫ̀htsı̨ wets'ǫ dǫ k'ègedìı gı̨ı̨lı̨ ha, eyıts'ǫ mǫ̀hdaa dǫ hoghàgogeehtǫǫ gı̨ı̨lı̨ ha agǫ̀ǫ̀là.

2 Thessalonıca 3:1

Sèot'ı̨ı̨, nǫǫde t'à dıı hanaxèehsı̨ ha dehwhǫ: Gots'ǫ̀ K'àowo wegodıì nezı̨ı̨ sìı ı̨whąą̀ dǫ ta ts'ǫ̀ ats'ele gha, eyıts'ǫ naxıxè hagòjà lanì dǫ gıghǫ sìghà agedı xè gık'ę̀ę̀ geeda gha, gogha yaahtı.