Matthew 9:22 - Nǫ̀htsı̨ Nı̨htł'è

²² Zezì yets'ǫ̀ ets'aèhtła, yaɂı̨ t'à hayèhdı, “Ts'èko, nedzeè t'à nınà welè. Negha ehkw'ı-ahodı t'à k'aàt'ıì anejà,” yèhdı. Eyı ts'èko ekòet'ıì k'aàt'ıì ajà.

Matthew 9:22 ပူးပေါင်းရင်းမြစ်များ

Matthew 15:28

Zezì yets'ǫ̀ hadı, “Ts'èko, sıì negha ehkw'ı-ahodı! Ayìı sı̨ı̨kèe sìı neghǫ̀t'à ha,” yèhdı. Eyıt'à ekòet'ıì wetì k'aàt'ıì ajà.

Matthew 17:18

Zezì ı̨nìłı̨ı̨ dǫzhìa yìı gots'ǫ xàdeèzhì t'à ekòet'ıì k'aàt'ıì ajà.

Matthew 8:13

Zezì eghǫǫ-dǫǫ̀ gha k'àowo ts'ǫ̀ hadı, “Hot'eè nekǫ̀ ts'ǫ̀ naı̨tłe, hotıì negha ehkw'ı-ahodıı k'ę̀ę̀ agode ha,” yèhdı. Eyıt'à eyı sadzeè et'ıì wecheekeè wegha k'aàt'ıì agòjà.

Matthew 9:2

Dǫ mǫ̀hdaa dǫ wekw'ǫǫ̀ ełaı̨dèe tè k'e whetı̨ı̨ Zezì ts'ǫ̀ geèhchì. Zezì dǫ gınì nàtsoo gok'èezǫ t'à dǫ eyaelı̨ı̨ ts'ǫ̀ hadı, “Àgı̨ą, nehołı̨į̀ neghǫ nahoazha t'à nınà welè,” yèhdı.

Matthew 9:29

Eyıt'à godaà k'e whehdì xè hagòhdı, “Naxıgha ehkw'ı-ahodı k'ę̀ę̀ naxıxè agode,” Zezì gòhdı.

Mark 10:52

Zezì yets'ǫ̀ hadı, “Naı̨tłe! Negha ehkw'ı-ahodı t'à k'aàt'ıì anejà,” yèhdı. Ekòet'ıì k'eet'į̀ ajà eyıts'ǫ Zezì k'èè naèhtła.

Mark 5:34

Zezì yets'ǫ̀ hadı, “Ts'èko, negha ehkw'ı-ahodı t'à k'aàt'ıì anejà. Naı̨tłe, nexè sìghà welè, eyıts'ǫ ayìı t'à daneeɂaa sìı neghǫ whìle awede,” yèhdı.

Luke 17:19

Eyıt'à Zezì eyı dǫ ts'ǫ̀ hadı, “Nıį̀tła, nekǫ̀ ts'ǫ̀ naı̨tłe. Negha ehkw'ı-ahodı t'à k'aàt'ıì anejà,” yèhdı.

Luke 18:42

Zezì yets'ǫ̀ hadı, “K'eı̨t'į̀ anede! Negha ehkw'ı-ahodı t'à k'aàt'ıì anejà,” yèhdı.

Luke 7:50

Zezì ts'èko ts'ǫ̀ hadı, “Negha ehkw'ı-ahodı t'à edaxàneètı̨. Naı̨tłe, nexè sìghà welè,” yèhdı.

Luke 8:48

Zezì yets'ǫ̀ hadı, “Ts'èko, negha ehkw'ı-ahodı t'à k'aàt'ıì anejà. Naı̨tłe, nexè sìghà welè,” yèhdı.

John 4:53

Eyıt'à k'àowo, Zezì dàyèhdıı sìı hotıì eyı sadzeè k'e agòjà yek'èhoèhzà. “Nezaa eda ha,” Zezì yèhdı ı̨lè. Eyı hagòjà t'à ededı̨ eyıts'ǫ dǫ hazǫǫ̀ wekǫ̀ nàgedèe sìı gıgha ehkw'ı-ahodıì agejà.

Zezì Wecheekeèdeè 14:9

Paul gode ekò eyı dǫ yeèhkw'ǫ. Paul hotıì yeghàeda, k'aàt'ıì ade ha wınì nàtsoo yek'èezǫ,

Zezì Wecheekeèdeè 16:18

Łǫ dzęę̀ ts'ǫ̀ hadı xè gok'èè k'eda. Nǫǫdea Paul wegha dìì agòjà t'à yets'ǫ̀ naɂa gà ı̨nìłı̨ı̨ ts'ǫ̀ hadı, “Zezì wıızì dahxà t'eekoa weyìı gots'ǫ xàı̨tłe!” yèhdı. Ekòet'ıì ı̨nìłı̨ı̨ wets'ǫǫ̀ ajà.

Hebrew 4:2

Gocho gıxèht'eè goxı̨ sı godı nezı̨ı̨ t'à gots'ǫ̀ gogı̨ı̨de hǫt'e, hanìkò Nǫ̀htsı̨ wegodıì gı̨į̀hkw'ǫ̀ǫ sìı gıgha ehkw'ı-ahodı-le t'à gıt'àhǫı̨hwhı-le.