Matthew 9:2 - Nǫ̀htsı̨ Nı̨htł'è

² Dǫ mǫ̀hdaa dǫ wekw'ǫǫ̀ ełaı̨dèe tè k'e whetı̨ı̨ Zezì ts'ǫ̀ geèhchì. Zezì dǫ gınì nàtsoo gok'èezǫ t'à dǫ eyaelı̨ı̨ ts'ǫ̀ hadı, “Àgı̨ą, nehołı̨į̀ neghǫ nahoazha t'à nınà welè,” yèhdı.

Matthew 9:2 ပူးပေါင်းရင်းမြစ်များ

Matthew 14:27

Ekòet'ıì Zezì gots'ǫ̀ hadı, “Naxıdzeè nàtsoò aahłe. Sı̨ aht'ı̨. Dahjı̨-le,” gòhdı.

Matthew 4:24

Syrıa nèk'e hazǫǫ̀ wegodıì gıìkw'o t'à dǫ eyagı̨ı̨lı̨ı̨ sìı hazǫǫ̀ Zezì ts'ǫ̀ gogeèwa. Dǫ tàda deè t'à eyagı̨ı̨lı̨ı̨, dǫ ı̨nìłı̨ı̨ gıts'ǫ̀-èlı̨ı̨, dǫ edoo t'à eyagı̨ı̨lı̨ı̨, eyıts'ǫ dǫ gıkw'ǫǫ̀ ełaı̨dèe sìı hazǫǫ̀ Zezì k'aàt'ıì agǫǫ̀là.

Matthew 6:12

Dǫ gok'èch'a nàhogehdèe sìı gıhołı̨į̀ gıghǫ nahots'eele, eyı xèht'eè gohołı̨į̀ goghǫ nahoı̨le.

Matthew 8:10

Zezì eyı k'àowo dàdıı sìı yıìkw'o ekò sıì wegha enıìyah dìì. Dǫ łǫ yek'èè k'edèe sìı ts'ǫ̀ hadı, “Ehkw'ı anaxèehsı̨, Israel nèk'e dǫ wınì hanànıhtso ghǫ eèhkw'o whìle.

Matthew 8:16

Eyı xèhts'ǫ̀ dǫ łǫ ı̨nìłı̨ı̨ gıts'ǫ̀-èlı̨ı̨ sìı Zezì ts'ǫ̀ gogeèwa. Edeyatıì t'à ı̨nìłı̨ı̨ xàgodeèzhì eyıts'ǫ dǫ-eyaelı̨ı̨ hazǫǫ̀ k'aàt'ıì agǫ̀ǫ̀là.

Matthew 9:22

Zezì yets'ǫ̀ ets'aèhtła, yaɂı̨ t'à hayèhdı, “Ts'èko, nedzeè t'à nınà welè. Negha ehkw'ı-ahodı t'à k'aàt'ıì anejà,” yèhdı. Eyı ts'èko ekòet'ıì k'aàt'ıì ajà.

Matthew 9:5

Dǫ wekw'ǫǫ̀ ełaı̨dèe sìı dàwets'edı nı̨dè denahk'e dezhì-le: ‘Nehołı̨į̀ neghǫ nahoazha,’ hanì-le-ı̨dè ‘Nıį̀tła gà k'eı̨tło.’

Matthew 9:6

Dıı nèk'e Dǫ-wet'àaɂàa-deè dǫ hołı̨ı̨ ghǫ nahoele ha weghàhòt'ǫǫ sìı, wek'èahsǫǫ̀ anaxehłe ha,” gòhdı tł'axǫǫ̀ dǫ wekw'ǫǫ̀ ełaı̨dèe sìı ts'ǫ̀ hadı, “Nıį̀tła, netè nı̨į̀ɂa gà nekǫ̀ ts'ǫ̀ naı̨tłe,” yèhdı.

Mark 1:32

Xèhts'ǫ̀ agòjà ekò dǫ eyagı̨ı̨lı̨ı̨ eyıts'ǫ dǫ ı̨nìłı̨ı̨ gıts'ǫ̀-èlı̨ı̨ sìı hazǫǫ̀ Zezì ts'ǫ̀ gogeèwa.

Mark 10:49

Zezì nììtła, dǫ gots'ǫ̀ hadı, “Sets'ǫ̀ ııtła wèahdı,” gòhdı. Eyıt'à dǫ wedaà goìlee ts'ǫ̀ gogede, hagedı, “Nınà welè! Nàąwo! Wets'ǫ̀-ı̨tła ha nı̨ı̨hwhǫ,” gıìhdı.

Mark 5:34

Zezì yets'ǫ̀ hadı, “Ts'èko, negha ehkw'ı-ahodı t'à k'aàt'ıì anejà. Naı̨tłe, nexè sìghà welè, eyıts'ǫ ayìı t'à daneeɂaa sìı neghǫ whìle awede,” yèhdı.

Mark 6:50

Hazǫǫ̀ gıaɂı̨ t'à sıì dègeèhyeh. Ekòet'ıì Zezì gots'ǫ̀ hadı, “Naxıdzeè nàtsoò aahłe. Sı̨ aht'ı̨. Dahjı̨-le,” gòhdı.

John 16:33

“Dıı hazǫǫ̀ naxıts'ǫ̀ haehsı̨ hǫt'e, hanì-ı̨dè sı̨ set'à naxıgha ts'èwhı̨į̀ hòɂǫ ha. Dıı nèk'e naxıxè hoìla ha hǫt'e. Hanìkò sı̨ sìı dıı nèk'e hazǫǫ̀ gıghǫèhnǫ ne t'à, naxınì nàtsoò aahłe,” Zezì gòhdı.

John 2:25

Dǫnì k'èezǫ t'à, dǫ ghǫ wets'ǫ̀ hats'edı-le kò dǫ gıdzeè k'èezǫ hǫt'e.

John 21:5

Zezì dagoehke, “Àgı̨ą, asį̀į̀ łıwe naxıts'ǫ?” “Dàòdì,” gıìhdı.

Zezì Wecheekeèdeè 14:9

Paul gode ekò eyı dǫ yeèhkw'ǫ. Paul hotıì yeghàeda, k'aàt'ıì ade ha wınì nàtsoo yek'èezǫ,

Zezì Wecheekeèdeè 19:12

Paul k'oòhchìa eyıts'ǫ jǫhtè t'à-at'ı̨ı̨ sìı eyı kò dǫ-eyaelı̨ı̨ ts'ǫ̀ agehɂı̨ nı̨dè k'aàt'ıì aget'į̀ eyıts'ǫ ı̨nìłı̨ı̨ gots'ǫǫ̀ xàgeedè.

Zezì Wecheekeèdeè 23:11

Ek'èdaetoò Zezì Paul gà nàowo, yets'ǫ̀ hadı, “Nedzeè nàtsoò anele! Jerusalem dànì seghǫ goı̨de ı̨lèe sìı kǫ̀godeè Rome ekǫ k'achı̨ hanì seghǫ goı̨de ha hǫt'e,” yèhdı.

Rome 5:11

Eyıts'ǫ gots'ǫ̀ K'àowo Zezì-Krı wet'ǫ̀ǫ̀ goghǫ nahoazha ne t'à, Nǫ̀htsı̨ wexè ts'èwhı̨į̀ ts'eeda ghǫ goınà hǫt'e.

James 2:18

Hanìkò dǫ sets'ǫ̀ dıı hadı nı̨dè, “Nı̨ negha ehkw'ı-ahodı, hanìkò sı̨ nezı̨į̀ eghàlaehda,” sèhdı nı̨dè, wets'ǫ̀ dıı haehsı̨ ha. “Negha ehkw'ı kò wek'ę̀ę̀ eghàlaı̨da-le sìı weghàıhdà, ekò sı̨ ayìı dàhɂı̨ weghàà segha ehkw'ı-ahodıı sìı weghàı̨daà anehłe ha,” haehsı̨ ha.