Matthew 9:15 - Nǫ̀htsı̨ Nı̨htł'è

¹⁵ Zezì gots'ǫ̀ hadı, “K'ǫadzàa ı̨łaà goxè wheda et'ıì, dǫ gıghǫ nìı̨dee sìı edegegǫ ha nì? Į̀le ne, hanìkò ı̨łè dzęę̀ k'ǫadzàa gıghǫ wììchì ha hǫt'e, eyı dzęę̀ k'e nı̨dè edegegǫ ha.

Matthew 9:15 ပူးပေါင်းရင်းမြစ်များ

Matthew 9:14

Eyı tł'axǫǫ̀ John-Baptıst wecheekeè Zezì gà nègı̨ı̨de, gıts'ǫ̀ hadı, “Goxı̨ eyıts'ǫ Pharısee gı̨ı̨lı̨ı̨ sìı edets'egǫ, hanìkò dànìghǫ necheekeè edegegǫ-le?” gıìhdı.

Matthew 9:16

“Dǫ wı̨ı̨zìı goht'ǫ zǫą k'e ɂehtł'ı̨gòò nètèyeèlı nıìle. Hayį̀į̀là nı̨dè ɂehtł'ı̨gòò ełeechı t'à wemǫǫ̀ tàedlà ha. Hajà nı̨dè, goht'ǫ zǫą denahk'e wetàedlà ha.

Mark 2:19

Zezì gots'ǫ̀ hadı, “K'ǫ̀ądzàa ı̨łaà goxè wheda et'ıì, dǫ gıghǫ nìı̨dee sìı edegegǫ ha nì? Į̀le ne, k'ǫ̀ądzàa ı̨łaà goxè wheda et'ıì edegegǫ ha nıìle.

Mark 2:20

Hanìkò ı̨łè dzęę̀ k'e k'ǫ̀ądzàa gıghǫ wììchì ha, eyı dzęę̀ k'e nı̨dè edegegǫ ha hǫt'e.

Luke 17:22

Eyı tł'axǫǫ̀ edecheekeè ts'ǫ̀ hadı, “Nǫǫde-ı̨dè Dǫ-wet'àaɂàa-deè K'àowocho elı̨ı̨ weahɂį̀ dahwhǫ ha, hanìkò naxıxè hagode ha nıìle.

Luke 5:34

Zezì gots'ǫ̀ hadı, “K'ǫadzàa ı̨łaà goxè wheda et'ıì, dǫ gıghǫ nìı̨dee sìı edegegǫ ha nì?

Luke 5:35

Į̀le ne, hanìkò ı̨łè dzęę̀ k'e k'ǫadzàa goghǫ wììchı ha, eyı dzęę̀ k'e nı̨dè edegegǫ ha hǫt'e,” gòhdı.

John 16:6

Eyı naxıts'ǫ̀ haehsı̨ t'à sıì naxıgha dìì agòjà.

John 3:29

Ts'èko honìdzaa sìı wedǫzhıì ghaelı̨ hǫt'e. Dǫ honìdaa weàgı̨ą yekaɂeèhkw'ǫ hǫt'e. Dǫ ts'ǫ̀ gode yeèhkw'ǫ nı̨dè sıì wınà hǫt'e. Eyı xèht'eè dıì hòt'a sınà hǫt'e.

Zezì Wecheekeèdeè 14:23

Paul eyıts'ǫ Barnabas kǫ̀ta k'egıadèe sìı Nǫ̀htsı̨ wecheekeè gha k'aodèe gį̀į̀hchì. Yagehtıı xè edegegǫ t'à Nǫ̀htsı̨ ghàgogį̀ı̨la, Nǫ̀htsı̨ ghǫ gınì nàtso t'à.

1 Corınth 7:5

Į̀łah naxınì k'ę̀ę̀ lenǫsıı ełets'ǫ̀ į̀le dahdı-le. Į̀łah hanì ha dahwhǫ nı̨dè whatsǫǫ̀ Nǫ̀htsı̨ ts'ǫ̀ xàyaahtı ha gòɂǫǫ̀ aahłe gha welè, hanìkò whaà-lea gots'ǫ̀ zǫ aaht'ı̨. Eyı tł'axǫǫ̀-ı̨dè ełets'ǫ̀ anaahde, naxınì nàtso-le t'à wehłı̨ı̨ naxeèhdzà ha sǫnı.

2 Corınth 11:27

T'aats'ǫǫ̀ hòtł'ò eghàlaehda xè gǫı̨tłǫǫ̀ ıhtè-le. Bò dę xè tı dę aeht'è, eyıts'ǫ goht'ǫ dę aeht'è xè segha edza ı̨lè.

John Wenazhıı 19:9

Eyı tł'axǫǫ̀ yak'eet'ı̨į̀ sets'ǫ̀ hadı, “Dıı dek'enìı̨tł'è: ‘Amìı eyı sahzǫ̀ą honìdza wets'ǫ nàsı̨ nàgedè ha gıxayaetıı sìı gıxè sìghà hǫt'e,’ ” sets'ǫ̀ hadı. K'achı̨ sets'ǫ̀ hadı, “Dıı sìı xàè Nǫ̀htsı̨ weyatıì hǫt'e,” hadı.

John Wenazhıı 21:2

Yak'e gots'ǫ Kǫ̀godeè Degaı ı̨zhıì ajà wègaat'ı̨. Kǫ̀godeè wegòò Jerusalem, Nǫ̀htsı̨ gots'ǫ ı̨zhıì ajà. Ts'èko dǫzhìı xè honìda ha goht'ǫ wèdaat'ı̨ı̨ yìı wheda lanì eyı kǫ̀godeè wèdaat'ı̨.