Matthew 9:11 - Nǫ̀htsı̨ Nı̨htł'è

¹¹ Pharısee gı̨ı̨lı̨ı̨ sìı gogıaɂı̨ ekò Zezì wecheekeè ts'ǫ̀ hagedı, “Dànìghǫ naxıts'ǫ̀ k'àowo sǫǫ̀mba-nàhtsį̀ı̨-dǫǫ̀ eyıts'ǫ hołı̨ı̨-hogehtsı̨ı̨-dǫǫ̀ xè shètı̨?” gògedı.

Matthew 9:11 ပူးပေါင်းရင်းမြစ်များ

Matthew 11:19

Dǫ-wet'àaɂàa-deè nììtła ekò shètı̨ xè yedǫ, eyıt'à dıı hagedı, ‘Bò gha edì-le xè yedǫ ghaewı. Sǫǫ̀mba-nàhtsį̀ı̨-dǫǫ̀ eyıts'ǫ hołı̨ı̨-hogehtsı̨ı̨-dǫǫ̀ edeàgı̨ą gòt'ı̨,’ gedı. Wet'à gots'ı̨ı̨zǫǫ sìı wek'ę̀ę̀ ts'eeda nı̨dè hoɂıì gok'e wègaat'ı̨ ha hǫt'e,” Zezì gòhdı.

Matthew 5:46

Dǫ naxıghǫnegeètǫǫ zǫ gıghǫnıahtǫ nı̨dè, eyı t'asìı nıìle. Sǫǫ̀mba-nàgehtsį̀ı̨-dǫǫ̀ ededı̨ kò ełeghǫnegeètǫ hǫt'e.

Matthew 9:10

Eyı tł'axǫǫ̀ Zezì Matthew wekǫ̀ shètı̨ ekò sǫǫ̀mba-nàhtsį̀ı̨-dǫǫ̀ gı̨ı̨lı̨ı̨ eyıts'ǫ hołı̨ı̨-hogehtsı̨ı̨-dǫǫ̀ łǫ Zezì eyıts'ǫ wecheekeè xè shègıazhe.

Mark 2:16

Nǫ̀htsı̨-yatıì-k'ègedìı-dǫǫ̀, Pharısee gı̨ı̨lı̨ı̨ sìı Zezì sǫǫ̀mba-nàhtsį̀ı̨-dǫǫ̀ eyıts'ǫ hołı̨ı̨-hogehtsı̨ı̨-dǫǫ̀ xè shètı̨ gıaɂı̨ ekò, Zezì wecheekeè ts'ǫ̀ hagedı, “Dànìghǫ Zezì sǫǫ̀mba-nàhtsį̀ı̨-dǫǫ̀ eyıts'ǫ hołı̨ı̨-hogehtsı̨ı̨-dǫǫ̀ xè shètı̨?” gògedı.

Luke 19:7

Zezì, Zacchaeus k'èèhtła t'à dǫ hazǫǫ̀ sǫagedı, “Hołı̨ı̨-hohtsı̨ı̨-dǫǫ̀ xè wheda,” gedı.

Luke 5:30

Hanìkò Pharısee gı̨ı̨lı̨ı̨ eyıts'ǫ gıta gots'ǫ Nǫ̀htsı̨-yatıì-k'ègedìı-dǫǫ̀ Zezì wecheekeè ts'ǫ̀ sǫagedı, “Dànìghǫ sǫǫ̀mba-nàhtsį̀ı̨-dǫǫ̀ eyıts'ǫ hołı̨ı̨-hogehtsı̨ı̨-dǫǫ̀ xè shèahzhe xè aahdǫ?” gògedı.

Zezì Wecheekeèdeè 11:3

Eyıt'à hagıìhdı, “Dǫ eładı̨ı̨ xàɂaa gıkǫ̀ goyaneetła xè gıxè shènetı̨ nǫǫ̀,” gıìhdı.

Galatıa 2:15

“Goxı̨ gogǫ̀hłı̨ t'à Israel got'ı̨į̀ ats'ı̨ı̨t'e, ‘dǫ eładı̨ı̨ hołı̨ı̨ k'ę̀ę̀ geedaa sìı’ gıta gots'ǫ dǫ ats'ı̨ı̨t'e nıìle.

Hebrew 5:2

Hanì yahtıı-wet'àaɂàa-deè elı̨ı̨ sìı dǫ t'asìı k'ègeezǫ-le t'à ts'ıɂǫ̀ geedèe sìı gok'èezǫ xè etegoèhɂı̨ hǫt'e, ededı̨ sı goxèht'eè nàtso-le hǫt'e t'à.

2 John 1:10

Dǫ t'alàa-sìı Zezì wegodıì k'èdì-le xè ekǫ-le hoghànaxeehtǫ nı̨dè naxıkǫ̀ goyaetła aweahłe-le, eyıts'ǫ naxıxè nàwedè-le.