Matthew 8:9 - Nǫ̀htsı̨ Nı̨htł'è

⁹ Sı̨ kò segha k'àowo gǫ̀hłı̨ eyıts'ǫ eghǫǫ-dǫǫ̀ gıgha k'àowo ehłı̨. Dǫ ı̨łè ‘Yeè nàątła,’ wèehsı̨ nı̨dè ekǫ nàtła, eyıts'ǫ k'achı̨ ı̨łè ‘Jǫ nàątła,’ wèehsı̨ nı̨dè jǫ nàtła. Secheekeè, ‘Dıı hanele,’ wèehsı̨ nı̨dè hayehɂı̨,” yèhdı.

Matthew 8:9 ပူးပေါင်းရင်းမြစ်များ

Matthew 8:10

Zezì eyı k'àowo dàdıı sìı yıìkw'o ekò sıì wegha enıìyah dìì. Dǫ łǫ yek'èè k'edèe sìı ts'ǫ̀ hadı, “Ehkw'ı anaxèehsı̨, Israel nèk'e dǫ wınì hanànıhtso ghǫ eèhkw'o whìle.

Matthew 8:8

Hanìkò eghǫǫ-dǫǫ̀ gha k'àowo yets'ǫ̀ hadı, “K'àowo, sekǫ̀ naątła gha dǫ lahoeht'ı̨-le. Ekìı neyatıì t'à xàyanehtı nı̨dè secheekeè k'aàt'ıì ade ha.

Mark 1:27

Dǫ hazǫǫ̀ gıgha enıìyah t'à ełets'ǫ̀ hagedı, “Dàgot'ı̨į̀-agot'ı̨? Nàowo eładı̨ı̨ k'ę̀ę̀ hoghàgoehtǫ eyıts'ǫ ededı̨ t'asìı hazǫǫ̀ ts'ǫ̀ k'àowo elı̨ ladıì gode. Yatı nàtsoo t'à ı̨nìłı̨ı̨ ts'ǫ̀ gode nı̨dè gık'èı̨t'e,” gedı.

Luke 4:39

Zezì yegà nììtła, edı-elı̨ t'à eyaelı̨ı̨ sìı xàyeèhɂà t'à k'aàt'ıì ajà. Ekòet'ıì Sımon wets'èkeè wemǫ nıìtła gà weghǫ shèts'ezhee goghàedı.

Luke 7:8

Sı̨ kò segha k'àowo gǫ̀hłı̨ eyıts'ǫ eghǫǫ-dǫǫ̀ gıgha k'àowo ehłı̨. Įłè ‘Yeè nàątła,’ wèehsı̨ nı̨dè ekǫ nàtła, eyıts'ǫ k'achı̨ ı̨łè ‘Jǫ nàątła,’ wèehsı̨ nı̨dè jǫ nàtła. Secheekeè, ‘Dıı hanele,’ wèehsı̨ nı̨dè hayehɂı̨,” k'àowo hanì yedanatı̨ı̨ɂǫ.

Luke 9:1

Zezì edecheekeèdeè hoònǫ-daats'ǫ̀-nàke gokayaı̨htı t'à, łą̀ą nègı̨ı̨de. Įnìłı̨ı̨ dǫ yìı gots'ǫ xàdegeezhı ha eyıts'ǫ dǫ k'aàt'ıì agele ha goghàhòı̨ɂǫ.

Colosse 3:22

Dǫ gıcheekeè yàahłı̨ı̨ sìı dıı nèk'e naxıts'ǫ̀ k'aodèe gı̨ı̨lı̨ı̨ sìı gık'èaht'e. Gınadąą̀ zǫ nezı̨į̀ k'ehoahɂa-le, ekìı naxıghǫ nezı̨į̀ agı̨ı̨wǫ gha aaht'ı̨-le. Hanìkò gots'ǫ̀ K'àowo ts'ǫ̀ nezı̨į̀ kànıahɂa xè naxıdzeè t'à nezı̨į̀ eghàlaahda.

Tıtus 2:9

Dǫ gıts'ǫ k'àowo gǫ̀hłı̨ı̨ sìı edets'ǫ̀ k'àowo k'èagı̨ı̨t'e ha hoghàgı̨ı̨htǫ. T'asìı hazǫǫ̀ t'à edets'ǫ̀ k'àowo wınì nezı̨ı̨ gha eghàlagııdà, eyıts'ǫ gots'ǫ̀ ek'èt'à gogııde-le,