Matthew 8:6 - Nǫ̀htsı̨ Nı̨htł'è

⁶ Eghǫǫ-dǫǫ̀ gha k'àowo hadı, “K'àowo, secheekeè wekw'ǫǫ̀ ełaı̨dè xè hòtł'ò eyaelı̨ t'à sıì daı̨ɂa dìì,” yèhdı.

Matthew 8:6 ပူးပေါင်းရင်းမြစ်များ

Matthew 4:24

Syrıa nèk'e hazǫǫ̀ wegodıì gıìkw'o t'à dǫ eyagı̨ı̨lı̨ı̨ sìı hazǫǫ̀ Zezì ts'ǫ̀ gogeèwa. Dǫ tàda deè t'à eyagı̨ı̨lı̨ı̨, dǫ ı̨nìłı̨ı̨ gıts'ǫ̀-èlı̨ı̨, dǫ edoo t'à eyagı̨ı̨lı̨ı̨, eyıts'ǫ dǫ gıkw'ǫǫ̀ ełaı̨dèe sìı hazǫǫ̀ Zezì k'aàt'ıì agǫǫ̀là.

Matthew 8:7

Zezì yets'ǫ̀ hadı, “Nexè nekǫ̀ nàhtła gà k'aàt'ıì awehłe ha,” yèhdı.

Matthew 9:2

Dǫ mǫ̀hdaa dǫ wekw'ǫǫ̀ ełaı̨dèe tè k'e whetı̨ı̨ Zezì ts'ǫ̀ geèhchì. Zezì dǫ gınì nàtsoo gok'èezǫ t'à dǫ eyaelı̨ı̨ ts'ǫ̀ hadı, “Àgı̨ą, nehołı̨į̀ neghǫ nahoazha t'à nınà welè,” yèhdı.

Zezì Wecheekeèdeè 10:7

Yak'eet'ı̨į̀ yets'ǫǫ̀ ajà tł'axǫǫ̀ Cornelıus edecheekeè nàke gokagoı̨de, eyıts'ǫ eghǫǫ-dǫǫ̀ ı̨łè yegha eghàlaedaa sìı Nǫ̀htsı̨ ghǫ hòtł'ò anıwǫ, eyı sı ts'ǫ̀ goı̨de.

Zezì Wecheekeèdeè 8:7

Įnìłı̨ı̨ łǫ yagìzeh xè dǫ yìı gots'ǫ xàgı̨ı̨de, dǫ gıkw'ǫǫ̀ ełaı̨dèe łǫ eyıts'ǫ dǫ k'egedè-le łǫ k'aàt'ıì agǫ̀ǫ̀là.

Zezì Wecheekeèdeè 9:33

Ekǫ dǫ ı̨łè Aneyas wìyeh eɂı̨. Eyı dǫ k'eda-le t'à ek'èdı̨ xo gots'ǫ edetè k'e whetı̨.

Colosse 3:11

Zezì-Krı wegha ts'eeda nı̨dè hazǫǫ̀ ełèts'ı̨ı̨ht'e hǫt'e. Israel got'ı̨į̀, Greece got'ı̨į̀ ełexègı̨ı̨ht'ee, nàgoet'àa, nàgoet'à-le, nàowo eładı̨ı̨ k'ę̀ę̀ geedaa dǫǫ̀, dǫ edets'ǫ̀ k'agedè-le, edets'ǫ̀ k'agedèe, hazǫǫ̀ ełexègı̨ı̨ht'e. Zezì-Krı ededı̨ zǫ gogha K'àowo elı̨, eyıts'ǫ goxı̨ hazǫǫ̀ godzeè yìı eda.

Colosse 4:1

K'aodèe yàahłı̨ı̨ sìı dǫ naxıgha eghàlageedaa sìı gıts'ǫ̀ ehkw'ı eghàlaahda, naxı̨ sı yak'e naxıts'ǫ̀ K'àowo gǫ̀hłı̨ wek'èahsǫ ne t'à.

1 Tımothy 6:2

K'àowo gı̨ı̨lı̨ı̨ eyıts'ǫ gıcheekeè į̀łah gıgha ehkw'ı-ahodı t'à ełèot'ı̨ agı̨ı̨t'e. Gıcheekeè gı̨ı̨lı̨ı̨ sìı dek'aɂį̀ gots'ǫ̀ nageɂa ha-le, hanìkò dǫ got'à hogeehwhıı sìı gıgha ehkw'ı-ahodı xè goghǫnegeètǫ agı̨ı̨t'e t'à denahk'e hòtł'ò gıgha eghàlageeda ha hǫt'e. Gıcheekeè gı̨ı̨lı̨ı̨ sìı eyı nàowo hoghàgı̨ı̨htǫ welì eyıts'ǫ hotıì weghàà aahda gìı̨dı.

Phılemon 1:16

Dıì sìı negha eghàlaedaa dǫǫ̀ zǫ elı̨ nıìle. Į̀le, negha eghàlaedaa dǫǫ̀ nahk'e nechı lanì sıì weghǫneę̀tǫ ha. Weghǫneehtǫ hǫt'e, hanìkò nı̨ denahk'e weghǫneę̀tǫ aąde ha. Negha nezı̨į̀ eghàlaedaa dǫǫ̀ elı̨ t'à eyıts'ǫ gots'ǫ̀ K'àowo wıızì dahxà nèot'ı̨ elı̨ t'à weghǫneę̀tǫ ha.