Matthew 8:4 - Nǫ̀htsı̨ Nı̨htł'è

⁴ Zezì yets'ǫ̀ hadı, “Nets'ǫ̀ dànàhòwoo sìı dǫ wı̨ı̨zìı ts'ǫ̀ haı̨dı-le. Nek'ahoeta gha yahtıı ts'àątła. Moses wenàowoò k'ę̀ę̀ nehołı̨į̀ neghǫ nahoezhe k'èxa yahtıı t'asìı negha k'egııhk'ǫ̀. Hanì-ı̨dè weghàà k'aàt'ıì anaąjà dǫ gık'èezǫ ha,” yèhdı.

Matthew 8:4 ပူးပေါင်းရင်းမြစ်များ

Matthew 10:18

Sı̨ sets'ıhɂǫ̀ k'àowocho eyıts'ǫ dèe-ts'ǫ̀-k'àowo gınadąą̀ naxısınìyaetı anaxegele ha. Hanìkò seghǫ gıts'ǫ̀ goahde ha eyıts'ǫ dǫ eyıì-le xàɂaa sı gıts'ǫ̀ goahde ha.

Matthew 16:20

Zezì edecheekeè gots'ǫ̀ hadı, “Chrıst aht'ee sìı dǫ wı̨ı̨zìı ts'ǫ̀ haahdı-le,” gòhdı.

Matthew 17:9

Shìhka gots'ǫ hodàgeède ekò Zezì hagòhdı, “Dǫ-wet'àaɂàa-deè naìdà gots'ǫ̀ ayìı weahɂı̨ı̨ sìı dǫ wı̨ı̨zìı ts'ǫ̀ haahdı-le,” gòhdı.

Matthew 3:15

Zezì yets'ǫ̀ hadı, “Hanì welè kò. Dıı hanì gogha ehkw'ı hòɂǫǫ sìı deghàà wek'ę̀ę̀ ats'ııle.” Zezì yèhdı t'à, John-Baptıst yek'èhoı̨ɂǫ.

Matthew 5:17

“Moses wenàowoò eyıts'ǫ nakwenàoɂǫǫ gını̨htł'è wedę ahłe gha jǫ ahjà nıìle; gıyatıì wek'ę̀ę̀ hòɂǫ ahłe ha jǫ nèehtła hǫt'e.

Matthew 6:1

“Kexoahdı, wet'à naxıghǫ nezı̨į̀ agedı ha dahwhǫ t'à, dǫ nadąą̀ zǫ ehkw'ı k'ehoahɂa-le. Haaht'ı̨ nı̨dè Naxıtà yak'e whedaa sìı eyı k'èxa t'asìı naxıghàɂà ha-le.

Matthew 9:30

Ekòet'ıì gıdaà gǫ̀hłı̨ anagejà. Zezì yatı nàtsoo t'à hagòhdı, “Dıı hagòjàa sìı dǫ wı̨ı̨zìı yek'èızà sǫ̀ǫ̀,” gòhdı.

Mark 13:9

“Dǫ naxıts'ǫ̀ xànègı̨ı̨ɂaa sìı gıxoahdı. Nàyaetıı-kǫ̀ ts'ǫ̀ anaxegele ha eyıts'ǫ ełègehdèe-kǫ̀ goyìı naxık'egeehkwa ha. Sı̨ sets'ıhɂǫ̀ k'àowocho eyıts'ǫ dèe-ts'ǫ̀-k'àowo gınadąą̀ naxısınìyaetıì anaxegele ha, eyıts'ǫ seghǫ gıts'ǫ̀ goahde ha.

Mark 3:12

Hanìkò Zezì yatı nàtsoo t'à gots'ǫ̀ hadı, “Amìı aht'ee sìı dǫ ts'ǫ̀ haahdı-le,” gòhdı.

Mark 5:43

Hanìkò Zezì, “Eyı ghǫ dǫ wı̨ı̨zìı ts'ǫ̀ haahdı-le,” gòhdı tł'axǫǫ̀ hadı, “Yeghǫ shètı̨ weghàahdı,” gòhdı.

Mark 6:11

Kǫ̀ta ts'ǫ dǫ naxıgı̨ı̨wǫ-le nı̨dè eyıts'ǫ naxıgeèhkw'ǫ-le nı̨dè, naahdè kwe gıkǫ̀ta ts'ǫ ehtł'è naxıkè-tł'a whìle aahłe (eyı weghàà ekǫ-le eghàlageeda gık'e nìdahoahɂà gık'èezǫǫ̀ ageahłe ha),” Zezì hagòhdı.

Mark 7:36

Eyı tł'axǫǫ̀ Zezì dǫ gots'ǫ̀ hadı, “Dıı weghǫ dǫ wı̨ı̨zìı ts'ǫ̀ haahdı-le,” gòhdı. Hanìkò k'èdaà hagòhdı kò k'èdaà gıghǫ gode.

Mark 8:30

Zezì edecheekeè gots'ǫ̀ hadı, “Eyı ghǫ dǫ wı̨ı̨zìı ts'ǫ̀ haahdı-le,” gòhdı.

Mark 9:9

Shìhka gots'ǫ hodàgeède ekò Zezì hagòhdı, “Dǫ-wet'àaɂàa-deè naìdà gots'ǫ̀ ayìı weahɂı̨ı̨ sìı dǫ wı̨ı̨zìı ts'ǫ̀ haahdı-le,” gòhdı.

Luke 17:14

Zezì goaɂı̨ ekò hagòhdı, “Naxık'ahoeta gha yahtıı gıts'ǫ̀ aahdè,” gòhdı. Yahtıı ts'ǫ̀ geède ekò hazǫǫ̀ gıgha k'aàt'ıì agejà.

Luke 21:13

Eyı hazǫǫ̀ naxıts'ǫ̀ hanàhòwo nı̨dè segodıì nezı̨ı̨ t'à dǫ ts'ǫ̀ goahde ha.

Luke 4:41

Eyıts'ǫ ı̨nìłı̨ı̨ dǫ łǫ yìı gots'ǫ xàı̨de, hagedıì gezeh, “Nı̨ sìı Nǫ̀htsı̨ Weza anet'e.” Hanìkò Zezì nàgoehɂǫ. Zezì, Chrıst hǫt'e ı̨nìłı̨ı̨ gık'èezǫ t'à Zezì gogedeè agohɂı̨-le.

Luke 5:14

Zezì yets'ǫ̀ hadı, “Nets'ǫ̀ dànàhòwoo sìı dǫ wı̨ı̨zìı ts'ǫ̀ haı̨dı-le. Nek'ahoeta gha yahtıı ts'àątła. Moses wenàowoò k'ę̀ę̀ nehołı̨į̀ neghǫ nahoezhe k'èxa yahtıı t'asìı negha k'egııhk'ǫ̀. Hanì-ı̨dè weghàà k'aàt'ıì anaąjà dǫ gık'èezǫ ha,” yèhdı.

Luke 8:56

Wetà eyıts'ǫ wemǫ gıgha enıìyah dìì. Hanìkò Zezì gots'ǫ̀ hadı, “Naxıxè dàgòjàa sìı dǫ wı̨ı̨zìı ts'ǫ̀ haahdı-le,” gòhdı.

Luke 9:21

Zezì edecheekeè gots'ǫ̀ hadı, “Dǫ wı̨ı̨zìı ts'ǫ̀ haahdı-le!” gòhdı.

John 5:41

“Dǫ seghǫ nezı̨į̀ agedı gha aht'ı̨-le,

John 7:18

Dǫ ededahxà godee sìı dǫ nayeet'ı̨ gha at'ı̨ hǫt'e. Ekò amìı yı̨ı̨hɂàa sìı yıızì nezı̨ ehtsı̨ gha at'ı̨ nı̨dè, eyı dǫ sìı ehkw'ı gode hǫt'e. Eyı dǫ sìı hots'ì nıìle.

John 8:50

Dǫ seghàsǫgeedı gha jǫ ts'ǫ̀ ahjà nıìle. Hanìkò ededı̨ seghàsǫhoedı ha nıwǫǫ sìı dǫ sınìyaehtı elı̨ hǫt'e.