Matthew 8:2 - Nǫ̀htsı̨ Nı̨htł'è

² Dǫ ı̨łè gokwǫ̀ tàda t'à eyaelı̨ı̨ sìı Zezì ts'ǫ̀ èhtła, yets'ǫ̀ nàgòı̨hgè, hadı, “K'àowo, haneewǫ nı̨dè k'aàt'ıì ası̨ı̨le ha dìì-le,” yèhdı.

Matthew 8:2 ပူးပေါင်းရင်းမြစ်များ

Matthew 10:8

Dǫ eyagı̨ı̨lı̨ı̨ sìı k'aàt'ıì agıahłe, dǫ ełaı̨dèe sìı naìdà agıahłe, dǫ gıkwǫ̀ tàda t'à eyagı̨ı̨lı̨ı̨ sìı k'aàt'ıì agıahłe, eyıts'ǫ ı̨nìłı̨ı̨ xàahɂà. T'asìı k'èxa-le hanì naxıghàhòt'ǫ t'à, t'asìı k'èxa-le wet'à dǫ ts'àahdı.

Matthew 13:58

Dǫ gıgha ehkw'ı-ahodı-le t'à, ekǫ enıìyah łǫ hòèhtsı̨-le.

Matthew 14:33

Wecheekeè elà yìı geèhkw'ee sìı gıts'ǫ̀ nàgògı̨ı̨hgè, hagedı, “Nı̨ sìı Nǫ̀htsı̨ Weza anet'e,” gıìhdı.

Matthew 15:25

Ts'èko Zezì gà nììtła, yets'ǫ̀ nàgòı̨hgè, hadı, “K'àowo, sets'ànedı!” yèhdı.

Matthew 18:26

“Eyı wecheekeè yets'ǫ̀ nàgòı̨hgè, yeghǫnàdaetì hadı, ‘Įłaà seghàhòı̨ɂà, senı̨htł'è hazǫǫ̀ naehłe ha ne,’ yèhdıì yeghǫnàdaetì.

Matthew 2:11

Eyı kǫ̀ goyageède ekò, bebìa eyıts'ǫ wemǫ Mary gıaɂı̨. Bebìa gà nàgògı̨ı̨hgè xè gıghàsǫedı. Eyı tł'axǫǫ̀ sǫǫ̀mbaekwo, wet'à ło łekǫǫ dèk'ǫ̀ǫ eyıts'ǫ yìk'eetł'òo dètìı xàgı̨ı̨wa gà bebìa ghàgı̨ı̨la.

Matthew 20:20

Ekìıyeè k'e Zebedee wets'èkeè Zezì t'asìı gogha hayele nıwǫ t'à, edeza nàke xè Zezì ts'ǫ̀ èhtła gà yets'ǫ̀ nàgòı̨hgè.

Matthew 26:6

Ekìıyeè k'e kǫ̀ta Bethany Zezì Sımon wekǫ̀ wheda ı̨lè. (Sımon gokwǫ̀ tàda t'à eyaelı̨ ı̨lè.)

Matthew 28:17

Zezì gıaɂı̨ ekò gıts'ǫ̀ nàgòı̨hgè, hanìkò dǫ mǫ̀hdaa gıgha hotıì-le.

Matthew 28:9

Hǫtsaa Zezì gonìhdǫǫ̀ èhtła, “Naxıxè sìghà welè,” gòhdı. Gıts'ǫ̀ geède, wekè dagıachì gà gıghàsǫgeedı.

Matthew 4:9

Wehłı̨ı̨ yets'ǫ̀ hadı, “Sets'ǫ̀ nàgòneehgè xè seghàsǫı̨dı nı̨dè dıı hazǫǫ̀ neghàehłe ha,” yèhdı.

Matthew 8:1

Zezì shìhka gots'ǫ hodàèhtła ekò dǫ łǫ gık'èè k'edè.

Matthew 8:25

Wecheekeè ts'ıgį̀ı̨hwho, hagıìhdı, “Gots'ǫ̀ K'àowo, edaxàgoı̨le! Tı t'à ełaàts'ede ha nìkw'o,” gıìhdı.

Matthew 9:18

Zezì ı̨łaà goxè godo ekò, k'àowo ı̨łè yegà nììtła gà yets'ǫ̀ nàgòı̨hgè, hayèhdı, “Setì dıìhk'ǫ̀ą ełaı̨wo. Hanìkò sexè sekǫ̀ nàwheętła xè nılà wek'e anelà nı̨dè naìdà ha,” yèhdı.

Luke 4:27

Nakwenàoɂǫǫ Elısha nàı̨dè ekò Israel nèk'e dǫ łǫ gokwǫ̀ tàda t'à eyagı̨ı̨lè. Hanìkò ı̨łàet'ee k'aàt'ıì ajà-le. Naman, Syrıa nèk'e gots'ǫ dǫ, eyı zǫ k'aàt'ıì ajà,” Zezì gòhdı.

John 9:38

Ekòet'ıì dǫ hadı, “Sets'ǫ̀ K'àowo, segha ehkw'ı aı̨dı,” hadı tł'axǫǫ̀ yets'ǫ̀ nàgòı̨hgè.

Zezì Wecheekeèdeè 10:14

Peter hadı, “Sets'ǫ̀ K'àowo, hahłe ha dìì, t'asìı wejıı sìı weghǫ shèhtı̨ whìle,” hadı.

Zezì Wecheekeèdeè 10:25

Peter goyaetłe ekò Cornelıus yets'ǫ̀ èhtła. Yets'ǫ̀ nàgòı̨hgè xè yeghàsǫedı.

1 Corınth 14:25

eyıts'ǫ ededzeè yìı ayìı nàehɂı̨ı̨ sìı ghǫ gogedeè-agedı yek'èezǫǫ̀ ade ha. Eyı ts'ıhɂǫ̀ nàgòhge xè Nǫ̀htsı̨ ghàsǫedı ha, hòtł'ò dıı hadı ha, “Xàè Nǫ̀htsı̨ naxıta wheda nǫǫ̀!” hadı ha.

John Wenazhıı 19:10

Yak'eet'ı̨į̀ hadı t'à wekè gà nàgòhge xè weghàsǫehdı ha là, yak'eet'ı̨į̀ sets'ǫ̀ hadı, “Hawı̨ı̨de-le! Nı̨ eyıts'ǫ nèot'ı̨ Zezì wegodıì ehkw'ı adı gı̨ı̨wǫǫ sìı naxıxèht'eè Nǫ̀htsı̨ wecheekeè aht'e. Nǫ̀htsı̨ weghàsǫedı! Nǫ̀htsı̨ wets'ǫ nakwenàoɂǫǫ hazǫǫ̀ sìı Zezì wegodıì zǫ t'à gogede hǫt'e,” sets'ǫ̀ hadı.