Matthew 8:11 - Nǫ̀htsı̨ Nı̨htł'è

¹¹ Hazǫǫ̀ nèk'e gots'ǫ dǫ łǫ, Nǫ̀htsı̨ Wenàowoò k'ę̀ę̀ hòɂǫǫ k'è goyageedè ha. Ekǫ Abraham, Isaac eyıts'ǫ Jacob xè shègezhe ha.

Matthew 8:11 ပူးပေါင်းရင်းမြစ်များ

Dànì Kèhoį̀wo 12:3

Dǫ nexè sìghà hogehtsı̨ı̨ sìı gıxè sìghà agohłe ha, eyıts'ǫ dǫ yatı nezı̨-le nek'e nègııɂàa sìı yatı nezı̨-le gıghàehɂà ha. Eyıts'ǫ nı̨ nets'ıhɂǫ̀ dıı nèk'e dǫ hazǫǫ̀ gıxè sìghà hòɂǫ ha,” Nǫ̀htsı̨ yèhdı.

Dànì Kèhoį̀wo 22:18

Sek'èanet'e k'èxa nets'ıhɂǫ̀ǫ-dǫǫ̀ gıts'ıhɂǫ̀ dıı nèk'e dǫ hazǫǫ̀ xàɂaa xè sìghà hòɂǫ ha,” yak'eet'ı̨į̀ yèhdı.

Dànì Kèhoį̀wo 28:14

Nets'ıhɂǫ̀ǫ-dǫǫ̀ sìı dèè k'e ehtł'è whetł'ıı xètłǫ lagede ha. Hazǫǫ̀ nemǫǫ̀ goòɂà ts'ǫ̀ nenèè gǫchà agode ha. Nı̨ eyıts'ǫ nets'ıhɂǫ̀ǫ-dǫǫ̀ gıts'ıhɂǫ̀ dıı nèk'e dǫ hazǫǫ̀ xàɂaa xè sìghà hòɂǫǫ̀ agode ha.

Dànì Kèhoį̀wo 49:10

Judah, k'àowocho-geè t'aats'ǫǫ̀ wetł'aà wheɂǫ ha. Amìı wets'ǫ nee sìı nììtła gots'ǫ̀ k'àowocho-geè t'aats'ǫǫ̀ Judah wexè hòɂǫ ha, eyıts'ǫ dǫ hazǫǫ̀ xàɂaa gık'èı̨t'e ha.

Matthew 21:41

Zezì ts'ǫ̀ hagedı, “Eyı dǫ negezı̨-le sìı ełaàgòhde ha eyıts'ǫ dèè dǫ eyıì-le goghǫnèyıɂà ha; jìecho dıìdìı nı̨dè mǫ̀hdaa gıghàle ha sìı hanıı dǫ ghǫnèyıɂà ha hǫt'e,” gıìhdı.

Matthew 24:31

Dechı̨shì hòtł'ò dedı ekìıyeè k'e nı̨dè, Dǫ-wet'àaɂàa-deè edeyak'eet'ı̨į̀ dıı nèk'e hazǫǫ̀ welǫ ts'ǫ̀ gohɂa ha, Nǫ̀htsı̨ dǫ gòį̀hchìı sìı nàgogehtsį̀ ha.

Matthew 3:2

hadı, “Edek'eahłı̨, naxınì eładı̨į̀ aahłe! Nǫ̀htsı̨ Wenàowoò k'ę̀ę̀ nèhòkw'ı ha nìkw'o,” hadıì dǫ ts'ǫ̀ gode.

Matthew 8:10

Zezì eyı k'àowo dàdıı sìı yıìkw'o ekò sıì wegha enıìyah dìì. Dǫ łǫ yek'èè k'edèe sìı ts'ǫ̀ hadı, “Ehkw'ı anaxèehsı̨, Israel nèk'e dǫ wınì hanànıhtso ghǫ eèhkw'o whìle.

Luke 12:37

Eyı wecheekeè edets'ǫ k'àowo daà ts'atà geèhkw'e t'à gıgha sìghà ha hǫt'e. Ehkw'ı anaxèehsı̨, k'àowo ededı̨ sınìtła gà edecheekeè ladà k'e shègezheè agole ha, eyıts'ǫ goghàhodì ha.

Luke 16:22

“Įłè dzęę̀ eyı dǫ eteèt'ı̨ı̨ ełaı̨wo, yak'eet'ı̨į̀ nıgı̨į̀htı̨ gà Abraham ts'ǫ̀ nègı̨ı̨htı̨. Dǫ ahxee ededı̨ sı ełaı̨wo t'à wekw'ǫǫ̀ nègı̨į̀tǫ.

Zezì Wecheekeèdeè 10:45

Israel got'ı̨į̀ gıgha ehkw'ı-ahodı Peter xè nègı̨ı̨dee sìı, gıgha enıìyah dìì. Dǫ eyıì-le xàɂaa ededı̨ kò Yedàyeh Nezı̨ı̨ gık'e ajà t'à sıì gıgha enıìyah nechà.

Zezì Wecheekeèdeè 11:18

Hadı gots'ǫ̀ goı̨de tł'axǫǫ̀ dǫ t'asagedı ha dìì t'à Nǫ̀htsı̨ ghàsǫgeedı, “Nǫ̀htsı̨ sìı dǫ eyıì-le xàɂaa gı̨ı̨lı̨ı̨ kò edek'egı̨ı̨lı̨ nı̨dè edaxàgole ha goghàhòı̨ɂǫ nǫǫ̀,” gedı.

Zezì Wecheekeèdeè 14:22

Ekǫ Nǫ̀htsı̨ wecheekeè gınì nàtsoò agogele ha gots'ǫ̀ gogı̨ı̨de, hagògedı, “Hoìla łǫ gotehoowıı daats'ǫ̀ Nǫ̀htsı̨ Wenàowoò k'ę̀ę̀ hòɂǫǫ goyats'eedè hǫt'e,” gògedı.

Zezì Wecheekeèdeè 14:27

Kǫ̀godeè Antıoch nègı̨ı̨ɂe ekò Nǫ̀htsı̨ wecheekeè hazǫǫ̀ xè ełegıadì. Nǫ̀htsı̨ dànì goxè eghàlaı̨dà eyıts'ǫ dànì Nǫ̀htsı̨ dǫ eyıì-le xàɂaa gınì nàtsoò agǫ̀ǫ̀làa sìı hazǫǫ̀ gots'ǫ̀ hagedı.

1 Corınth 15:20

Hanìkò Zezì-Krı ełaı̨wo gots'ǫ hotıì naìdà awììdlà hǫt'e, eyıt'à Nǫ̀htsı̨ wenadąą̀, dǫ hazǫǫ̀ ełaı̨dèe sìı gıta gots'ǫ ededı̨ t'akwełǫ̀ǫ̀ naìdà hǫt'e.

1 Corınth 6:9

Dǫ wejıı sìı Nǫ̀htsı̨ Wenàowoò k'ę̀ę̀ hòɂǫǫ sìı gıghàhòt'à ha nıìle wek'èahsǫ-le nì? Edeghǫyaahɂà sǫ̀ǫ̀. Dǫ edezhį̀į̀ t'à hołı̨ı̨ k'alagedèe, dǫ nǫ̀htsı̨ą hòèlı̨ı̨ ts'ǫ̀ yagehtıı, dǫ ełexè hołı̨ı̨ hogehtsı̨ı̨, sǫǫ̀mba k'èxa dǫzhìı et'ıì ełexè aget'ı̨ı̨, eyıts'ǫ dǫzhìı hołı̨ı̨ k'ę̀ę̀ ełek'alagedèe,

Ephesus 3:6

Eyı t'asìı enıìyah gots'ǫ̀ deɂı̨į̀ wheɂǫ ı̨lèe sìı dıı hǫt'e: dǫ Israel got'ı̨į̀ agı̨ı̨t'e-le sìı godı nezı̨ı̨ egıìkw'o ts'ıhɂǫ̀ Nǫ̀htsı̨ t'asìı hazǫǫ̀ edeza gogha ts'atà yèhłaa sìı Israel got'ı̨į̀ gıxè goghàyele ha hǫt'e. Eyıt'à hazǫǫ̀ ełexè dǫ ı̨łè zǫ lats'ı̨ı̨t'e, eyıts'ǫ Zezì-Krı wedahxà Nǫ̀htsı̨ t'asìı nezı̨ı̨ goghàɂà ha dıı sìı hazǫǫ̀ ełexè goį̀zhe ha hǫt'e.

Colosse 3:11

Zezì-Krı wegha ts'eeda nı̨dè hazǫǫ̀ ełèts'ı̨ı̨ht'e hǫt'e. Israel got'ı̨į̀, Greece got'ı̨į̀ ełexègı̨ı̨ht'ee, nàgoet'àa, nàgoet'à-le, nàowo eładı̨ı̨ k'ę̀ę̀ geedaa dǫǫ̀, dǫ edets'ǫ̀ k'agedè-le, edets'ǫ̀ k'agedèe, hazǫǫ̀ ełexègı̨ı̨ht'e. Zezì-Krı ededı̨ zǫ gogha K'àowo elı̨, eyıts'ǫ goxı̨ hazǫǫ̀ godzeè yìı eda.

2 Thessalonıca 1:5

Eyı hazǫǫ̀ weghàà Nǫ̀htsı̨ ehkw'ı naxısınìyaehtıı sìı wek'èts'eezǫ hǫt'e. Nǫ̀htsı̨ Wenàowoò k'ę̀ę̀ hòɂǫǫ sìı gha daahɂaà anaxììdlà t'à ekǫ goyaahde ha edegha deahnǫ k'ę̀ę̀ naxııtà.

John Wenazhıı 7:6

Aser got'ı̨į̀ ts'ǫ hoònǫ-daats'ǫ̀-nàke-lemì (12,000), Naphtalı got'ı̨į̀ ts'ǫ hoònǫ-daats'ǫ̀-nàke-lemì (12,000), Manaseh got'ı̨į̀ ts'ǫ hoònǫ-daats'ǫ̀-nàke-lemì (12,000),