Matthew 7:2 - Nǫ̀htsı̨ Nı̨htł'è

² Dànì dǫ sınìyaahtı k'ę̀ę̀ naxısınìyaetı ha hǫt'e. Ayìı ghàà dǫ gısınìyaahtıı sìı eyı weghàà naxısınìyaetı ha hǫt'e.

Matthew 7:2 ပူးပေါင်းရင်းမြစ်များ

Matthew 6:14

Dǫ naxıts'ǫ̀ ehkw'ı eghàlageeda-le sìı gıghǫ nahoahłe nı̨dè Nǫ̀htsı̨ Naxıtà ı̨dòo yak'e whedaa sìı ededı̨ sı naxıghǫ nahoele ha hǫt'e.

Mark 4:24

Eyıts'ǫ Zezì dıı hadı, “Yatı aàhkw'oo sìı hotıì nezı̨į̀ wedaànıahdè. T'asìı dàı̨hcho dǫ ghàahɂàa sìı wexèı̨hcho naxıghǫ̀t'à ha eyıts'ǫ weɂǫ̀-aı̨hcho naxıghǫ̀t'à ha hǫt'e.

Luke 6:38

T'asìı dǫ ghàahłe nı̨dè ek'èt'à t'asìı naxıghǫ̀zhe ha. T'asìı dagoòɂǫ xè naxıɂǫ̀ǫ̀ whela ts'ǫ̀ t'asìı naxıghǫ̀zhe ha. T'asìı dàı̨hcho dǫ ghàahɂàa sìı wexèı̨hcho naxıghǫ̀t'à ha hǫt'e,” gòhdı.

2 Corınth 9:6

Dıı hats'edıı hotıì wenaahdì: Amìı t'asìı dehshee łǫ-lea dèè goyìı yelee sìı t'asìı dehshee łǫ-lea nàhtsį̀ ha, hanìkò amìı wet'à t'asìı dehshee łǫ dèè goyìı yelee sìı t'asìı dehshee łǫ nàhtsį̀ ha.

James 2:13

Dǫ wedzeè eteèɂı̨-le sìı wesınìyaetıı dzęę̀ k'e nı̨dè eteweèɂı̨ ha nıìle. Ełets'ǫ̀ godzeè eteèɂı̨ı̨ sìı ełesınìyats'ehtı nahk'e elı̨ hǫt'e!

John Wenazhıı 18:6

Dànì dǫ ts'ǫ̀ eghàlaı̨dàa sìı hanì wets'ǫ̀ eghàlaahda. Dànì eghàlaı̨dà k'èxa nàke laàtłǫǫ wets'ǫ̀ eghǫlaahda. Welıbò gots'ǫ nàekeè wegha deyaahtł'ì.