Matthew 6:34 - Nǫ̀htsı̨ Nı̨htł'è

³⁴ Eyıt'à satsǫ ghǫ nànıahdè-le, satsǫ wedawheɂǫǫ̀ aahłe. Dzę taàt'eè hoìla łǫ gogha whela hǫt'e.

Matthew 6:34 ပူးပေါင်းရင်းမြစ်များ

Matthew 6:11

Dıı dzęę̀ k'e wet'à ts'eedaa goghànı̨dı.

Matthew 6:25

“Ayìı t'à aahda ha, ayìı ghǫ shèahzhe ha, ayìı aahdǫ ha eyıts'ǫ ayìı goht'ǫǫ̀ t'à-aaht'ı̨ ha sìı ghǫ nànıahdè-le. Ts'eedaa sìı bò nahk'e wet'àaɂà hǫt'e, eyıts'ǫ gozhį̀į̀ goht'ǫ nahk'e wet'àaɂà hǫt'e.

Matthew 6:27

Ayìıha t'asìı ghǫ nànıahdè? Dǫ wı̨ı̨zìı nànıwo t'à ı̨łè sadzeè deɂǫ̀ǫ̀ edaà adele ha nıìle.

Luke 10:41

Zezì yets'ǫ̀ hadı, “Martha, Martha, t'asìı łǫ ghǫ nànınewo t'à negha gots'eèdı,

Luke 11:3

Dzę taàt'eè wet'à ts'eedaa goghànı̨dı.

Luke 12:11

“Eyıts'ǫ ełègehdèe-kǫ̀ goyìı dǫ nadąą̀, k'aodèe eyıts'ǫ dǫ-sınìyaehtıı-dǫǫ̀ gınadąą̀ nàahza naxegį̀į̀là nı̨dè, dànì edek'edaahdı ha eyıts'ǫ ayìı dàahdı ha sìı weghǫ nànıahdè-le.

Luke 12:22

Eyıts'ǫ Zezì edecheekeè ts'ǫ̀ hadı, “Eyıt'à ayìı t'à aahda ha, ayìı ghǫ shèahzhe ha, eyıts'ǫ ayìı goht'ǫǫ̀ t'à-aaht'ı̨ ha sìı ghǫ nànıahdè-le.

John 14:27

Naxıxè sìghà hòɂǫ agohłe ha. Sexè sìghà hòɂǫǫ sìı naxıghàehɂà ha. Dıı nèk'e dànì dǫ gıxè hòɂǫǫ lanì naxıghàhoehɂà ha-le. T'asìı ghǫ nànıahdè-le eyıts'ǫ dahjı̨-le.

John 16:33

“Dıı hazǫǫ̀ naxıts'ǫ̀ haehsı̨ hǫt'e, hanì-ı̨dè sı̨ set'à naxıgha ts'èwhı̨į̀ hòɂǫ ha. Dıı nèk'e naxıxè hoìla ha hǫt'e. Hanìkò sı̨ sìı dıı nèk'e hazǫǫ̀ gıghǫèhnǫ ne t'à, naxınì nàtsoò aahłe,” Zezì gòhdı.

Zezì Wecheekeèdeè 14:22

Ekǫ Nǫ̀htsı̨ wecheekeè gınì nàtsoò agogele ha gots'ǫ̀ gogı̨ı̨de, hagògedı, “Hoìla łǫ gotehoowıı daats'ǫ̀ Nǫ̀htsı̨ Wenàowoò k'ę̀ę̀ hòɂǫǫ goyats'eedè hǫt'e,” gògedı.

Phılıppı 4:6

T'asìı wı̨ı̨zìı ghǫ nànıahdè-le, hanìkò Nǫ̀htsı̨ ts'ǫ̀ yaahtı, t'asìı hazǫǫ̀ naxıgha whìle sìı weahkè, eyıts'ǫ masì wèahdı.

1 Peter 5:7

Naxıghǫneètǫ ne t'à t'asìı hazǫǫ̀ ghǫ nànıahdèe sìı weghàahłe.