Matthew 6:24 - Nǫ̀htsı̨ Nı̨htł'è

²⁴ “Dǫ wı̨ı̨zìı k'àowo nàke gha eghàlaeda ha dìì. K'àowo ı̨łè ghǫneètǫ ha eyıts'ǫ ı̨łè nèlı̨ ha-le, eyıts'ǫ k'àowo ı̨łè k'èı̨t'e ha eyıts'ǫ ı̨łè wek'èı̨t'e ha-le. Nǫ̀htsı̨ eyıts'ǫ sǫǫ̀mba, į̀łah ełèht'eè gıgha eghàlats'eeda ha dìì hǫt'e.

Matthew 6:24 ပူးပေါင်းရင်းမြစ်များ

Dànì Kèhoį̀wo 47:17

Eyıt'à edets'ǫ tıts'aàdìı Joseph ts'ǫ̀ geèwa; gıts'ǫ tłı̨cho, tłı̨tsoa, sahzǫ̀ą, ejıetsoa eyıts'ǫ ejıe k'èxa tł'olà goghàı̨dì. Eyıt'à eyı xo k'e gıts'ǫ tıts'aàdìı hazǫǫ̀ k'èxa gowànı̨ı̨dì.

Matthew 4:10

Zezì yets'ǫ̀ hadı, “Wehłı̨ı̨, sets'ǫǫ̀ naı̨tłe! Dıı hanì dek'eèhtł'è hǫt'e: ‘Nǫ̀htsı̨ naxıts'ǫ̀ K'àowo sìı ededı̨ zǫ wets'ǫ̀ nàgòahgè ha hǫt'e, eyıts'ǫ ededı̨ zǫ wek'èaht'e ha hǫt'e,’ dek'eèhtł'è,” yèhdı.

Luke 16:11

Dıı nèk'e t'asìı whelaa sìı wet'à ehkw'ı eghàlaahda-le nı̨dè amìı yak'e ts'ǫǫ̀hk'e t'asìı weghàlaahda naxèhdı ha welì?

Luke 16:13

“Dǫ wı̨ı̨zìı k'àowo nàke gha eghàlaeda ha dìì. K'àowo ı̨łè ghǫneètǫ ha eyıts'ǫ ı̨łè nèlı̨ ha-le, eyıts'ǫ k'àowo ı̨łè k'èı̨t'e ha eyıts'ǫ ı̨łè k'èı̨t'e ha-le. Nǫ̀htsı̨ eyıts'ǫ Sǫǫ̀mba į̀łah ełèht'eè gıgha eghàlats'eeda ha dìì hǫt'e,” Zezì hadı.

Luke 16:9

Eyıt'à dıı hanaxèehsı̨, dıı nèk'e t'asìı naxıts'ǫ sìı wet'à edeàgı̨ą aahtsı̨. Hanì-ı̨dè t'asìı naxıghǫ whìle agòjà nı̨dè, welǫ whìle ts'ǫ̀ dǫ nàdèe sìı goyaahdè anaxegele ha.

Galatıa 1:10

Dǫ seghǫ nezı̨į̀ agedı ha zǫ dehwhǫ nıìle, hanìkò Nǫ̀htsı̨ wınì k'ę̀ę̀ eghàlaehda ha dehwhǫ. Dǫ gınì k'ę̀ę̀ eghàlaehda aht'ı̨ dahwhǫ nì? Įłaà dǫ gınì k'ę̀ę̀ eghàlaehda nı̨dè Zezì-Krı wecheekeè ehłı̨ ha-le ı̨lè.

1 Tımothy 6:17

Dıı nèk'e dǫ ahxee gı̨ı̨lı̨ı̨ sìı dıı yatı gıghàı̨ɂà. Xàhogııdì-le eyıts'ǫ t'asìı gıts'ǫ sìı ghǫ hòtł'ò agı̨ı̨wǫ ha-le, hǫtsaa gıghǫ whìle ade ha sǫnı t'à. Hanìkò Nǫ̀htsı̨ gha gınì nàtso ha hǫt'e. Ededı̨ sìı wet'à sìts'eèt'ı̨ı̨ nàts'edè gha t'asìı hazǫǫ̀ goghàyele hǫt'e.

2 Tımothy 4:10

Demas dıı nèk'e t'asìı whelaa ghǫneètǫ t'à sets'ǫǫ̀ ajà xè kǫ̀ta Thessalonıca ts'ǫ̀ ajà. Crescens Galatıa nèk'e ts'ǫ̀ ajà, eyıts'ǫ Tıtus Dalmatıa nèk'e ts'ǫ̀ ajà.

James 4:4

Naxı̨ sìı Nǫ̀htsı̨ k'èch'a aaht'ı̨ hǫt'e. Dıı nèk'e gots'ǫ dǫ gıàgı̨ą ts'ı̨ı̨lı̨ nı̨dè Nǫ̀htsı̨ wedzats'ı̨ı̨hwhǫ hǫt'e, wek'èahsǫ-le nì? Amìı dıı nèk'e ts'ǫ nàowołı̨ı̨ k'ę̀ę̀ at'ı̨ı̨ sìı Nǫ̀htsı̨ ts'ǫ̀ xànıɂaà ade ha hǫt'e.