Matthew 6:2 - Nǫ̀htsı̨ Nı̨htł'è

² “Eyıt'à dǫ-teèt'ı̨ı̨ ghàahdı nı̨dè dǫ hazǫǫ̀ gıghǫ gode gha k'ehoahɂa-le. Dǫ degaı degeetsı̨ı̨ sìı hanì k'ehogeɂa hǫt'e. Dǫ gots'ǫ̀ nezı̨į̀ agı̨ı̨wǫ ha gı̨ı̨wǫ t'à ełègehdèe-kǫ̀ goyìı eyıts'ǫ kǫ̀ta dǫ ts'ǫ̀ hagedı agogehɂı̨. Ehkw'ı anaxèehsı̨, t'asìı edegha geèhnǫǫ sìı hòt'a deghàà gıghǫ̀t'ǫ hǫt'e.

Matthew 6:2 ပူးပေါင်းရင်းမြစ်များ

Matthew 15:7

Degaı daahtsı̨ kò wek'ę̀ę̀ aahda nıìle! Nakwenàoɂǫǫ Isaıah dànì naxıghǫ ı̨ı̨tł'èe sìı ehkw'ı adı ı̨lè. Dıı hadı, dek'eèhtł'è:

Matthew 16:3

Eyıts'ǫ k'omǫǫ̀dǫǫ̀ nı̨dè dıı haahdı, ‘K'oh dezǫǫ łǫ t'à, dıı dzęę̀ hoı̨zı̨ ha-le,’ dahdı. K'oh dànì wègaat'ı̨ı̨ sìı wek'ayaahtı ha dìì-le. Hanìkò dıì naxıdaà dàgot'ı̨ı̨ sìı dànìghǫ wek'ayaahtı ha dìì?

Matthew 22:18

Hanìkò ekǫ-le xàyahtı ha gı̨ı̨hwhǫ t'à agedıı sìı Zezì gok'èezǫ. Eyıt'à gots'ǫ̀ hadı, “Degaı daahtsı̨ kò wek'ę̀ę̀ aahda nıìle! Ayìıha seahdzà xè seyatıì t'à sek'e nìdahoahɂà ha dahwhǫ?

Matthew 23:5

“Dǫ nadąą̀ zǫ nezı̨į̀ k'ehogeɂa. Hòtł'ò-yagehtıı-dǫǫ̀ ats'ı̨ı̨t'e dǫ hagogı̨ı̨hwhǫ ha gı̨ı̨wǫ t'à gıt'à yagehtıı-tǫą edek'e gehłaa sìı nechà agehɂı̨ eyıts'ǫ edeɂeèlǫ wekwè nedè agehɂı̨.

Matthew 23:6

Nàsı̨ hołè-ı̨dè ı̨daà daèhchı̨ whelaa eyıts'ǫ ełègehdèe-kǫ̀ goyìı dǫ wet'àaɂàa gha daèhchı̨ whelaa sìı k'e geèhkw'e ghageewı.

Matthew 24:51

K'àowo hòtł'ò nàyeehkwa ha eyıts'ǫ dǫ degaı degeetsı̨ı̨ sìı gota whedaà ayele ha. Ekǫ dǫ getse xè gıgha hoìla ha.

Matthew 5:18

Ehkw'ı anaxèehsı̨, yak'e eyıts'ǫ dıı nèk'e whìle agode gots'ǫ̀ gıyatıì nechà-lea ı̨łàet'ee kò wedę ha nıìle. T'asìı hazǫǫ̀ dek'enègı̨ı̨tł'èe sìı wek'ę̀ę̀ agode gots'ǫ̀, yatı wı̨ı̨zìı wedę adle ha-le.

Matthew 6:16

“Edeahgǫ nı̨dè ts'ǫǫ̀dahwhǫ k'ę̀ę̀ naxègaat'ı̨ welè-le. Dǫ degaı degeetsı̨ı̨ sìı hanì gìgaat'ı̨į̀ adegehɂı̨. Ehkw'ı anaxèehsı̨, t'asìı edegha geèhnǫǫ sìı hòt'a deghàà gıghǫ̀t'ǫ hǫt'e.

Matthew 6:3

Naxılà ı̨łè t'à dǫ-teèt'ı̨ı̨ ghàahdı nı̨dè naxılà eyıì-le yek'èwezà sǫ̀ǫ̀.

Matthew 6:5

“Yaahtı nı̨dè dǫ degaı degeetsı̨ı̨ sìı gıxèahɂı̨-le. Dǫ goghàgeeda ha gı̨ı̨wǫ t'à, ełègehdèe-kǫ̀ goyìı eyıts'ǫ tı̨lı k'e nàgeèhza xè yagehtı ghageewı. Ehkw'ı anaxèehsı̨, t'asìı edegha geèhnǫǫ sìı hòt'a deghàà gıghǫ̀t'ǫ hǫt'e.

Matthew 7:5

Degaı daahtsı̨ kò wek'ę̀ę̀ aahda nıìle! T'akwełǫ̀ǫ̀ naxıdaà yìı dechı̨ whetǫǫ sìı xàahchì nı̨dè naxıgha nezı̨į̀ xègaat'ı̨į̀ agode ha, hanì-ı̨dè naxèot'ı̨ wedaà yìı t'asìa wheɂǫǫ sìı xàahchı ha dìì-le.

Mark 12:39

Eyıts'ǫ ełègehdèe-kǫ̀ goyìı dǫ wet'àaɂàa gha daèhchı̨ whela k'e geèhkw'e eyıts'ǫ nàsı̨ hołè-ı̨dè ı̨daà geèhkw'e ghageewı.

Mark 7:6

Zezì gots'ǫ̀ hadı, “Degaı daahtsı̨ kò wek'ę̀ę̀ aahda nıìle! Nakwenàoɂǫǫ Isaıah dànì naxıghǫ ı̨ı̨tł'èe sìı ehkw'ı adı ı̨lè. Dıı hadı dek'eèhtł'è: ‘Dıı dǫ xàgeèɂaa sìı edeyatıì zǫ t'à sets'ǫ̀ nezı̨į̀ agedı, hanìkò ededzeè t'à sets'ǫnegı̨ı̨ɂà-le.

Luke 11:41

Ayìı naxıkw'à yìı wheɂǫǫ sìı dǫ-teèt'ı̨ı̨ ghàahɂà. Hanì-ı̨dè deghàà edek'enaahtso lanì ha.

Luke 11:43

“Naxı̨ Pharısee yàahłı̨ı̨ sìı, naxıgha hoìla ha! Ełègehdèe-kǫ̀ goyìı dǫ wet'àaɂàa gıgha daèhchı̨ whelaa sìı k'e dahkw'e ghaahwhı. Eyıts'ǫ kǫ̀ta k'eahdè nı̨dè dǫ naxıts'ǫ̀ nezı̨į̀ agedı ha dahwhǫ, eyıt'à naxıgha hoìla ha.

Luke 12:33

T'asìı hazǫǫ̀ naxıts'ǫ sìı naxıghǫ nàedì gà eyı sǫǫ̀mba dǫ-teèt'ı̨ı̨ ghàahłe. Sǫǫ̀mbawò nàzà-le sìı edegha aahtsı̨. Yak'e t'asìı nezı̨ı̨ wheahła nı̨dè wek'ehowı ha-le, eeɂį̀ı̨-dǫǫ̀ geeɂį̀ ha-le, eyıts'ǫ yììda yedè ha-le.

Luke 12:56

T'asìı k'èahsǫ daahtsı̨! Dèè eyıts'ǫ k'oh dànì wègaat'ı̨ı̨ sìı wek'ayaahtı ha dìì-le. Hanìkò dıì naxıdaà dàgot'ı̨ı̨ sìı dànìghǫ wek'ayaahtı ha dìì?

Luke 13:15

Zezì yets'ǫ̀ hadı, “Degaı daahtsı̨ kò wek'ę̀ę̀ aahda nıìle! Nǫ̀htsı̨ Dzęę̀ k'e naxıts'ǫ ejıe, hanì-le-ı̨dè naxıtłı̨tsoa tı gıghàahdı ha, dagıahge xè tı ts'ǫ̀ agıahɂı̨-le nì?

Luke 20:46

“Nǫ̀htsı̨-yatıì-k'ègedìı-dǫǫ̀ gı̨ı̨lı̨ı̨ sìı hotıì gıxoahdı. Goht'ǫ nedèe wèdaat'ı̨ı̨ t'à kǫ̀ta k'egedè xè dǫ gıts'ǫ̀ nezı̨į̀ nageɂa gıgha nezı̨. Ełègehdèe-kǫ̀ goyìı dǫ wet'àaɂàa gha daèhchı̨ whelaa k'e geèhkw'e eyıts'ǫ nàsı̨ hołè nı̨dè ı̨daà geèhkw'e ghageewı.

Luke 6:24

Naxı̨ dǫ ahxee yàahłı̨ı̨ sìı dıì hòt'a naxıgha nàhotì-le hòɂǫ t'à naxıgha hoìla ha hǫt'e.

Luke 6:42

Dànıt'à naxèot'ı̨ ts'ǫ̀ dıı haahdı ha dìì-le, ‘Àgı̨ą, nedaà yìı t'asìa wheɂǫ, negha xàwehchı,’ dahdı, hanìkò naxı̨ naxıdaà yìı dechı̨ whetǫǫ sìı naxıgha wègaat'ı̨-le. Degaı daahtsı̨ kò wek'ę̀ę̀ aahda nıìle! T'akwełǫ̀ǫ̀ naxıdaà yìı dechı̨ whetǫǫ sìı xàahchı nı̨dè naxıgha nezı̨į̀ xègaat'ı̨ agode ha, hanì-ı̨dè naxèot'ı̨ wedaà yìı t'asìa wheɂǫǫ sìı xàahchı ha dìì-le.

John 13:29

Zhıdàà sǫǫ̀mbawò-k'èdìı elı̨ ne t'à dǫ mǫ̀hdaa nàsı̨ gha t'asìı nàı̨hdì Zezì yèhdıì-adı gı̨ı̨wǫ, hanì-le-ı̨dè sǫǫ̀mba dǫ-teèt'ı̨ı̨ ghàı̨ɂà yèhdıì-adı gı̨ı̨wǫ.

John 5:41

“Dǫ seghǫ nezı̨į̀ agedı gha aht'ı̨-le,

John 5:44

Dǫ naxıghǫ nezı̨į̀ agedı ha dahwhǫ, hanìkò Nǫ̀htsı̨ naxıghǫ nezı̨į̀ adı gha hots'ǫnıahɂà-le. Hanì-ı̨dè dànì naxıgha ehkw'ı-ahodı lì?

John 7:18

Dǫ ededahxà godee sìı dǫ nayeet'ı̨ gha at'ı̨ hǫt'e. Ekò amìı yı̨ı̨hɂàa sìı yıızì nezı̨ ehtsı̨ gha at'ı̨ nı̨dè, eyı dǫ sìı ehkw'ı gode hǫt'e. Eyı dǫ sìı hots'ì nıìle.

Zezì Wecheekeèdeè 10:2

Ededı̨ eyıts'ǫ wèot'ı̨ hazǫǫ̀ Nǫ̀htsı̨ k'èagı̨ı̨t'e ghǫ hòtł'ò agı̨ı̨wǫ. T'aats'ǫǫ̀ dǫ-teèt'ı̨ı̨ ts'àdı xè Nǫ̀htsı̨ ts'ǫ̀ yahtı.

Zezì Wecheekeèdeè 10:31

Sets'ǫ̀ hadı, ‘Cornelıus, ayìı gha yanehtıı sìı Nǫ̀htsı̨ nıìkw'o hǫt'e, eyıts'ǫ dǫ-teèt'ı̨ı̨ ts'ànedıı sìı yek'èezǫ hǫt'e.

Zezì Wecheekeèdeè 10:4

Cornelıus yaɂı̨ t'à, sıì dèhyeh. “Sets'ǫ̀ K'àowo, ayìı ghǫ aı̨dı?” yèhdı. Yak'eet'ı̨į̀ yets'ǫ̀ hadı, “T'aats'ǫǫ̀ Nǫ̀htsı̨ ts'ǫ̀ xàyaı̨htı eyıts'ǫ dǫ-teèt'ı̨ı̨ ts'ànedı t'à Nǫ̀htsı̨ nenadì.

Zezì Wecheekeèdeè 11:29

Antıoch Nǫ̀htsı̨ wecheekeè nàgedèe sìı Judea nèk'e Nǫ̀htsı̨ wecheekeè ts'àgedı ha gı̨ı̨wǫ. Eyıt'à sǫǫ̀mba t'aàtłǫ nègeɂà ha dìì-le sìı haàtłǫ nègı̨ı̨la.

Zezì Wecheekeèdeè 24:17

“Łǫ xo tł'axǫǫ̀ Jerusalem ts'ǫ̀ anahjà. Sèot'ı̨ Zezì wenàowoò k'ę̀ę̀ geedaa sìı sǫǫ̀mba gıtł'aehłe ha ekǫ anahjà. Eyı sǫǫ̀mba sìı dǫ-teèt'ı̨ı̨ gını nàdèe sìı gıgha hǫt'e, eyıts'ǫ Nǫ̀htsı̨ wets'ǫ̀ t'asìı k'eehk'ǫ̀ ha jǫ nǫǫ̀whıhtła hǫt'e.

Zezì Wecheekeèdeè 9:36

Kǫ̀ta Joppa gòyeh ekǫ ts'èko ı̨łè nàdè, Tabıtha wìyeh (Greek k'ę̀ę̀ Dorcas wìyeh). Eyı ts'èko Nǫ̀htsı̨ wecheekeè elı̨ hǫt'e. T'aats'ǫǫ̀ dǫ gha eghàlaeda eyıts'ǫ dǫ-teèt'ı̨ı̨ ts'àdı.

Rome 12:8

Dǫ wınì nàtsoò ayele ha weghàhòt'ǫ nı̨dè, yek'ę̀ę̀ eghàlaıdà. T'asìı t'à dǫ ts'àdı ha weghàhòt'ǫ nı̨dè ededzeè t'à yek'ę̀ę̀ eghàlaıdà. K'àowo elı̨ ha weghàhòt'ǫ nı̨dè yek'ę̀ę̀ hòtł'ò eghàlaıdà. Dǫ ts'ǫ̀ wedzeè eteèɂı̨ ha weghàhòt'ǫ nı̨dè wınà xè yek'ę̀ę̀ eghàlaıdà.

1 Corınth 13:3

T'asìı hazǫǫ̀ sets'ǫ sìı dǫ-teèt'ı̨ı̨ gıghàehłe eyıts'ǫ sezhį̀į̀ wek'eek'ǫ̀ ha adèhłà kò dǫ ghǫneehtǫ-le nı̨dè t'asìı wı̨ı̨zìı dehnǫ nıìle.

Galatıa 2:10

Dǫ-teèt'ı̨ı̨ sìı t'aats'ǫǫ̀ gıts'àahdı, eyı wenats'edì ha gògedı; sı̨ hòt'a hanì eghàlaehda ha sınì whıhtsı̨ ı̨lè.

Ephesus 4:28

Dǫ eeɂį̀ ı̨lèe sìı k'achı̨ eeɂį̀ welè-le, hanìkò eghàlaeda ha hǫt'e. Edılà t'à t'asìı wet'àaɂàa hohtsı̨ ha hǫt'e, hanì-ı̨dè dǫ t'asìı gıgha whìle sìı yet'à gots'àdı ha.

1 Thessalonıca 2:6

Naxı̨ eyıts'ǫ dǫ eyıì-le goghǫ nezı̨į̀ gogede ha ts'ı̨ı̨wǫ t'à ats'et'ı̨ nıìle. Zezì-Krı wecheekeèdeè ats'ı̨ı̨t'e t'à naxıgha hoezhì ats'ele ha ı̨lè,

1 Tımothy 6:18

Dǫ gha nezı̨į̀ eghàlageeda ha gìı̨dı, hanıı la nezı̨ı̨ t'à dǫ ahxee gı̨ı̨lı̨ ha. Ededzeè t'à t'asìı ełeghàgele ha eyıts'ǫ gınà xè ełets'àgedı ha hǫt'e.

Phılemon 1:7

Sıì dǫ gıghǫneètǫ t'à k'ǫǫnì sınà hǫt'e. Sèot'ı̨ı̨, Nǫ̀htsı̨ wets'ǫ dǫ gıdzeè t'à gınà agìnelà, eyı ts'ıhɂǫ̀ sınì nàtsoò asèneelà hǫt'e.

Hebrew 13:16

Nàowo nezı̨ı̨ ghàlaahda xè ełets'àahdıı sìı t'aats'ǫǫ̀ wenaahdì. Hanì ełets'ǫ̀ eghàlats'eeda nı̨dè Nǫ̀htsı̨ wınà hots'ehtsı̨ hǫt'e.

1 Peter 4:11

Dǫ gode nı̨dè, xàè Nǫ̀htsı̨ weyatıì t'à gode ha hǫt'e. Amìı dǫ ts'àdıı sìı Nǫ̀htsı̨ ayìı t'à nàtsoò ayı̨į̀làa sìı t'à-at'ı̨ ha hǫt'e. Hanì-ı̨dè Zezì-Krı wets'ıhɂǫ̀ Nǫ̀htsı̨ weghàsǫhoedı ha. Enıìyah t'à welǫ whìle ts'ǫ̀ K'àowocho elı̨ welè. Amen.