Matthew 6:14 - Nǫ̀htsı̨ Nı̨htł'è

¹⁴ Dǫ naxıts'ǫ̀ ehkw'ı eghàlageeda-le sìı gıghǫ nahoahłe nı̨dè Nǫ̀htsı̨ Naxıtà ı̨dòo yak'e whedaa sìı ededı̨ sı naxıghǫ nahoele ha hǫt'e.

Matthew 6:14 ပူးပေါင်းရင်းမြစ်များ

Matthew 5:7

Amìı wedzeè eteèɂı̨ı̨ gı̨ı̨lı̨ı̨ sìı gıxè sìghà hǫt'e; Nǫ̀htsı̨ etegoèhɂı̨ ha.

Matthew 6:12

Dǫ gok'èch'a nàhogehdèe sìı gıhołı̨į̀ gıghǫ nahots'eele, eyı xèht'eè gohołı̨į̀ goghǫ nahoı̨le.

Matthew 7:2

Dànì dǫ sınìyaahtı k'ę̀ę̀ naxısınìyaetı ha hǫt'e. Ayìı ghàà dǫ gısınìyaahtıı sìı eyı weghàà naxısınìyaetı ha hǫt'e.

Mark 11:25

Eyıts'ǫ yaahtı nı̨dè amìı weghǫ nahoahła-le sìı weghǫ nahoahłe. Haaht'ı̨ nı̨dè Naxıtà yak'e whedaa sìı naxıhołı̨į̀ naxıghǫ nahoele ha hǫt'e,” gòhdı.

Luke 6:37

“Dǫ sınìyaahtı-le, hanì-ı̨dè naxısınìyaetı ha-le. Dǫ gıdę kò dahwhǫ-le nı̨dè Nǫ̀htsı̨ naxıdę anaxele ha-le. Dǫ ghǫ nahoahłe nı̨dè Nǫ̀htsı̨ naxıghǫ nahoele ha.

Ephesus 4:32

Ełets'ǫ̀ naxıdzeè eteèɂı̨ welè, Zezì-Krı wet'ǫ̀ǫ̀ Nǫ̀htsı̨ naxıghǫ nahoı̨la k'ę̀ę̀ ełeghǫ nahoahłe.

Colosse 3:13

Gots'eèdı kò ełınì nezı̨ı̨ aaht'ı̨, eyıts'ǫ ełek'èch'a hòahtsı̨ nı̨dè ełeghǫ nahoahłe. Gots'ǫ̀ K'àowo naxıghǫ nahoı̨la lanì ełeghǫ nahoahłe.

James 2:13

Dǫ wedzeè eteèɂı̨-le sìı wesınìyaetıı dzęę̀ k'e nı̨dè eteweèɂı̨ ha nıìle. Ełets'ǫ̀ godzeè eteèɂı̨ı̨ sìı ełesınìyats'ehtı nahk'e elı̨ hǫt'e!

1 John 3:10

Amìı Nǫ̀htsı̨ weza agı̨ı̨t'ee, eyıts'ǫ amìı wehłı̨ı̨ weza agı̨ı̨t'ee sìı dıı weghàà gık'èts'eezǫ hǫt'e: Dǫ ehkw'ı eghàlageeda-le, eyıts'ǫ edèot'ı̨ ghǫnegeètǫ-le sìı Nǫ̀htsı̨ weza gı̨ı̨lı̨ nıìle.