Matthew 5:9 - Nǫ̀htsı̨ Nı̨htł'è

⁹ Amìı dǫ xè ts'èwhı̨į̀ hogehtsı̨ı̨ sìı gıxè sìghà hǫt'e; Nǫ̀htsı̨ weza gìyeh ha.

Matthew 5:9 ပူးပေါင်းရင်းမြစ်များ

Matthew 5:45

Haaht'ı̨ nı̨dè Nǫ̀htsı̨ Naxıtà yak'e whedaa sìı weza aaht'e. Dǫ nezı̨ı̨, dǫ nezı̨-le ełèht'eè gogha sadeè daaɂaà ayehɂı̨; eyıts'ǫ dǫ ehkw'ı geedaa, dǫ ehkw'ı geeda-le ełèht'eè gogha chǫh at'ı̨į̀ ayehɂı̨.

Matthew 5:48

Eyıt'à Nǫ̀htsı̨ Naxıtà yak'e whedaa sìı degaı hǫt'e, wexèht'eè naxı̨ sı degaı aaht'e ha hǫt'e.

Luke 20:36

Eyıts'ǫ hòt'a ełaàgede ha-le, yak'eet'ı̨į̀ lagı̨ı̨t'e ha. Nǫ̀htsı̨ weza gı̨ı̨lı̨ ha, nagìdà agedle ha ne t'à.

Luke 6:35

Hanìkò dǫ naxıts'ǫ̀ xànegı̨ı̨ɂaa sìı gıghǫnıahtǫ xè gıts'ǫ̀ dǫ nezı̨ı̨ aahłı̨. T'asìı gıghǫnìahłe nı̨dè ek'èt'à seghǫgeele ha dahwhǫ-le. Hanì-ı̨dè wek'èxa t'asìı nechàa naxıda wheɂǫ ha eyıts'ǫ Nǫ̀htsı̨ wenahk'e gǫ̀hłı̨-le sìı weza aahłı̨ ha. Nǫ̀htsı̨ sìı dǫ masì gı̨ı̨wǫ-le eyıts'ǫ dǫ gıjıı ts'ǫ̀ wedzeè eteèɂı̨ hǫt'e.

Zezì Wecheekeèdeè 7:26

Ek'èdaedzęę̀ k'e Moses Israel got'ı̨į̀ nàke ełek'aàgedè, goghǫ nììtła. Ełets'ǫ̀ gınì nezı̨į̀ agole ha nıwǫ t'à, gots'ǫ̀ hadı, ‘Sèot'ı̨ı̨, ełechı aaht'e, dànìghǫ ełek'aahdè?’ gòhdı.

Rome 12:18

Naxıgha dìì-le nı̨dè, eyıts'ǫ naxıts'ǫ̀ hoèlı̨ nı̨dè dǫ hazǫǫ̀ gıxè ts'èwhı̨į̀ aahda.

Rome 8:14

amìı Nǫ̀htsı̨ wets'ǫ Įnì gıts'ǫ̀ k'àhowoo sìı Nǫ̀htsı̨ weza agı̨ı̨t'e t'à.

Rome 8:16

Yedàyeh Nezı̨ı̨ eyıts'ǫ gots'ǫ ı̨nì į̀łah, “Nǫ̀htsı̨ weza ats'ı̨ı̨t'e,” gògedı.

Rome 8:19

Dıı nèe eyıts'ǫ t'asìı hazǫǫ̀ wek'e hòèlı̨ı̨ sìı ı̨daà Nǫ̀htsı̨ weza gìgoèht'į̀ agedle ha sìı ts'ǫ̀ kanıgeèɂà hǫt'e.

1 Corınth 6:6

Hanìkò ełeghǫ nàyaetıì ałaahɂı̨. Dǫ gıgha ehkw'ı-ahodı-le gınadąą̀ hanì k'ehoahɂa!

2 Corınth 13:11

Sèot'ı̨ı̨, nǫǫde t'à dıı hanaxèehsı̨ ha: naxıxè sìghà welè, deghàà degaı aahde gha hòtł'ò eghàlaahda, ayìı dànaxèehsı̨ı̨ sìı seyatıì ààhchı, naxınì ı̨łè zǫ welè, ts'èwhı̨į̀ ełexè aahda. Hanì-ı̨dè Nǫ̀htsı̨ goghǫneètǫǫ, wexè ts'èwhı̨į̀ hòɂǫǫ sìı naxıxè wehòhɂǫ ha.

2 Corınth 5:20

Eyıt'à goxı̨ sìı Zezì-Krı wegha dǫ ts'ǫ̀ gots'edee ats'ı̨ı̨t'e. Goxı̨ got'à Nǫ̀htsı̨ naxıts'ǫ̀ gode lanì hǫt'e. Zezì-Krı wedahxà naxıghǫnàdats'eetì: Nǫ̀htsı̨ wexè ts'èwhı̨į̀ aahda, naxèts'edı.

Galatıa 5:22

Ekò Yedàyeh Nezı̨ı̨ t'à ts'eeda nı̨dè, dıı hanì nezı̨į̀ k'ehots'eɂa ha: ełeghǫnets'eètǫǫ, goınàa, ts'èwhı̨ ts'ı̨ı̨wǫǫ, ełexè ts'èwhı̨į̀ hots'ehɂǫǫ, etełets'eèɂı̨ı̨, ełets'ǫ̀ dǫ nezı̨ı̨ ts'ı̨ı̨lı̨ı̨, ełets'ǫ̀ ehkw'ı ts'eedaa,

Ephesus 4:1

Gots'ǫ̀ K'àowo wegha sedaàtǫ hǫt'e, gots'ǫ̀ K'àowo naxıkayaı̨htıı sìı hotıì nezı̨į̀ wek'ę̀ę̀ aahda ha naxeehwhǫ hǫt'e.

Phılıppı 4:2

Ts'èko nàke Euyodıa eyıts'ǫ Syntyche gıts'ǫ̀ dıı haehsı̨, gıghǫnàdaehtì, “Ełek'èch'a aahdı-le, hanìkò gots'ǫ̀ K'àowo wets'ıhɂǫ̀ naxınì ı̨łè zǫ welè,” gèehsı̨.

Colosse 3:13

Gots'eèdı kò ełınì nezı̨ı̨ aaht'ı̨, eyıts'ǫ ełek'èch'a hòahtsı̨ nı̨dè ełeghǫ nahoahłe. Gots'ǫ̀ K'àowo naxıghǫ nahoı̨la lanì ełeghǫ nahoahłe.

Hebrew 12:14

Dǫ hazǫǫ̀ xè ts'èwhı̨į̀ aahda, eyıts'ǫ nàowo degaı k'ę̀ę̀ aahda gha hòtł'ò eghàlaahda. Dǫ wı̨ı̨zìı nàowo degaı k'ę̀ę̀ eda lenǫsıı gots'ǫ̀ K'àowo eɂį̀ ha nıìle.