Matthew 5:7 - Nǫ̀htsı̨ Nı̨htł'è

⁷ Amìı wedzeè eteèɂı̨ı̨ gı̨ı̨lı̨ı̨ sìı gıxè sìghà hǫt'e; Nǫ̀htsı̨ etegoèhɂı̨ ha.

Matthew 5:7 ပူးပေါင်းရင်းမြစ်များ

Mark 11:25

Eyıts'ǫ yaahtı nı̨dè amìı weghǫ nahoahła-le sìı weghǫ nahoahłe. Haaht'ı̨ nı̨dè Naxıtà yak'e whedaa sìı naxıhołı̨į̀ naxıghǫ nahoele ha hǫt'e,” gòhdı.

Luke 6:35

Hanìkò dǫ naxıts'ǫ̀ xànegı̨ı̨ɂaa sìı gıghǫnıahtǫ xè gıts'ǫ̀ dǫ nezı̨ı̨ aahłı̨. T'asìı gıghǫnìahłe nı̨dè ek'èt'à seghǫgeele ha dahwhǫ-le. Hanì-ı̨dè wek'èxa t'asìı nechàa naxıda wheɂǫ ha eyıts'ǫ Nǫ̀htsı̨ wenahk'e gǫ̀hłı̨-le sìı weza aahłı̨ ha. Nǫ̀htsı̨ sìı dǫ masì gı̨ı̨wǫ-le eyıts'ǫ dǫ gıjıı ts'ǫ̀ wedzeè eteèɂı̨ hǫt'e.

Rome 11:30

Įnę̀ę naxı̨ sı Nǫ̀htsı̨ k'èaht'e-le ı̨lè, hanìkò Israel got'ı̨į̀ Nǫ̀htsı̨ k'èagı̨ı̨t'e-le ts'ıhɂǫ̀ dıì Nǫ̀htsı̨ naxıts'ǫ̀ wedzeè eteèɂı̨ hǫt'e.

1 Corınth 7:25

Ekò ts'èko hogıat'į̀ whìle sìı gıghǫ gots'ǫ̀ K'àowo t'asasèhdı-le, hanìkò Nǫ̀htsı̨ wesǫnıwǫ t'à ehkw'ı eghàlaehda k'ę̀ę̀ sı̨ dàahwhǫǫ sìı yatı naxıghàehɂà ha:

2 Corınth 4:1

Nǫ̀htsı̨ wesǫnıwǫ dahxà dıı la goghǫ̀t'ǫ hǫt'e, eyıt'à gogha gots'eèdı ha nıìle.

Ephesus 4:32

Ełets'ǫ̀ naxıdzeè eteèɂı̨ welè, Zezì-Krı wet'ǫ̀ǫ̀ Nǫ̀htsı̨ naxıghǫ nahoı̨la k'ę̀ę̀ ełeghǫ nahoahłe.

Colosse 3:12

Eyıt'à Nǫ̀htsı̨ naxììchì, wets'ǫ dǫ degaı aahłı̨ xè naxıghǫneètǫ t'à, dǫ eteahɂı̨, dǫ ts'ǫ̀ naxıdzeè nezı̨ı̨ laaht'e, k'èeweèt'ı̨ k'ę̀ę̀ aahda, eyıts'ǫ dǫ xè ts'èwhı̨į̀ hòwhahɂǫ.

1 Tımothy 1:13

Įnę̀ę Nǫ̀htsı̨ wek'èch'a xàyahtı ı̨lèe, eyıts'ǫ yıdaeht'e t'à Nǫ̀htsı̨ wecheekeè dagìıhɂa ı̨lè. Hanìkò dàht'ı̨į̀-aht'ı̨ı̨ sìı wek'èehsǫ-le ı̨lè eyıts'ǫ segha ehkw'ı-ahodı-le t'à hanì eghàlaıhdà t'à Nǫ̀htsı̨ sets'ǫ̀ wedzeè eteèɂı̨ ı̨lè.

1 Tımothy 1:16

Eyı ts'ıhɂǫ̀ Nǫ̀htsı̨ sets'ǫ̀ wedzeè eteèɂı̨ ı̨lè. Sı̨ hołı̨ı̨-hohtsı̨ı̨-dǫǫ̀ aht'e ı̨lè kò, set'à, dǫ hazǫǫ̀ ts'ǫ̀ wedzeè nezı̨ı̨ xè ts'èwhı̨į̀ godanaèhɂı̨ı̨ sìı wek'èedzǫǫ̀ adììdlà. Sexè ts'èwhı̨į̀ nıwǫ t'à, dǫ gıgha ehkw'ı-ahodıı sìı, eyıts'ǫ welǫ whìle ts'ǫ̀ geeda agììdlàa sìı Nǫ̀htsı̨ dǫ xè sıì ts'èwhı̨į̀ nıwǫ gık'èezǫǫ̀ agǫ̀ǫ̀là.

Hebrew 4:16

Eyıt'à edèdats'eedı-le xè Nǫ̀htsı̨ wesǫnıwǫ wehòhɂǫǫ sìı wenadąą̀ nèts'ııdè, hanì-ı̨dè etegoèhɂı̨ ha eyıts'ǫ gogha hoìla ajà nı̨dè gots'ǫ̀ sǫnıwǫ t'à gots'àdı ha.

Hebrew 6:10

Nǫ̀htsı̨ sìı ekǫ-le gots'ǫ̀ eghàlaeda nıìle; dànì wegha eghàlaahdaa eyıts'ǫ dànì weghǫnıahtǫǫ sìı yenadì ha hǫt'e. Wets'ǫ dǫ gıts'àahdı ı̨lè eyıts'ǫ dıı dzęę̀ ts'ǫ̀ ı̨łaà gıts'àahdı t'à weghǫnıahtǫǫ sìı yek'èezǫ hǫt'e.

James 2:13

Dǫ wedzeè eteèɂı̨-le sìı wesınìyaetıı dzęę̀ k'e nı̨dè eteweèɂı̨ ha nıìle. Ełets'ǫ̀ godzeè eteèɂı̨ı̨ sìı ełesınìyats'ehtı nahk'e elı̨ hǫt'e!

James 3:17

Hanìkò wet'à gots'ı̨ı̨zǫǫ sìı yak'e gots'ǫ hǫt'e nı̨dè, wet'à degaı ats'et'į̀, wet'à ts'èwhı̨ welè hats'ı̨ı̨wǫ, ełets'ǫ̀ godzeè nezı̨ı̨ ha ts'ı̨ı̨wǫ, ełek'èats'ı̨ı̨t'e ha ts'ı̨ı̨wǫ, ełets'ǫ̀ godzeè eteèɂı̨, ełets'ǫ̀ nezı̨į̀ eghàlats'eeda, dǫ wet'àaɂàa zǫ ts'ǫ̀ nezı̨į̀ nats'eɂa-le, eyıts'ǫ ehkw'ı ełets'ǫ̀ nats'eɂa.

1 Peter 2:10

Įnę̀ę Nǫ̀htsı̨ wets'ǫ dǫ aaht'e-le ı̨lè, hanìkò dıì sìı Nǫ̀htsı̨ wets'ǫ aaht'e. Įnę̀ę etenaxeèɂı̨-le ı̨lè, hanìkò dıì sìı etenaxeèɂı̨ hǫt'e.