Matthew 5:42 - Nǫ̀htsı̨ Nı̨htł'è

⁴² Dǫ t'asìı naxeekè nı̨dè t'asìı weghàahɂà, eyıts'ǫ dǫ t'asìı weghǫnìahɂà naxı̨ı̨hwhǫ nı̨dè, į̀le wèahdı-le.

Matthew 5:42 ပူးပေါင်းရင်းမြစ်များ

Matthew 5:41

Dǫ, ı̨łè echı̨ haı̨wa ts'ǫ̀ wek'èahdè anaxį̀į̀là nı̨dè, nàke echı̨ haı̨wa ts'ǫ̀ wek'èahdè.

Luke 11:41

Ayìı naxıkw'à yìı wheɂǫǫ sìı dǫ-teèt'ı̨ı̨ ghàahɂà. Hanì-ı̨dè deghàà edek'enaahtso lanì ha.

Rome 12:20

Hanìkò dıı haaht'ı̨ ha hǫt'e: “Dǫ naxıts'ǫ̀ xànıɂaa sìı bò ghaewı nı̨dè t'asìı weghàahdı, tı nıwǫ nı̨dè tı wàahdı. Haaht'ı̨ nı̨dè kǫ̀kwıì-dèk'ǫ̀ǫ wekwì k'e nìahwha lanì ha,” dek'eèhtł'è.

Hebrew 13:16

Nàowo nezı̨ı̨ ghàlaahda xè ełets'àahdıı sìı t'aats'ǫǫ̀ wenaahdì. Hanì ełets'ǫ̀ eghàlats'eeda nı̨dè Nǫ̀htsı̨ wınà hots'ehtsı̨ hǫt'e.

Hebrew 6:10

Nǫ̀htsı̨ sìı ekǫ-le gots'ǫ̀ eghàlaeda nıìle; dànì wegha eghàlaahdaa eyıts'ǫ dànì weghǫnıahtǫǫ sìı yenadì ha hǫt'e. Wets'ǫ dǫ gıts'àahdı ı̨lè eyıts'ǫ dıı dzęę̀ ts'ǫ̀ ı̨łaà gıts'àahdı t'à weghǫnıahtǫǫ sìı yek'èezǫ hǫt'e.

James 1:27

Nǫ̀htsı̨ gogha ehkw'ı-ahodı nı̨dè Nǫ̀htsı̨-Gotà dıı hanì wegha eghàlats'eedaa sìı wınì k'ę̀ę̀ degaı xè hołı̨ı̨ dę hǫt'e: eyı sìı ts'ınake eyıts'ǫ ts'èko gıdǫǫ̀ ełaı̨dèe gıgha hoìla sìı gıts'àts'edı, eyıts'ǫ dıı nèk'e nàowołı̨ı̨ ch'à edek'èts'edì.