Matthew 5:32 - Nǫ̀htsı̨ Nı̨htł'è

³² Hanìkò sı̨ dıı hanaxèehsı̨: Dǫ wets'èkeè eyıì-le dǫ xè hołı̨ı̨ hòèhtsı̨-le kò ɂǫ̀yeèdo nı̨dè ededı̨ wet'à wets'èkeè eyıì-le dǫ xè at'ı̨ lanì. Eyıts'ǫ dǫzhìı ts'èko ɂǫ̀weèdoo sìı xè honìdza nı̨dè hołı̨ı̨ hòèhtsı̨ hǫt'e.

Matthew 5:32 ပူးပေါင်းရင်းမြစ်များ

Matthew 5:28

Hanìkò sı̨ dıı hanaxèehsı̨: Amìı ekǫ-le nànıwo t'à ts'èko ghàeda nı̨dè hòt'a edınì t'à yexè hołı̨ı̨ hòèhtsı̨ hǫt'e.

Luke 16:18

“Dǫzhìı edets'èkeè ɂǫ̀ede gà ts'èko eyıì-le xè honǫ̀ǫdza nı̨dè hołı̨ı̨ hoehtsı̨ hǫt'e. Eyıts'ǫ dǫzhìı ts'èko ɂǫ̀weèdoo sìı xè honìdza nı̨dè hołı̨ı̨ hoehtsı̨ hǫt'e,” Zezì gòhdı.

Luke 9:30

Hǫtsaa dǫ nàke, Moses eyıts'ǫ Elıjah sıì enıìyah k'ę̀ę̀ gìgoèht'į̀, Zezì ts'ǫ̀ gogede. Jerusalem ekǫ dànì ełaàwı ha eyıts'ǫ yelǫ ts'ǫ̀ yeghàlaeda ha sìı ghǫ gogede.

Luke 9:35

K'oh yìı gots'ǫ gots'edeè hǫt'e, “Dıı Seza hǫt'e, wììhchì hǫt'e, weàhkw'ǫ,” hats'edıì hǫt'e.

Rome 7:3

Eyıt'à ı̨łaà wedǫǫ̀ eda et'ıì dǫzhìı eyıì-le xè honǫ̀ǫdza-ı̨dè hołı̨ı̨ k'ę̀ę̀ eghàlaı̨dà hǫt'e. Hanìkò wedǫǫ̀ ełaı̨wo tł'axǫǫ̀ dǫ eyıì-le xè honǫ̀ǫdza nı̨dè hołı̨ı̨ k'ę̀ę̀ eghàlaeda nıìle.

1 Corınth 7:4

Ts'èko hoet'ı̨ı̨ sìı wezhį̀į̀ ededı̨ zǫ wets'ǫ nıìle, wedǫǫ̀ sı wets'ǫ hǫt'e. Eyı xèht'eè dǫzhìı hoet'ı̨ı̨ wezhį̀į̀ sìı ededı̨ zǫ wets'ǫ nıìle, wets'èkeè sı wets'ǫ hǫt'e.