Matthew 5:3 - Nǫ̀htsı̨ Nı̨htł'è

³ “Amìı eteèt'ı̨ı̨ edek'ègeezǫǫ sìı gıxè sìghà hǫt'e; Nǫ̀htsı̨ Wenàowoò k'ę̀ę̀ hòɂǫǫ sìı gıts'ǫ̀-èlı̨ hǫt'e.

Matthew 5:3 ပူးပေါင်းရင်းမြစ်များ

Matthew 11:25

Ekìıyeè k'e Zezì hadı, “Setà, neghàsǫehdı, yak'e eyıts'ǫ dıı nèk'e ts'ǫ̀ K'àowo anet'e. Dǫ gogı̨ı̨zǫǫ xè hoghàgeètǫǫ sìı eyı hazǫǫ̀ gıch'à deɂı̨į̀ wheɂǫ anelà, hanìkò chekoa nechà-lea sìı gık'èezǫǫ̀ anelà.

Matthew 11:6

Amìı wek'èch'a aht'ı̨-le sìı wexè sìghà hǫt'e,” Zezì gòhdı.

Matthew 13:16

Hanìkò naxı̨ sìı naxıdaà t'à k'eaht'į̀ eyıts'ǫ naxıdzıìhkw'ǫǫ̀ t'à aàhkw'ǫ t'à naxıxè sìghà hǫt'e.

Matthew 19:14

Hanìkò Zezì edecheekeè gots'ǫ̀ hadı, “Chekoa sets'ǫ̀ gııdè agıahłe, sets'agıahɂǫ-le. Amìı dıı chekoa lagı̨ı̨t'ee sìı Nǫ̀htsı̨ Wenàowoò k'ę̀ę̀ hòɂǫǫ sìı gıts'ǫ hǫt'e,” gòhdı.

Matthew 24:46

Wets'ǫ k'àowo nǫ̀ǫtła nı̨dè wecheekeè hanì yegha eghàlaeda yaɂı̨ nı̨dè, eyı dǫ wexè sìghà ha hǫt'e.

Matthew 25:34

“Eyı tł'axǫǫ̀-ı̨dè k'àowocho dǫ nàgòts'ehnèe nàgeèhzaa sìı gots'ǫ̀ dıı hadı ha, ‘Jǫ aahdè, Setà naxıxè sìghà anıwǫ hǫt'e. Dıı nèè hòèlı̨ gots'ǫ Nǫ̀htsı̨ Wenàowoò k'ę̀ę̀ hòɂǫǫ naxıda sınìhòt'ǫǫ sìı ts'ǫ̀ goyaahdè.

Matthew 3:2

hadı, “Edek'eahłı̨, naxınì eładı̨į̀ aahłe! Nǫ̀htsı̨ Wenàowoò k'ę̀ę̀ nèhòkw'ı ha nìkw'o,” hadıì dǫ ts'ǫ̀ gode.

Matthew 8:11

Hazǫǫ̀ nèk'e gots'ǫ dǫ łǫ, Nǫ̀htsı̨ Wenàowoò k'ę̀ę̀ hòɂǫǫ k'è goyageedè ha. Ekǫ Abraham, Isaac eyıts'ǫ Jacob xè shègezhe ha.

Mark 10:14

Zezì haget'ı̨ goaɂı̨ ekò gots'ǫ̀ wınì-le xè edecheekeè gots'ǫ̀ hadı, “Chekoa sets'ǫ̀ gııdè agıahłe, sets'agıahɂǫ-le. Amìı dıı chekoa lagı̨ı̨t'ee sìı Nǫ̀htsı̨ Wenàowoò k'ę̀ę̀ hòɂǫǫ gıts'ǫ hǫt'e.

Luke 11:28

Hanìkò Zezì yets'ǫ̀ hadı, “Dıı hats'edıı denahk'e nezı̨ hǫt'e: Nǫ̀htsı̨ weyatıì egıìkw'oo xè gık'ę̀ę̀ edaa sìı gıxè sìghà hǫt'e,” yèhdı.

Luke 18:14

“Ehkw'ı anaxèehsı̨, eyı sǫǫ̀mba-nàhtsį̀ı̨-dǫǫ̀ edekǫ̀ ts'ǫ̀ naèhtła kwe Nǫ̀htsı̨ nadąą̀ ehkw'ı awììdlà hǫt'e. Ekò Pharısee wexè hagòjà-le. Dǫ wet'àaɂàa edeewǫǫ sìı į̀į̀zhaelı̨į̀ awedle ha, eyıts'ǫ dǫ k'èeweèt'ı̨ lanì edaa sìı wet'àaɂà awedle ha,” Zezì gòhdı.

Luke 22:29

Setà K'àowocho ehłı̨ ha seghàhòı̨ɂǫ k'ę̀ę̀ sı̨ sı k'àowocho aahłı̨ gha naxıghàhòehɂǫ hǫt'e.

Luke 22:30

K'àowocho whıhłı̨ nı̨dè seladà k'e shèahzhe ha eyıts'ǫ daèhchı̨cho k'e dahkw'e ha. Israel got'ı̨į̀ hoònǫ-daats'ǫ̀-nàke xàɂaa gı̨ı̨lı̨ı̨ sìı gısınìyaahtı ha,” gots'ǫ̀ hadı.

Luke 4:18

“Gots'ǫ̀ K'àowo wets'ǫ Yedàyeh Nezı̨ı̨ sek'e ajà, dǫ etegeèt'ı̨ı̨ sìı godı nezı̨ı̨ gıts'ǫ̀ nèehɂà ha sį̀į̀hchì hǫt'e. Dǫ gıdanìı̨laa sìı dànì xàgeedè agede ha, dǫ gıdaà goìlee sìı dànì k'egeet'į̀ agede ha, eyıts'ǫ dǫ gıxè hoìlaa sìı dànì edaxàgeedè ha ghǫ gıts'ǫ̀ gohde ha. Nǫ̀htsı̨ dǫ ts'ǫ̀ sǫnıwǫǫ sìı dǫ ts'ǫ̀ haehsı̨ ha sı̨ı̨hɂà hǫt'e,” hanì dek'eèhtł'èe sìı yek'eyaı̨htı.

John 20:29

Zezì yets'ǫ̀ hadı, “Seghànedà t'à negha ehkw'ı-ahodı. Hanìkò amìı saɂı̨-le kò wegha ehkw'ı-ahodıı sìı wexè sìghà hǫt'e,” yèhdı.

James 1:10

Hanìkò gòet'ı̨ ahxee sìı wesǫǫ̀mbaà t'à dǫ wet'àaɂàa elı̨ nıìle t'à sıì wınà ha hǫt'e. Dǫ ahxee sìı ı̨t'ǫ̀chàa lanì whaà-lea ts'ǫ̀ zǫ nezı̨į̀ wègaat'ı̨, eyı tł'axǫǫ̀-ı̨dè egǫ.

James 1:12

Dǫ weèdzà t'à wexè hoìla kò wınì nàtso-le ade-le sìı wexè sìghà hǫt'e. Ayìı t'à weèdzàa sìı yeghǫèhnǫ nı̨dè wek'èxa welǫ whìle ts'ǫ̀ edaà awedle ha. Amìı Nǫ̀htsı̨ ghǫnegeètǫǫ sìı hanì edeyatıì goghàı̨ɂǫ hǫt'e.

James 2:5

Sèot'ı̨ı̨, seàhkw'ǫ: dǫ-teèt'ı̨ı̨ gı̨ı̨lı̨ı̨ sìı gıgha ehkw'ı-ahodı ha Nǫ̀htsı̨ gòį̀hchì hǫt'e, eyıt'à gıxè sìghà hòɂǫ hǫt'e. Dıı nèk'e gogha dǫ-teèt'ı̨ı̨ gı̨ı̨lı̨ı̨ kò, Nǫ̀htsı̨ goghǫ dıı hadı, “Gıgha ehkw'ı aehsı̨ xè seghǫnegeètǫ t'à dǫ ahxee gı̨ı̨lı̨ ha eyıts'ǫ senàowoò k'ę̀ę̀ hòɂǫǫ gıghǫ̀t'à ha,” hadı.

John Wenazhıı 19:9

Eyı tł'axǫǫ̀ yak'eet'ı̨į̀ sets'ǫ̀ hadı, “Dıı dek'enìı̨tł'è: ‘Amìı eyı sahzǫ̀ą honìdza wets'ǫ nàsı̨ nàgedè ha gıxayaetıı sìı gıxè sìghà hǫt'e,’ ” sets'ǫ̀ hadı. K'achı̨ sets'ǫ̀ hadı, “Dıı sìı xàè Nǫ̀htsı̨ weyatıì hǫt'e,” hadı.

John Wenazhıı 22:14

“Amìı edeɂeè nedèe k'enagı̨ı̨htsoo sìı gıxè sìghà hǫt'e. Hanì-ı̨dè eyı ts'ı wet'à ts'eedaa wejìecho ghǫ shègezhee gıghàhòt'à ha eyıts'ǫ kǫ̀godeè wèdaat'ı̨ı̨ sìı goyageedèe gıghàhòt'à ha.

John Wenazhıı 3:17

‘Ahxee ats'ı̨ı̨t'e,’ edèahdı, ‘T'asìı łǫ gots'ǫ t'à t'asìı wets'ı̨ı̨wǫ gǫ̀hłı̨-le,’ dahdı, hanìkò naxıxè gots'eèdı, eteaht'ı̨, naxıdaà goìle xè goht'ǫ dę dahkw'e hǫt'e, wek'èahsǫ-le nì?