Matthew 5:22 - Nǫ̀htsı̨ Nı̨htł'è

²² Hanìkò sı̨ dıı hanaxèehsı̨: Dǫ edèot'ı̨ ts'ǫ̀ ìch'ee sìı wesınìyaetı ha. Eyıts'ǫ dǫ edèot'ı̨ ts'ǫ̀ ìch'è t'à ‘Gonezǫ-le,’ hadıı sìı k'aodèe gısınìyahtı ha. Eyıts'ǫ amìı edèot'ı̨ ts'ǫ̀ ‘Ezhı̨ne anet'e,’ hadıı sìı wehłı̨kǫ̀ daı̨ɂaà awedle ha sǫnı.

Matthew 5:22 ပူးပေါင်းရင်းမြစ်များ

Dànì Kèhoį̀wo 37:4

Wı̨ı̨de gı̨ı̨lı̨ı̨ sìı gıtà gınahk'e Joseph ghǫneètǫǫ gık'èhogeèhzà t'à gınèlı̨į̀-le agejà xè nezı̨į̀ gıts'ǫ̀ xàyahtı ha gı̨ı̨wǫ-le.

Dànì Kèhoį̀wo 37:8

Wı̨ı̨de hagıìhdı, “Gogha k'àowocho nelı̨ ha nì? Hotıì gots'ǫ̀ k'àı̨wo ha nì?” gıìhdı. Dànì nàwhetı̨ eyıts'ǫ yeghǫ goxè godo t'à sıì denahk'e gınèlı̨į̀-le agejà.

Matthew 10:17

“Dǫ naxıts'ǫ̀ xànıgı̨ı̨ɂaa sìı gıxoahdı. Nàyaetıı-kǫ̀ ts'ǫ̀ anaxegele ha eyıts'ǫ ełègehdèe-kǫ̀ goyìı naxık'egeehkwa ha.

Matthew 10:28

Dǫ naxızhį̀į̀ ełaàgehwhı kò naxıdą̀ązhį̀ı̨ ełaàgehwhı ha dìì sìı gıts'àahjı̨-le. Ekò amìı godą̀ązhį̀ı̨ eyıts'ǫ gozhį̀į̀ wehłı̨kǫ̀ ts'ǫ̀ ayele ha dìì-le sìı eyı wets'àahjı̨.

Matthew 12:24

Hanìkò Pharısee gı̨ı̨lı̨ı̨ sìı egıìkw'o t'à hagedı, “Įnìłı̨ı̨ gha k'àowo dahxà ı̨nìłı̨ı̨ xàdeezhıì at'ı̨,” gedı.

Matthew 17:5

Įłaà Peter gode ekò k'oh gımǫǫ̀ ajà. K'oh yìı gots'ǫ gots'edeè hǫt'e, “Dıı Seza weghǫneehtǫ hǫt'e, weghǫ sǫdehwhǫ hǫt'e, weàhkw'ǫ!” hats'edıì hǫt'e.

Matthew 18:21

Peter Zezì ts'ǫ̀ hadı, “Sets'ǫ̀ K'àowo, sèot'ı̨ sek'èch'a hòèhtsı̨ nı̨dè dàtłǫǫ̀ eht'aà weghǫ nahoehłe ha? Łǫ̀hdı̨ ts'ǫ̀ weghǫ nahoehłe ha nì?” yèhdıì dayeehke.

Matthew 18:35

“Eyıt'à naxıdzeè t'à naxèot'ı̨ gıghǫ nahoahłe-le nı̨dè Setà yak'e whedaa sìı hanì naxıts'ǫ̀ eghàlaeda ha hǫt'e,” Zezì gòhdı.

Matthew 23:15

“Naxı̨ Nǫ̀htsı̨-yatıì-k'èahdìı-dǫǫ̀ eyıts'ǫ Pharısee yàahłı̨ı̨ sìı naxıgha hoìla nechà ha. Degaı daahtsı̨ kò wek'ę̀ę̀ aahda nıìle! Hazǫǫ̀ nèk'e eyıts'ǫ tı sı k'e k'ehoahwho. Dǫ ı̨łàet'ea naxınàowoò k'ę̀ę̀ eda ha dahwhǫǫ sìı hak'eaht'į̀. Eyı dǫ wegòahɂǫ nı̨dè naxınahk'e wehłı̨za weahtsı̨.

Matthew 23:33

“Naxı̨ sìı wehłı̨ı̨ weza laaht'e! Wehłı̨kǫ̀ ts'ǫ̀ anaxedle ch'à edaxàahdè ha dahwhǫ nì?

Matthew 25:41

“Eyı tł'axǫǫ̀-ı̨dè k'àowocho dǫ gots'ı̨hts'ǫ nàgeèhzaa sìı gots'ǫ̀ hadı ha, ‘Sets'ǫǫ̀ naahdè, naxıxè hoìla hòɂǫ ha hǫt'e. Welǫ whìle ts'ǫ̀ kǫ̀ dèk'ǫ̀ǫ wehłı̨ı̨ eyıts'ǫ weyak'eet'ı̨į̀ gıdagòɂǫǫ sìı ts'ǫ̀ aahde.

Matthew 26:59

Yahtıı-gha-k'aodèe eyıts'ǫ k'aodèe yàgı̨ı̨lı̨ı̨ hazǫǫ̀ Zezì ełaàgıìhwhı ha gı̨ı̨wǫ. T'asìıjıı t'à Zezì k'e nìdahogeeɂà ha dǫ dageehke.

Matthew 3:17

Yak'e gots'ǫ hats'edıì hǫt'e, “Dıı sìı Seza hǫt'e, weghǫneehtǫ eyıts'ǫ weghǫ sìghà dehwhǫ,” hats'edıì hǫt'e.

Matthew 5:34

Hanìkò sı̨ dıı hanaxèehsı̨: Yak'e Nǫ̀htsı̨ wedaèhchı̨cho hǫt'e ts'ıhɂǫ̀, wet'à yatı nàtsoo aahtsı̨-le.

Matthew 5:44

Hanìkò sı̨ dıı hanaxèehsı̨: Dǫ naxınìgelı̨-le sìı gıghǫnıahtǫ eyıts'ǫ dǫ danaxegį̀ı̨hɂaa sìı gıgha yaahtı.

Mark 14:55

Yahtıı-gha-k'aodèe eyıts'ǫ k'aodèe yàgı̨ı̨lı̨ı̨ hazǫǫ̀ Zezì ełaàgehwhı ha gı̨ı̨wǫ. T'asìıjıı t'à Zezì k'e nìdahogeeɂà ha dǫ dageehke, hanìkò t'asìı t'à yek'e nìdahogeeɂà ha sìı gogį̀į̀hɂǫ-le.

Mark 15:1

K'omǫǫ̀dǫǫ̀ et'ıì yahtıı-gha-k'aodèe, ǫhdah gı̨ı̨lı̨ı̨, Nǫ̀htsı̨-yatıì-k'ègedìı-dǫǫ̀ eyıts'ǫ dǫ hazǫǫ̀ łą̀ą nègı̨ı̨dee sìı Zezì sınìyagı̨ı̨htı. Wılà ełeetł'ı̨į̀ agı̨į̀là tł'axǫǫ̀ ekǫ gots'ǫǫ̀ nageèhchì gà k'àowo Pılate tł'aàgį̀ı̨htı̨.

Luke 12:5

Hanìkò amìı wets'àahjı̨ ha sìı naxıdaehsı̨ ha: dǫ ełaàgòı̨hdè tł'axǫǫ̀ wehłı̨kǫ̀ goyagoehdè ha wegha dìì-le sìı eyı wets'àahjı̨ ha hǫt'e.

Luke 22:66

K'omǫǫ̀dǫǫ̀ dzęh agòjà ekò yahtıı-gha-k'aodèe, ǫhdah gı̨ı̨lı̨ı̨ eyıts'ǫ Nǫ̀htsı̨-yatıì-k'ègedìı-dǫǫ̀ łą̀ą nègı̨ı̨de gà Zezì goyageèhchì.

John 11:47

Eyıt'à yahtıı-gha-k'aodèe eyıts'ǫ Pharısee gı̨ı̨lı̨ı̨ sìı ełegeèhdì gha Israel got'ı̨į̀ gha k'aodèe hazǫǫ̀ gokayagı̨ı̨htı, hagedı, “Eyı dǫ enıìyah łǫ hohtsı̨, eyıt'à ayìı dàwets'ele ha?

John 15:25

Hanìkò eyı sìı Nǫ̀htsı̨ Nı̨htł'è k'e dànì dek'eèhtł'èe sìı wek'ę̀ę̀ agode ha t'à agòjà, ‘T'asìı k'èxa-le sedzagı̨ı̨hwhǫ,’ dek'eèhtł'è.

John 7:20

Dǫdeè nı gots'ǫ dǫ mǫ̀hdaa hagıìhdı, “Įnìłı̨ı̨ nets'ǫ̀-èlı̨. Amìı ełaànìhwhı ha ghǫ aı̨dı,” gıìhdı.

John 8:48

Israel got'ı̨į̀ gha k'aodèe Zezì ts'ǫ̀ hagedı, “Samarıa got'ı̨į̀ anet'e eyı xè ı̨nìłı̨ı̨ nets'ǫ̀-èlı̨, hanèts'edı ı̨lèe sìı ehkw'ı anèts'edı ı̨lè!” gıìhdı.

Zezì Wecheekeèdeè 17:18

Dǫ mǫ̀hdaa Epıcurean nàowoò eyıts'ǫ Stoıc nàowoò k'ę̀ę̀ nànıgedèe sìı Paul k'èch'a gogede, hagedı, “Dıı dǫ wewà łǫ ayìı ghǫ godeè-adı?” Eyıts'ǫ mǫ̀hdaa hagedı, “Nǫ̀htsı̨ ładı̨ı̨ ghǫ godeè-adı lanì,” gedı. Paul, Zezì wegodıì nezı̨ı̨ t'à gode eyıts'ǫ ı̨daà nı̨dè dǫ nagìdà ha hadı t'à, agıìhdı.

Zezì Wecheekeèdeè 22:30

Ek'èdaedzęę̀ k'e eghǫǫ-dǫǫ̀-gha-k'àowo dànìghǫ Israel got'ı̨į̀ Paul k'e nìdahogeeɂàa sìı yek'èezǫ ha nıwǫ t'à dǫ-danìı̨laa-kǫ̀ gots'ǫ xàyeèhchì. Yahtıı-gha-k'aodèe eyıts'ǫ Israel gha k'aodèe gı̨ı̨lı̨ı̨ sìı hazǫǫ̀ łą̀ą geèhkw'eè agǫ̀ǫ̀là. Eyı tł'axǫǫ̀ Paul gonadąą̀ tanı nàwoò ayį̀į̀là.

Zezì Wecheekeèdeè 23:1

Paul, k'aodèe ehkw'ı goghàeda xè hagòhdı, “Sèot'ı̨ı̨, dıı dzęę̀ ts'ǫ̀ Nǫ̀htsı̨ dànıwǫǫ sìı k'ę̀ę̀ sedzeè t'à ehkw'ı eghàlaıhdà, wek'èehsǫ hǫt'e,” gòhdı.

Zezì Wecheekeèdeè 24:20

Hanì-le-ı̨dè jǫ dǫ nàgeèhzaa sìı Israel got'ı̨į̀ gha k'aodèe gınadąą̀ seghǫ nàyaetı ekò, ayìı t'à hoìla hòwhıhtsı̨ sègedıı sìı dıì gıghǫ gogede ha ı̨lè.

Zezì Wecheekeèdeè 4:15

Peter eyıts'ǫ John ełegeèhdìı-kǫ̀ gots'ǫ xàgogeèwa, eyı tł'axǫǫ̀ goghǫ ełets'ǫ̀ gogede.

Zezì Wecheekeèdeè 5:21

K'omǫǫ̀dǫǫ̀ et'ıì Nǫ̀htsı̨kǫ̀-gocho gà nègı̨ı̨de, eyıts'ǫ dǫ hoghàgogeehtǫ. Yahtıı-wet'àaɂàa-deè eyıts'ǫ wexè k'aodèe gı̨ı̨lı̨ı̨ sìı eyı nègı̨ı̨de ekò Israel got'ı̨į̀ gha k'aodèe hazǫǫ̀ ełegeèhdì gha gokàgehɂà, eyıts'ǫ Zezì wecheekeèdeè dǫ-danìı̨laa-kǫ̀ nègogį̀ı̨waa sìı gıkàgòhdì.

Zezì Wecheekeèdeè 5:27

Yahtıı-wet'àaɂàa-deè Zezì wecheekeèdeè dagoehke ha t'à, k'aodèe ełegeèhdìı sìı nadąą̀ nàgeèhzaà agogį̀į̀là.

Zezì Wecheekeèdeè 6:12

Eyıt'à dǫ hazǫǫ̀, ǫhdah gı̨ı̨lı̨ı̨ eyıts'ǫ Nǫ̀htsı̨-yatıì-k'ègedìı-dǫǫ̀ xè nàdahoowo hogèhtsı̨. Stephen dagıachì gà Israel got'ı̨į̀ gha k'aodèe ełegeèhdìı sìı ts'ǫ̀ geèhchì.

Zezì Wecheekeèdeè 6:15

K'aodèe eyı geèhkw'ee sìı hotıì Stephen ghàgeeda, wınì yak'eet'ı̨į̀ wınì lanì gıgha wègoèht'į̀.

Zezì Wecheekeèdeè 7:37

“Moses ededı̨-t'ıì Israel got'ı̨į̀ ts'ǫ̀ dıı hadı ı̨lè, ‘Nǫ̀htsı̨ sìı xàè naxıta gots'ǫ, sı̨ lanı, nakwenàoɂǫǫ naxıts'ǫ̀ ayele ha,’ gòhdı ı̨lè.

Rome 12:10

Ełèot'ı̨ lanì naxıdzeè t'à ełeghǫnıahtǫ. Edenahk'e dǫ eyıì-le gıt'àhoòɂà dahwhǫ ha hǫt'e.

1 Corınth 6:10

egeeɂį̀ı̨-dǫǫ̀, t'asìı gha egedì-le-dǫǫ̀, t'aats'ǫǫ̀ geèhdee dǫǫ̀, dǫ gıızì jıı gehtsı̨ı̨ dǫǫ̀, sǫǫ̀mba gha dǫ ghǫyageeɂàa dǫǫ̀, hanıı dǫ hazǫǫ̀ sìı Nǫ̀htsı̨ Wenàowoò k'ę̀ę̀ hòɂǫǫ sìı gıxè hòɂǫ ha nıìle.

1 Corınth 6:6

Hanìkò ełeghǫ nàyaetıì ałaahɂı̨. Dǫ gıgha ehkw'ı-ahodı-le gınadąą̀ hanì k'ehoahɂa!

1 Thessalonıca 4:6

Eyıt'à dǫ wı̨ı̨zìı edèot'ı̨ ts'ǫ̀ ekǫ-le eghàlaeda ha nıìle eyıts'ǫ hołı̨ı̨ k'ę̀ę̀ edèot'ı̨ k'alawo ha nıìle. Hòt'a hanaxèts'edı ı̨lè, dǫ hanì nàowojıı ghàlaedaa sìı gots'ǫ̀ K'àowo nàyeehkwa ha hǫt'e.

Tıtus 3:2

Dǫ gıızì jıı gııhtsı̨-le, dǫ hazǫǫ̀ ts'ǫ̀ ts'èwhı̨į̀ gııdà, gıdzeè nezı̨ı̨ t'à dǫ daànıgedè ha eyıts'ǫ dǫ hazǫǫ̀ ts'ǫ̀ k'èeweèt'ı̨ k'ę̀ę̀ geeda ha hǫt'e.

Hebrew 12:25

Nǫ̀htsı̨ naxıts'ǫ̀ gode nı̨dè wets'ǫ̀ naxıdzıì goìle welè sǫ̀ǫ̀. Nǫ̀htsı̨ dıı nèk'e Israel got'ı̨į̀ gots'ǫ̀ goı̨de ekò egeèhkw'ǫ-le t'à nàgoı̨hkwa ı̨lè. Ekò goxı̨ sìı yak'e gots'ǫ Nǫ̀htsı̨ gots'ǫ̀ gode kò wets'eèhkw'ǫ-le nı̨dè denahk'e hòtł'ò nàgoehkwa ha hǫt'e.

Hebrew 5:9

Denahk'e elı̨ awììdlà tł'axǫǫ̀, dǫ hazǫǫ̀ yek'èı̨t'ee sìı welǫ whìle ts'ǫ̀ Edaxàgolee whelı̨.

James 2:20

Gonezǫ-le dìì! Gogha ehkw'ı-ahodı hanìkò wek'ę̀ę̀ ts'eeda-le nı̨dè wet'àhoòɂà nıìle. Dıı weghàà wek'èı̨zǫ anııhłe:

James 3:6

Gozhį̀į̀ k'e t'asìı whelaa gots'ǫ sìı gowalıì denahk'e hołı̨ı̨-deè hǫt'e. Wet'à edegha hoìla hots'ehtsı̨ eyıts'ǫ wet'à godıhołè. Gowalıì sìı kǫ̀ dèk'ǫ̀ǫ lanì wet'à t'asìı hazǫǫ̀ k'eek'ǫ̀, eyıts'ǫ wehłı̨kǫ̀ gots'ǫ kǫ̀ t'à gowalıì dìtła lanì.

1 Peter 2:23

Yatıjıı t'à gık'adaedè kò ek'èt'à yatıjıı t'à gots'ǫ̀ nagode-le; daı̨ɂà kò gots'ǫ̀ yedaı̨t'e xàyaı̨htı-le. Į̀le, Nǫ̀htsı̨ ehkw'ı dǫ sınìyaehtıı sìı ghàdìtı̨.

1 Peter 3:9

Dǫ naxıts'ǫ̀ hojıì eghàlageeda nı̨dè ek'èt'à gıts'ǫ̀ hojıì eghàlaahda-le, dǫ naxık'adageedè nı̨dè ek'èt'à gık'adaahdè-le, hanìkò gıgha yaahtı. Dǫ ts'ǫ̀ sìghà eghàlaahda ha naxììchì hǫt'e, hanì-ı̨dè Nǫ̀htsı̨ naxıts'ǫ̀ sìghà eghàlaeda ha hǫt'e.

1 John 2:9

Amìı “Sexè dzęh agǫ̀ht'e,” hadı, hanìkò edèot'ı̨ dzaı̨hwhǫ nı̨dè, ı̨łaà wexè togoòtł'òo hòɂǫ hǫt'e.

1 John 3:10

Amìı Nǫ̀htsı̨ weza agı̨ı̨t'ee, eyıts'ǫ amìı wehłı̨ı̨ weza agı̨ı̨t'ee sìı dıı weghàà gık'èts'eezǫ hǫt'e: Dǫ ehkw'ı eghàlageeda-le, eyıts'ǫ edèot'ı̨ ghǫnegeètǫ-le sìı Nǫ̀htsı̨ weza gı̨ı̨lı̨ nıìle.

1 John 5:16

Amìı wèot'ı̨ hołı̨ı̨ hohtsı̨ı̨ eyıts'ǫ yet'à welǫ whìle ts'ǫ̀ ełaàwı ha-le yek'èezǫ nı̨dè eyı dǫ gha yawehtı, hanì-ı̨dè Nǫ̀htsı̨ edaà ayele ha. Dǫ hołı̨ı̨ hogehtsı̨ hanìkò yet'à ełaàgede-le sìı awèehsı̨. Hołı̨ı̨ mǫ̀hdaa wet'à welǫ whìle ts'ǫ̀ ełaàts'ewı hǫt'e, hanìkò dǫ hanì hołı̨ı̨ hohtsı̨ı̨ sìı eyı gha yawehtı dehsı̨į̀-aehsı̨-le.

Jude 1:9

Yak'eet'ı̨deè Mıchael ededı̨ kò, Moses wekw'ǫǫ̀ ghǫ wehłı̨ı̨ xè nàyaehtı ekò, yek'e nìdahoeɂà ha edèdaedı ı̨lè, hanìkò “Gots'ǫ̀ K'àowo nesınìyahtı welè!” yèhdı ı̨lè.

John Wenazhıı 20:14

Eyı tł'axǫǫ̀ ełaàts'edee eyıts'ǫ dǫ ełaı̨dèe k'èhodìı k'è gòɂǫǫ sìı kwe dèk'ǫ̀ǫ ta ts'ǫ̀ gogeèhde. Eyı kwe dèk'ǫ̀ǫ whehtǫǫ sìı nàekeè t'à ełaàts'ewı gha hǫt'e.