Matthew 5:20 - Nǫ̀htsı̨ Nı̨htł'è

²⁰ Eyıt'à ehkw'ı anaxèehsı̨, Pharısee gı̨ı̨lı̨ı̨ eyıts'ǫ Nǫ̀htsı̨-yatıì-k'ègedìı-dǫǫ̀ gınahk'e ehkw'ı aahda lenǫsıı, Nǫ̀htsı̨ Wenàowoò k'ę̀ę̀ hòɂǫǫ sìı goyaahde ha nıìle.

Matthew 5:20 ပူးပေါင်းရင်းမြစ်များ

Matthew 16:12

Zezì eyı hadı t'à, wecheekeè, łèt'èa wet'à łèt'è ts'eht'è ghǫ godeè-adı-le gınıedì agejà, hanìkò Pharısee gı̨ı̨lı̨ı̨ eyıts'ǫ Sadducee gı̨ı̨lı̨ı̨ sìı gınàowoò ch'à edexogııhdı ghǫ godeè adı nǫǫ̀ nàgeèhzhį̀.

Matthew 18:5

“Amìı sıızì dahxà dıı chekoa nechà-lea lanıı ts'ǫ̀ nezı̨į̀ anıwǫǫ sìı sı̨ sets'ǫ̀ nezı̨į̀ anıwǫ hǫt'e.

Matthew 3:10

Ts'ı nàekwį̀ ha gokwı̨ hòt'a ts'atà wheɂǫ hǫt'e. Ts'ı hazǫǫ̀ wek'e jìecho nezı̨-le dehshee sìı nàgeehkà gà kwıìgeehdè ha. (Eyıt'à hotıì ts'ı nezı̨ı̨ laaht'e.)

Matthew 7:21

“Dǫ hazǫǫ̀ ‘K'àowo, K'àowo,’ sègedıı sìı Nǫ̀htsı̨ Wenàowoò k'ę̀ę̀ hòɂǫǫ k'è goyageedè ha nıìle. Amìı, Setà yak'e whedaa k'èı̨t'ee sìı zǫ goyageedè ha.

Mark 10:15

Ehkw'ı anaxèehsı̨, amìı chekoa lanì Nǫ̀htsı̨ Wenàowoò k'ę̀ę̀ hòɂǫǫ edegha yìhchì lenǫsıı, ekǫ goyaetła ha nıìle,” Zezì gòhdı.

Mark 10:25

Dǫ ahxee sìı Nǫ̀htsı̨ Wenàowoò k'ę̀ę̀ hòɂǫǫ goyaetła ha wegha dìì hǫt'e. Eyı wenahk'e tıts'aàdìıcho datı̨htł'à-k'è deghaetła gha sìı denahk'e dìì-le hǫt'e,” Zezì gòhdı.

Luke 11:44

“Naxı̨ Pharısee yàahłı̨ı̨ sìı, naxıgha hoìla nechà ha! Dǫkw'ǫǫ̀ wemǫǫ̀hts'ǫ wek'e whetǫ-le laaht'e. Dǫ gık'e k'edè kò gık'èezǫ-le. Dǫkw'ǫǫ̀ whetǫǫ gık'èezǫ nı̨dè gık'e k'edè ha-le ı̨lè,” Zezì hadı.

Luke 12:1

Ekìıyeè k'e dǫ łǫ-lemì laàtłǫǫ ełèwhede t'à dǫ ełek'e aget'ı̨. Zezì edecheekeè ts'ǫ̀ t'akwe xàyaı̨htı, hagòhdı, “Pharısee gı̨ı̨lı̨ı̨ sìı gıxèahɂı̨ ch'à kexoahdı. Degaı edegeetsı̨ kò gık'ę̀ę̀ eda-le.

Luke 18:17

Ehkw'ı anaxèehsı̨, amìı chekoa lanì Nǫ̀htsı̨ Wenàowoò k'ę̀ę̀ hòɂǫǫ edegha yį̀į̀hchì lenǫsıı, ekǫ goyaetła ha nıìle,” Zezì gòhdı.

2 Corınth 3:9

Nàowo wet'à dǫ ełaàgede gha gısınìyaetıı sìı enıìyah hǫt'e nı̨dè, nàowo nezı̨ı̨ wet'à ehkw'ı agòìdlàa sìı dàı̨hcho ts'ǫ̀ wenahk'e enıìyah dèè elı̨!

2 Corınth 5:17

Eyıt'à dǫ Zezì-Krı xè edaa sìı dǫgòò ìhłè hǫt'e. Wenàowoò zǫą sìı wedę adlà, wenàowogòò wetł'axǫǫ̀ ajà.

Hebrew 12:14

Dǫ hazǫǫ̀ xè ts'èwhı̨į̀ aahda, eyıts'ǫ nàowo degaı k'ę̀ę̀ aahda gha hòtł'ò eghàlaahda. Dǫ wı̨ı̨zìı nàowo degaı k'ę̀ę̀ eda lenǫsıı gots'ǫ̀ K'àowo eɂį̀ ha nıìle.

John Wenazhıı 21:27

T'asìı wejıı sìı eyı kǫ̀godeè ts'ǫ̀ adle ha-le, eyıts'ǫ dǫ wı̨ı̨zìı hołı̨ı̨ hohtsı̨ı̨ xè hots'ì godee sìı eyı kǫ̀godeè goyaetła ha-le. Dǫ welǫ whìle ts'ǫ̀ geeda xè Sahzǫ̀ą wenı̨htł'è k'e gıızì dek'eèhtł'èe sìı eyı kǫ̀godeè goyageedè ha.