Matthew 5:12 - Nǫ̀htsı̨ Nı̨htł'è

¹² Dànì aahda k'èxa yak'e t'asìı nezı̨ı̨ edegha daahnǫǫ sìı naxıdawheɂǫ t'à sıì naxınà hǫt'e. Eyı xèht'eè gıcho nakwenàoɂǫǫ dagogį̀ı̨hɂa ı̨lè.

Matthew 5:12 ပူးပေါင်းရင်းမြစ်များ

Dànì Kèhoį̀wo 15:1

Eyı hagòjà tł'axǫǫ̀ Abram wenazhıı xègoèht'į̀ Nǫ̀htsı̨ yets'ǫ̀ hadı, “Abram, dı̨ı̨jı̨-le. Nexoehdı ha, eyıts'ǫ t'asìı nezı̨ı̨ łǫ neghàehłe ha,” gots'ǫ̀ K'àowo yèhdı.

Matthew 16:27

Dǫ-wet'àaɂàa-deè sìı detà wets'ǫ t'asìı nàtsoo xè enıìyah deè t'à edets'ǫ yak'eet'ı̨į̀ goxè nììtła ha. Eyıts'ǫ dǫ hazǫǫ̀ dànì eghàlagı̨ı̨dà k'ę̀ę̀ goghàhòɂà ha.

Matthew 6:16

“Edeahgǫ nı̨dè ts'ǫǫ̀dahwhǫ k'ę̀ę̀ naxègaat'ı̨ welè-le. Dǫ degaı degeetsı̨ı̨ sìı hanì gìgaat'ı̨į̀ adegehɂı̨. Ehkw'ı anaxèehsı̨, t'asìı edegha geèhnǫǫ sìı hòt'a deghàà gıghǫ̀t'ǫ hǫt'e.

Luke 13:34

“Jerusalem got'ı̨į̀, nakwenàoɂǫǫ naxıts'ǫ̀ adlàa sìı naxı̨ kwe t'à ełaàgìahde hǫt'e. K'àba edezaa edı̨ı̨ts'ǫǫ̀ tł'a gòhłaà lanaxehłe ha t'aats'ǫǫ̀ hahwhǫ kò naxı̨ haahwhǫ-le.

Luke 6:23

“Naxıts'ǫ̀ hagòjà nı̨dè wek'èxa yak'e t'asìı nechàa daahnǫǫ sìı naxıdawheɂǫ t'à sıì naxınà dą̀ą yaàhka. Gıcho eyı xèht'eè nakwenàoɂǫǫ ts'ǫ̀ nezı̨į̀ eghàlagı̨ı̨dà-le ı̨lè.

Luke 6:35

Hanìkò dǫ naxıts'ǫ̀ xànegı̨ı̨ɂaa sìı gıghǫnıahtǫ xè gıts'ǫ̀ dǫ nezı̨ı̨ aahłı̨. T'asìı gıghǫnìahłe nı̨dè ek'èt'à seghǫgeele ha dahwhǫ-le. Hanì-ı̨dè wek'èxa t'asìı nechàa naxıda wheɂǫ ha eyıts'ǫ Nǫ̀htsı̨ wenahk'e gǫ̀hłı̨-le sìı weza aahłı̨ ha. Nǫ̀htsı̨ sìı dǫ masì gı̨ı̨wǫ-le eyıts'ǫ dǫ gıjıı ts'ǫ̀ wedzeè eteèɂı̨ hǫt'e.

Zezì Wecheekeèdeè 16:25

Totanı ekìıyeè k'e Paul eyıts'ǫ Sılas yagehtı xè Nǫ̀htsı̨ ts'ǫ̀ gejı̨, dǫ eyıì-le gıdanìı̨laa sìı gogeèhkw'ǫ.

Zezì Wecheekeèdeè 5:41

Zezì wecheekeèdeè Israel got'ı̨į̀ gha k'aodèe gots'ǫǫ̀ nageèhde. Zezì gha dagı̨ı̨ɂaà agììdlà t'à sıì gınà xè masì gı̨ı̨wǫ.

Rome 5:3

Eyı zǫ weghǫ goınà nıìle, hanìkò goxè hoìla t'à dats'ı̨ı̨ɂa nı̨dè weghǫ goınà hǫt'e. Dats'ı̨ı̨ɂa nı̨dè wet'à denahk'e goınì nàtso at'į̀ wek'èts'eezǫ,

1 Corınth 3:8

Dǫ wet'à t'asìı dehshee dèè goyìı yelee, eyıts'ǫ dǫ tı yek'e ayehɂı̨ı̨ sìı ı̨łak'aà gılaà gıghǫ̀t'ǫ hǫt'e, eyıts'ǫ ı̨łak'aà dànì edılaà ghàlagı̨ı̨dà k'èxa t'asìı gıghǫ̀t'à ha hǫt'e.

2 Corınth 4:17

Whaà-lea gots'ǫ̀ yaazea goxè hoìla hǫt'e, hanìkò wet'à welǫ whìle ts'ǫ̀ goxè sıì enıìyah hòɂǫ gha agot'ı̨ hǫt'e, eyı sìı hazǫǫ̀ t'à denahk'e wet'àaɂà hǫt'e.

Phılıppı 1:29

Zezì-Krı naxıgha ehkw'ı-ahodıı sìı naxıghǫ̀t'ǫ hǫt'e, eyı zǫǫ̀-le, wegha daahɂa ha, eyı sı naxıghǫ̀t'ǫ hǫt'e.

Phılıppı 2:17

Naxıgha ehkw'ı-ahodı t'à, Nǫ̀htsı̨ wecheekeè aahłı̨ ha weghàdeahła, eyıts'ǫ sı̨ sìı Nǫ̀htsı̨ gha ełaehwhı ha tahkò. Eyıt'à Nǫ̀htsı̨ ts'ǫ̀ t'asìı k'eek'ǫ̀ lanì, wegha sezhį̀į̀ k'ehowı. Ełexè Nǫ̀htsı̨ t'asìı weghàts'eɂà ne t'à, naxıxè sınà hǫt'e.

Colosse 1:24

Naxıgha daıhɂà t'à sınà hǫt'e. Zezì-Krı gogha daı̨ɂà, eyıts'ǫ Nǫ̀htsı̨ wecheekeè gogha denahk'e daı̨ɂa ha nı̨dè, sı̨ sı, sezhį̀į̀ t'à wegha daıhɂa kò dehwhǫ.

Colosse 3:24

Eyı wek'èxa gots'ǫ̀ K'àowo naxıda t'asìı whehłaa sìı naxıghàɂà ha wek'èahsǫ t'à hanì eghàlaahda welì. Gots'ǫ̀ K'àowo Zezì-Krı wegha eghàlaahda aaht'ı̨ hǫt'e.

1 Thessalonıca 2:15

Eyı Judea got'ı̨į̀ sìı gots'ǫ̀ K'àowo Zezì eyıts'ǫ nakwenàoɂǫǫ ełaàgogį̀ı̨hdèe sìı goxı̨ sı xàdegogeèzhì. Nǫ̀htsı̨ k'èch'a eghàlageeda xè dǫ hazǫǫ̀ dzagı̨ı̨hwhǫ agı̨ı̨t'e.

Hebrew 10:34

Dǫ gıdanìı̨laa sìı etegıahɂı̨ ı̨lè, eyıts'ǫ t'asìı naxıghǫ gį̀į̀hchì kò ı̨łaà naxınà ı̨lè, eyı wenahk'e t'asìı nezı̨ı̨ sìı, welǫ whìle ts'ǫ̀ naxıghaelı̨ ha wek'èahsǫ t'à.

Hebrew 11:26

Įdaà Nǫ̀htsı̨ t'asìı nechàa yeghàɂà ha sìı ts'ǫ̀ nadąą̀ nànıwo t'à, Chrıst gha daı̨ɂaa sìı Egypt nèk'e t'asìı nezı̨ı̨ łǫ whela nahk'e wegha wet'àaɂà ı̨lè.

Hebrew 11:33

Eyı dǫ gıgha ehkw'ı-ahodı ts'ıhɂǫ̀ ełegegǫ t'à hogeèhnǫ eyıts'ǫ edegha dèè gìhchì. Nàowo ehkw'ıı k'ę̀ę̀ eghàlagı̨ı̨dà, eyıts'ǫ Nǫ̀htsı̨ edeyatıì goghàı̨ɂǫǫ sìı wek'ę̀ę̀ t'asìı gıghǫ̀zha, eyıts'ǫ goòjìıcho godzıgehɂà ch'à agogį̀į̀là.

Hebrew 11:6

Dǫ wegha ehkw'ı-ahodı-le nı̨dè Nǫ̀htsı̨ wınà hohtsı̨ ha dìì. Dǫ hazǫǫ̀ Nǫ̀htsı̨ ts'ǫ̀ aget'ı̨ı̨ sìı Nǫ̀htsı̨ wehòhɂǫǫ sìı gıgha ehkw'ı-ahodı ha hǫt'e, eyıts'ǫ amìı ededzeè t'à Nǫ̀htsı̨ nıwǫǫ sìı eyı k'èxa Nǫ̀htsı̨ t'asìı nechàa goghàyeɂà ha gıgha ehkw'ı-ahodı ha hǫt'e.

James 1:2

Sèot'ı̨ı̨, hoìla łǫ xàɂaa t'à naxeèdzà nı̨dè sıì naxınà welè.

James 5:10

Sèot'ı̨ı̨, ı̨nę̀ę gots'ǫ nakwenàoɂǫǫ sìı gots'ǫ̀ K'àowo wedahxà gogı̨ı̨de k'èxa ts'èwhı̨į̀ dagı̨ı̨ɂà ı̨lè. Eyı lanì ts'èwhı̨į̀ daahɂa ha hǫt'e.

1 Peter 4:13

Hanìkò Zezì-Krı wexè daahɂaa sìı ghǫ naxınà welè, hanì-ı̨dè Zezì-Krı enıìyah t'à K'àowocho k'ę̀ę̀ wègoèht'į̀ nı̨dè sıì naxınà ha hǫt'e.