Matthew 5:10 - Nǫ̀htsı̨ Nı̨htł'è

¹⁰ Amìı nàowo ehkw'ıı k'ę̀ę̀ geeda k'èxa dǫ dagogį̀ı̨hɂaa sìı gıxè sìghà hǫt'e; Nǫ̀htsı̨ Wenàowoò k'ę̀ę̀ hòɂǫǫ sìı gıghaelı̨ ha.

Matthew 5:10 ပူးပေါင်းရင်းမြစ်များ

Matthew 10:23

Kǫ̀ta ı̨łè dǫ danaxegį̀ı̨hɂa nı̨dè kǫ̀ta eyıì-le ts'ǫ̀ kwı̨ahdè. Ehkw'ı anaxèehsı̨, Israel nèk'e kǫ̀ta hazǫǫ̀ ts'ǫ̀ kwı̨ahdè kwe, Dǫ-wet'àaɂàa-deè nììtła ha hǫt'e.

Matthew 19:14

Hanìkò Zezì edecheekeè gots'ǫ̀ hadı, “Chekoa sets'ǫ̀ gııdè agıahłe, sets'agıahɂǫ-le. Amìı dıı chekoa lagı̨ı̨t'ee sìı Nǫ̀htsı̨ Wenàowoò k'ę̀ę̀ hòɂǫǫ sìı gıts'ǫ hǫt'e,” gòhdı.

Matthew 25:34

“Eyı tł'axǫǫ̀-ı̨dè k'àowocho dǫ nàgòts'ehnèe nàgeèhzaa sìı gots'ǫ̀ dıı hadı ha, ‘Jǫ aahdè, Setà naxıxè sìghà anıwǫ hǫt'e. Dıı nèè hòèlı̨ gots'ǫ Nǫ̀htsı̨ Wenàowoò k'ę̀ę̀ hòɂǫǫ naxıda sınìhòt'ǫǫ sìı ts'ǫ̀ goyaahdè.

Matthew 5:3

“Amìı eteèt'ı̨ı̨ edek'ègeezǫǫ sìı gıxè sìghà hǫt'e; Nǫ̀htsı̨ Wenàowoò k'ę̀ę̀ hòɂǫǫ sìı gıts'ǫ̀-èlı̨ hǫt'e.

Mark 10:14

Zezì haget'ı̨ goaɂı̨ ekò gots'ǫ̀ wınì-le xè edecheekeè gots'ǫ̀ hadı, “Chekoa sets'ǫ̀ gııdè agıahłe, sets'agıahɂǫ-le. Amìı dıı chekoa lagı̨ı̨t'ee sìı Nǫ̀htsı̨ Wenàowoò k'ę̀ę̀ hòɂǫǫ gıts'ǫ hǫt'e.

Mark 10:30

eda gots'ǫ̀ ı̨łèakw'eènǫ laàtłǫ ts'ǫ̀ weghǫ̀zhe ha. (Dıı nèk'e wekǫ̀, wechı, wedè, wemǫ, weza, eyıts'ǫ wets'ǫ dèè daı̨ɂa xè weghǫ̀zhe ha.) Eyıts'ǫ ı̨daà welǫ whìle ts'ǫ̀ eda eyı sı weghǫ̀t'à ha.

Luke 21:12

“Hanìkò eyı hazǫǫ̀ hagode kwe sìı naxegìhchı xè danaxegį̀ı̨hɂa ha. Nàyaetıı-kǫ̀ eyıts'ǫ dǫ-danìı̨laa-kǫ̀ ts'ǫ̀ anaxegele ha. K'àowocho eyıts'ǫ dèe-ts'ǫ̀-k'àowo gınadąą̀ naxısınìyaetı anaxegele ha. Sı̨ sets'ıhɂǫ̀ hanì naxıts'ǫ̀ eghàlageeda ha.

Luke 22:29

Setà K'àowocho ehłı̨ ha seghàhòı̨ɂǫ k'ę̀ę̀ sı̨ sı k'àowocho aahłı̨ gha naxıghàhòehɂǫ hǫt'e.

Luke 6:20

Zezì edecheekeè goghàeda, hagòhdı, “Naxı̨ eteaht'ı̨ı̨ sìı naxıxè sìghà hǫt'e; Nǫ̀htsı̨ Wenàowoò k'ę̀ę̀ hòɂǫǫ naxıts'ǫ̀-èlı̨ hǫt'e.

Luke 6:22

Dǫ-wet'àaɂàa-deè wets'ıhɂǫ̀, dǫ naxıdzagı̨ı̨hwhǫ nı̨dè, naxıdę gı̨ı̨wǫ nı̨dè naxık'adageedè nı̨dè, naxızì jıı gehtsı̨ nı̨dè, naxıxè sìghà hǫt'e.

John 15:20

Dıı yatı naxıts'ǫ̀ xàyaehtıı sìı wenaahdì, ‘Dǫ wı̨ı̨zìı edets'ǫ k'àowo nahk'e elı̨ nıìle.’ Sı̨ dasegį̀ı̨hɂa nı̨dè naxı̨ sı danaxegį̀ı̨hɂa ha hǫt'e. Seyatıì k'èagı̨ı̨t'e nı̨dè naxı̨ sı naxıyatıì k'èagı̨ı̨t'e ha hǫt'e.

Zezì Wecheekeèdeè 5:40

Gamalıel ehkw'ı adı gı̨ı̨wǫ t'à weyatıì k'èhogı̨ı̨ɂǫ. Zezì wecheekeèdeè goyagogeèwa gà gok'egı̨ı̨hkwa. Zezì wıızì t'à goahde ha-le gògedı tł'axǫǫ̀ nagogeèhɂà.

Zezì Wecheekeèdeè 8:1

Dǫ degaı mǫ̀hdaa Stephen wekw'ǫǫ̀ nègı̨į̀tǫ eyıts'ǫ gıghǫ hòtł'ò gı̨ı̨tsè. Eyı dzęę̀ k'e Jerusalem Nǫ̀htsı̨ wecheekeè hazǫǫ̀ dagı̨ı̨ɂaà agììdlà. Eyıt'à Judea nèk'e eyıts'ǫ Samarıa nèk'e ts'ǫ̀ kwı̨geèhde. Hanìkò Zezì wecheekeèdeè t'aa Jerusalem ageèhkw'e.

2 Corınth 4:17

Whaà-lea gots'ǫ̀ yaazea goxè hoìla hǫt'e, hanìkò wet'à welǫ whìle ts'ǫ̀ goxè sıì enıìyah hòɂǫ gha agot'ı̨ hǫt'e, eyı sìı hazǫǫ̀ t'à denahk'e wet'àaɂà hǫt'e.

Phılıppı 1:28

Dǫ naxık'èch'a agedıı sìı gıts'àahjı̨-le, eyı weghàà gıdıhołè ha sìı gık'èezǫ ha, hanìkò naxı̨ edaxàahdè ha sìı gık'èezǫ ha, Nǫ̀htsı̨ ededı̨ at'ı̨ ne t'à.

2 Tımothy 2:12

Dats'ı̨ı̨ɂa kò weghǫ goınì nàtso ats'ı̨ı̨hwhǫ nı̨dè, wexè k'ahots'edè ha hǫt'e. Wek'èts'eezǫ-le ts'edı nı̨dè ededı̨ sı gok'èezǫ-le hadı ha.

2 Tımothy 3:11

Dànì sexè hoìla xè dasegį̀ı̨hɂa, eyıts'ǫ kǫ̀ta Antıoch, kǫ̀ta Iconıum eyıts'ǫ kǫ̀ta Lystra eyı hazǫǫ̀ sexè hagòjàa sìı hazǫǫ̀ wek'èı̨zǫ hǫt'e. Hanìkò gots'ǫ̀ K'àowo sìı eyı hazǫǫ̀ ch'à edaxàseèhtı̨.

James 1:12

Dǫ weèdzà t'à wexè hoìla kò wınì nàtso-le ade-le sìı wexè sìghà hǫt'e. Ayìı t'à weèdzàa sìı yeghǫèhnǫ nı̨dè wek'èxa welǫ whìle ts'ǫ̀ edaà awedle ha. Amìı Nǫ̀htsı̨ ghǫnegeètǫǫ sìı hanì edeyatıì goghàı̨ɂǫ hǫt'e.

James 5:11

Amìı edınì nàtsoò ayį̀į̀hwhǫ xè yeghǫ nat'è-le sìı wexè sìghà hòɂǫ, wek'èahsǫ hǫt'e. Job wegodıì k'èahsǫ sǫnaà; Nǫ̀htsı̨ ts'ǫ̀ edınì nàtsoò ayį̀į̀hwhǫ, eyıt'à nǫǫde ts'ǫ̀ gots'ǫ̀ K'àowo yexè eładı̨į̀ hòɂǫǫ̀ ayį̀į̀là hǫt'e. Gots'ǫ̀ K'àowo sìı gots'ǫ̀ wedzeè sıì eteèɂı̨ hǫt'e.

1 John 3:12

Caın wexèaht'e-le, ededı̨ sìı wehłı̨ı̨ wets'ǫ dǫ hǫt'e, eyıts'ǫ edechı ełaı̨hwho ı̨lè. Dànìghǫ ayį̀į̀là? Ededı̨ wenàowoò jıı t'à ełaàyį̀ı̨hwho, hanìkò wechı wenàowoò ehkw'ı hǫt'e.

John Wenazhıı 2:10

Whaà-le-t'ıì ayìı t'à daahɂa ha sìı weghǫ dahjı̨-le. Ehkw'ı anaxèehsı̨, wehłı̨ı̨ naxeèhdzà ha nıwǫ t'à dǫ-danìı̨laa-kǫ̀ ts'ǫ̀ anaxele ha hǫt'e. Hoònǫ dzęę̀ ts'ǫ̀ danaxegį̀ı̨hɂa ha. Naxıweè hogehtsı̨ kò naxınì nàtsoò aahłe. Wek'èxa welǫ whìle ts'ǫ̀ ts'eedaa naxıghàehɂà ha.