Matthew 4:23 - Nǫ̀htsı̨ Nı̨htł'è

²³ Eyı tł'axǫǫ̀ Zezì Galılee nèk'e kǫ̀ta yàgòlaa sìı gota k'etło, ełègehdèe-kǫ̀ goyìı dǫ hoghàehtǫ. Nǫ̀htsı̨ Wenàowoò k'ę̀ę̀ hòɂǫǫ wegodıì nezı̨ı̨ t'à dǫ ts'ǫ̀ gode, eyıts'ǫ dǫ hazǫǫ̀ eyagı̨ı̨lı̨ı̨ sìı k'aàt'ıì agǫ̀ǫ̀là.

Matthew 4:23 ပူးပေါင်းရင်းမြစ်များ

Matthew 11:5

Dǫ gıdaà goìlee sìı k'egeet'į̀, k'egedè-le sìı k'egedè, gıkwǫ̀ tàda t'à eyagı̨ı̨lı̨ı̨ sìı k'aàt'ıì agejà, gıdzıì goìlee sìı egeèhkw'ǫǫ̀ agejà, ełaàgı̨ı̨dèe sìı nagìdà eyıts'ǫ dǫ-teèt'ı̨ı̨ sìı godı nezı̨ı̨ egıìkw'o.

Matthew 12:9

Eyı hagòhdı tł'axǫǫ̀ ełègehdèe-kǫ̀ goyaèhtła.

Matthew 13:19

Eyı dǫ Nǫ̀htsı̨ Wenàowoò godıì yıìkw'o kò yenıedì-le sìı eyı godı wedzeè yìı ajà ı̨lèe sìı ekòet'ıì wehłı̨ı̨ yeghǫnıyıìchì. Eyı sìı wet'à t'asìı dehshee tı̨lı k'e nàı̨tł'ı lanì hǫt'e.

Matthew 13:54

Kǫ̀ta dèzhǫǫ sìı ekǫ nììtła ekò ełègehdèe-kǫ̀ ts'ǫ̀ èhtła, ekǫ dǫ hoghàehtǫ. Dànì dǫ hazǫǫ̀ ts'ǫ̀ gode t'à sıì gıgha enıìyah lanì, ełets'ǫ̀ hagedı, “Dànıt'à dıı dǫ sıì gǫǫzǫ xè enıìyah hoehtsı̨?

Matthew 14:14

Zezì edecheekeè xè ı̨nǫ̀ǫ̀ tàwheɂe ekò dǫ łǫ gıdanaèhɂı̨ nǫǫ̀. Zezì ededzeè t'à etegoèhɂı̨, eyıt'à dǫ eyagı̨ı̨lı̨ı̨ sìı k'aàt'ıì agǫ̀ǫ̀là.

Matthew 24:14

Hazǫǫ̀ nèk'e Nǫ̀htsı̨ Wenàowoò k'ę̀ę̀ hòɂǫǫ wegodıì nezı̨ı̨ dǫ hoghàgogeehtǫ ha. Hanì-ı̨dè dǫ hazǫǫ̀ godı nezı̨ı̨ k'ègeezǫǫ̀ agede ha eyı tł'axǫǫ̀-ı̨dè nǫǫde dzęę̀ nèhòkw'ı ha.

Matthew 3:2

hadı, “Edek'eahłı̨, naxınì eładı̨į̀ aahłe! Nǫ̀htsı̨ Wenàowoò k'ę̀ę̀ nèhòkw'ı ha nìkw'o,” hadıì dǫ ts'ǫ̀ gode.

Matthew 9:35

Zezì eyı nèk'e kǫ̀ta hazǫǫ̀ gota k'eetło. Ełègehdèe-kǫ̀ goyìı dǫ hoghàehtǫ. Nǫ̀htsı̨ Wenàowoò k'ę̀ę̀ hòɂǫǫ wegodıì nezı̨ı̨ t'à dǫ ts'ǫ̀ gode, eyıts'ǫ tàda hazǫǫ̀ t'à dǫ eyagı̨ı̨lı̨ı̨ sìı k'aàt'ıì anagǫ̀ǫ̀là.

Mark 1:14

John-Baptıst wedaàtǫ tł'axǫǫ̀ Zezì Galılee nèk'e ts'ǫ̀ anajà, ekǫ Nǫ̀htsı̨ wegodıì nezı̨ı̨ t'à dǫ ts'ǫ̀ gode.

Mark 1:21

Eyı tł'axǫǫ̀ kǫ̀ta Capernaum ts'ǫ̀ geède. Nǫ̀htsı̨ Dzęę̀ k'e, Zezì ełègehdèe-kǫ̀ goyaèhtła gà dǫ hoghàehtǫ.

Mark 1:39

Eyıt'à Zezì Galılee nèk'e kǫ̀ta yàgòlaa gota k'etło. Gıts'ǫ ełègehdèe-kǫ̀ gòlaa goyìı dǫ hoghàehtǫ eyıts'ǫ ı̨nìłı̨ı̨ łǫ xàgodeèzhì.

Mark 3:10

Zezì dǫ łǫ k'aàt'ıì agǫǫ̀là t'à dǫ eyaelı̨ı̨ hazǫǫ̀ Zezì xèlageedı ha gı̨ı̨wǫ t'à wets'ǫ̀ ełegeehtsı.

Mark 6:2

Nǫ̀htsı̨ Dzęę̀ k'e ełègehdèe-kǫ̀ dǫ hoghàehtǫ. Dànì gots'ǫ̀ goı̨de t'à sıì gıgha enıìyah lanì, ełets'ǫ̀ hagedı, “Amìı hanì eghàlaeda ha yeghàhòı̨ɂǫ? Dànıt'à dıı dǫ sıì gǫǫzǫ xè enıìyah hohtsı̨?

Mark 6:6

Zezì, dǫ gıgha ehkw'ı-ahodı-le t'à sıì wegha enıìyah dìì. Eyı tł'axǫǫ̀ eyı nèk'e kǫ̀ta hazǫǫ̀ nàèhtła.

Luke 10:9

Ekǫ gots'ǫ dǫ eyaelı̨ nı̨dè k'aàt'ıì agıahłe eyıts'ǫ dıı hagìahdı, ‘Nǫ̀htsı̨ Wenàowoò k'ę̀ę̀ nèhòkw'ı ha ts'ǫ̀ whaà-le agòjà,’ gìahdı.

Luke 13:10

Nǫ̀htsı̨ Dzęę̀ k'e Zezì ełègehdèe-kǫ̀ goyìı dǫ hoghàehtǫ.

Luke 16:16

“John-Baptıst nììtła haı̨wa gots'ǫ̀ Moses wenàowoò eyıts'ǫ nakwenàoɂǫǫ gıyatıì t'à dǫ hoghàgogeètǫ ı̨lè. Ekò gots'ǫ Nǫ̀htsı̨ Wenàowoò k'ę̀ę̀ hòɂǫǫ wegodıì nezı̨ı̨ t'à dǫ ts'ǫ̀ gogı̨ı̨de. Eyıt'à dǫ hazǫǫ̀ sexè welè gı̨ı̨wǫ t'à Nǫ̀htsı̨ Wenàowoò k'ę̀ę̀ hòɂǫǫ goyageedè ha nàhogehdè.

Luke 20:1

Įłàà Zezì Nǫ̀htsı̨kǫ̀-gocho gà dǫ hoghàehtǫ xè godı nezı̨ı̨ t'à gots'ǫ̀ gode ekò yahtıı-gha-k'aodèe, Nǫ̀htsı̨-yatıì-k'ègedìı-dǫǫ̀ eyıts'ǫ ǫhdah gı̨ı̨lı̨ı̨ sìı Zezì ts'ǫ̀ geède,

Luke 4:14

Zezì Yedàyeh Nezı̨ı̨ nàtsoò wets'ǫ̀-èlı̨ xè Galılee nèk'e ts'ǫ̀ anajà. Eyı nèk'e dǫ hazǫǫ̀ wegodıì ghǫ egıìkw'o.

Luke 5:17

Įłàà Zezì kǫ̀ goyìı dǫ hoghàehtǫ. Pharısee gı̨ı̨lı̨ı̨ eyıts'ǫ Nǫ̀htsı̨-yatıì-k'ègedìı-dǫǫ̀ Galılee nèk'e gots'ǫ, Judea nèk'e gots'ǫ eyıts'ǫ kǫ̀ta Jerusalem gots'ǫ hazǫǫ̀ eyı nègı̨ı̨de t'à goyìı geèhkw'e. Zezì dǫ k'aàt'ıì agole gha Nǫ̀htsı̨ wets'ǫ t'asìı nàtsoo wets'ǫ̀-èlı̨.

Luke 6:17

Zezì shìhka gots'ǫ ı̨zhıì edecheekeèdeè goxè hodàèhtła, dèè goı̨tłoa k'e nàwo. Wecheekeè łǫ eyı nègı̨ı̨de eyıts'ǫ Judea nèk'e hazǫǫ̀, Jerusalem gots'ǫ, eyıts'ǫ tıchobàa kǫ̀ta gòlaa Tyre eyıts'ǫ Sıdon gots'ǫ dǫdeè nìı̨de.

Luke 6:6

K'achı̨ Nǫ̀htsı̨ Dzęę̀ k'e, Zezì ełègehdèe-kǫ̀ goyaèhtła gà dǫ hoghàehtǫ. Dǫ ı̨łè nàgòts'ehnèe gots'ǫ wılà ełeènııtsoo eyı wheda.

Luke 7:21

Nègı̨ı̨de ekìıyeè k'e Zezì dǫ łǫ tàda gıts'ǫǫ eyıts'ǫ ı̨nìłı̨ı̨ gıts'ǫ̀-èlı̨ı̨ sìı k'aàt'ıì agǫ̀ǫ̀là, eyıts'ǫ gıdaà goìlee sìı gıdaà gǫ̀hłı̨į̀ agǫ̀ǫ̀là.

Luke 7:22

Eyıt'à Zezì, eyı dǫ nàke ts'ǫ̀ hadı, “John-Baptıst ts'ǫ̀ anaahde. Ayìı aahɂı̨ı̨ eyıts'ǫ ayìı aàhkw'oo sìı hazǫǫ̀ wets'ǫ̀ haahdı: Dǫ gıdaà goìlee sìı k'egeet'į̀, k'egedè-le sìı k'egedè, gokwǫ̀ tàda t'à eyagı̨ı̨lı̨ı̨ sìı k'aàt'ıì agejà, gıdzıì goìlee sìı egeèhkw'ǫǫ̀ agejà, ełaàgı̨ı̨dèe sìı nagìdà eyıts'ǫ dǫ etegeèt'ı̨ı̨ sìı godı nezı̨ı̨ egıìkw'o.

Luke 8:1

Eyı tł'axǫǫ̀ Zezì kǫ̀ta yàgòlaa gota k'etło. Nǫ̀htsı̨ Wenàowoò wegodıì nezı̨ı̨ t'à dǫ hoghàehtǫ. Wecheekeè hoònǫ-daats'ǫ̀-nàke gıxè at'ı̨.

Luke 9:11

Hanìkò dǫ łǫ gıghǫ gıìkw'o t'à Zezì k'èè geède. Zezì wegha sìghà agejà. Nǫ̀htsı̨ Wenàowoò k'ę̀ę̀ hòɂǫǫ t'à goxè godo eyıts'ǫ dǫ eyagı̨ı̨lı̨ı̨ sìı k'aàt'ıì agǫ̀ǫ̀là.

Luke 9:60

Zezì yets'ǫ̀ hadı, “Dǫ ełaı̨dèe lagı̨ı̨t'ee sìı edets'ǫ dǫ ełaı̨dèe gıkw'ǫǫ̀ nègııle, hanìkò nı̨ sìı Nǫ̀htsı̨ Wenàowoò k'ę̀ę̀ hòɂǫǫ sìı t'à dǫ ts'ǫ̀ goı̨de,” yèhdı.

John 18:20

Zezì yets'ǫ̀ hadı, “Dǫ hazǫǫ̀ gıdaà goıhde ı̨lè. Ełègehdèe-kǫ̀ eyıts'ǫ Nǫ̀htsı̨kǫ̀-gocho gà Israel got'ı̨į̀ ełègehdèe sìı t'aats'ǫǫ̀ ekǫ zǫ goıhde ı̨lè t'à dǫ naàhtǫ wı̨ı̨zìı xàyaehtı whìle.

John 6:59

Zezì hadıì kǫ̀ta Capernaum ełègehdèe-kǫ̀ goyìı dǫ hoghàgoehtǫ.

John 7:1

Eyı hagòjà tł'axǫǫ̀ Zezì Galılee nèk'e hazǫǫ̀ nàhtła. Israel got'ı̨į̀ gha k'aodèe weweè hagı̨ı̨wǫ t'à, Judea nèk'e ts'ǫ̀ ade ha nıwǫ-le.

Zezì Wecheekeèdeè 18:4

Nǫ̀htsı̨ Dzęę̀ taàt'eè ełègehdèe-kǫ̀ dǫ ts'ǫ̀ gode, yatı t'à Israel got'ı̨į̀ eyıts'ǫ Greece got'ı̨į̀ goghǫdaehnè ha dahoèhdzà.

Zezì Wecheekeèdeè 20:25

“Naxı̨, Nǫ̀htsı̨ Wenàowoò t'à naxıts'ǫ̀ goıhde ı̨lèe sìı k'achı̨ seahɂį̀ ha-le, wek'èehsǫ hǫt'e.

Zezì Wecheekeèdeè 28:31

Edèdaedı-le xè Nǫ̀htsı̨ wenàowoò eyıts'ǫ gots'ǫ̀ K'àowo Zezì-Krı ghǫ dǫ hoghàehtǫ, eyıts'ǫ dǫ wı̨ı̨zìı nàyeeɂǫ-le.

Rome 10:15

Eyıts'ǫ gots'ǫ̀ K'àowo dǫ goı̨hɂà-le nı̨dè, dànì wegodıì nezı̨ı̨ t'à gots'ǫ̀ gogede welì? Dıı hanì dek'eèhtł'è: “Dǫ godı nezı̨ı̨ gots'ǫ̀ nìı̨ɂǫǫ sìı weghǫ sıì goınà hǫt'e!” dek'eèhtł'è.