Matthew 4:20 - Nǫ̀htsı̨ Nı̨htł'è

²⁰ Ekòet'ıì edemį̀ ts'ǫǫ̀ nałegeèhtła gà Zezì k'èè łegeèhtła.

Matthew 4:20 ပူးပေါင်းရင်းမြစ်များ

Matthew 10:37

“Amìı edetà eyıts'ǫ edemǫ senahk'e goghǫneètǫǫ sìı, secheekeè elı̨ ha dìì. Eyıts'ǫ amìı edeza eyıts'ǫ edetì senahk'e goghǫneètǫǫ sìı secheekeè elı̨ ha dìì.

Matthew 19:27

Peter, Zezì ts'ǫ̀ hadı, “Goxı̨ nek'èè k'ets'edè ha ts'ı̨ı̨wǫ t'à, t'asìı hazǫǫ̀ wedę ats'ı̨ı̨là ı̨lè! Wek'èxa ayìı gǫǫ̀t'à ha?” yèhdı.

Matthew 4:19

Zezì gots'ǫ̀ hadı, “Sek'èahdè, dǫ łǫ ààhłì anaxehłe ha,” gòhdı.

Matthew 4:21

Ekǫ gots'ǫ nageèhde ekò k'achı̨ ełechı eyıì-le nàke goaɂı̨, Zebedee weza James eyıts'ǫ wechı John. Edetà xè elà yìı edemį̀ getł'ı̨ ı̨lè. Zezì, sek'èahdè, gòhdı t'à,

Luke 5:11

Eyı tł'axǫǫ̀ elà dèè k'e nègı̨į̀sı, t'asìı hazǫǫ̀ weyìı aìlaà agį̀į̀là gà Zezì k'èè geède.