Matthew 4:17 - Nǫ̀htsı̨ Nı̨htł'è

¹⁷ Ekìıyeè k'e Zezì dǫ hoghàgoehtǫǫ̀ ajà, hadı, “Edek'eahłı̨, naxınì eładı̨į̀ aahłe! Nǫ̀htsı̨ Wenàowoò k'ę̀ę̀ nèhòkw'ı ha ts'ǫ̀ whaà-le agòjà,” gòhdı.

Matthew 4:17 ပူးပေါင်းရင်းမြစ်များ

Matthew 10:7

Kǫ̀ta yàgòlaa ts'ǫ̀ aahde, dǫ ts'ǫ̀ haahdı, ‘Nǫ̀htsı̨ Wenàowoò k'ę̀ę̀ nèhòkw'ı ha ts'ǫ̀ nıwà-le agòjà,’ gìahdı.

Matthew 11:12

John-Baptıst dǫ k'ètaìdzǫ gots'ǫ dıı dzęę̀ gots'ǫ̀ dǫ Nǫ̀htsı̨ Wenàowoò k'ę̀ę̀ hòɂǫǫ k'èch'a aget'ı̨ xè gıts'ǫ̀ k'àhogedè ha gı̨ı̨wǫ.

Matthew 13:11

Eyıt'à Zezì gots'ǫ̀ hadı, “Naxı̨ sìı Nǫ̀htsı̨ Wenàowoò k'ę̀ę̀ hòɂǫǫ k'èahsǫ ha naxıghàhòt'ǫ hǫt'e, hanìkò dǫ eyıì-le sìı hanì gıghàhòt'ǫ nıìle.

Matthew 13:24

Zezì hadı tł'axǫǫ̀ k'achı̨ godı eładı̨ı̨ t'à goxè godo, hadı, “Nǫ̀htsı̨ Wenàowoò k'ę̀ę̀ hòɂǫǫ sìı dıı hanì hǫt'e: Dǫ ı̨łè wet'à t'asìı nezı̨ı̨ dehshee sìı dèè k'e nèyı̨ı̨la.

Matthew 13:47

“K'achı̨ Nǫ̀htsı̨ Wenàowoò k'ę̀ę̀ hòɂǫǫ sìı dıı lanì hǫt'e: Dǫ mį̀ tègı̨ı̨wa ekò łı hazǫǫ̀ xàɂaa geelì.

Matthew 13:9

Amìı wedzıì gǫ̀hłı̨ı̨ sìı eèhkw'ǫ welè,” Zezì gòhdıì goxè godo.

Matthew 25:1

“Ekìıyeè k'e nı̨dè Nǫ̀htsı̨ Wenàowoò k'ę̀ę̀ dıı lagode ha: T'eekoa hoònǫ tłeèk'ǫ̀ǫ xè xàgeède gà mǫ̀ht'a dǫzhìı honìda ha sìı k'enageèhɂı̨.

Matthew 3:2

hadı, “Edek'eahłı̨, naxınì eładı̨į̀ aahłe! Nǫ̀htsı̨ Wenàowoò k'ę̀ę̀ nèhòkw'ı ha nìkw'o,” hadıì dǫ ts'ǫ̀ gode.

Matthew 6:10

Nı̨ k'àı̨wo k'ę̀ę̀ welè. Dıı nèk'e nek'ę̀ę̀ agòwet'è, yak'e hagǫ̀ht'e lanì.

Matthew 9:13

Hanìkò dıı hanì dek'eèhtł'è: ‘Sets'ǫ̀ t'asìı k'eahk'ǫ̀ nahk'e dǫ ts'ǫ̀ naxıdzeè eteèɂı̨ ha dehwhǫ,’ ayìı awèts'edıı sìı wedaànıahdè. Dǫ ehkw'ı geedaa sìı gıkayahtı gha jǫ ts'ǫ̀ ahjà nıìle, hanìkò hołı̨ı̨-hogehtsı̨ı̨-dǫǫ̀ gıgha ahjà hǫt'e,” gòhdı.

Luke 15:10

Ehkw'ı anaxèehsı̨, eyı xèht'eè hołı̨ı̨-hohtsı̨ı̨-dǫǫ̀ ı̨łè edek'enadlı̨ nı̨dè Nǫ̀htsı̨ weyak'eet'ı̨į̀ gınà t'à sìgoèt'ı̨ ha hǫt'e,” Zezì gòhdı.

Luke 15:7

Eyı xèht'eè hołı̨ı̨-hohtsı̨ı̨-dǫǫ̀ ı̨łè edek'enadlı̨ nı̨dè, yak'e geèhkw'ee sìı sıì gınà ha hǫt'e. Łǫǫ̀tǫènǫ-daats'ǫ̀-łǫǫ̀tǫ ehkw'ı geeda kò, hołı̨ı̨-hohtsı̨ı̨-dǫǫ̀ ı̨łè edek'enadlı̨ nı̨dè yak'e geèhkw'ee sìı weghǫ denahk'e gınà ha hǫt'e.”

Luke 24:47

Chrıst wıızì dahxà dıı nèk'e dǫ hazǫǫ̀ xàɂaa ts'ǫ̀ goahde ha, dǫ edek'egı̨ı̨lı̨ nı̨dè gıhołı̨į̀ gıghǫ nahoezhe ha. Jerusalem ekǫ t'akwełǫ̀ǫ̀ dǫ ts'ǫ̀ goahde ha.

Luke 3:23

Zezì taènǫ weghoò ekò edılaà kèhoį̀hwho. Zezì, Joseph weza hǫt'e gı̨ı̨hwhǫ. Joseph, Helı weza hǫt'e. Helı,

Luke 5:32

Dǫ ehkw'ı geedaa sìı gıkayahtı gha jǫ ts'ǫ̀ ahjà nıìle, hanìkò hołı̨ı̨-hogehtsı̨ı̨-dǫǫ̀ sìı edek'egı̨ı̨lı̨ gha ahjà,” gòhdı.

Luke 9:2

Eyı tł'axǫǫ̀ Nǫ̀htsı̨ Wenàowoò k'ę̀ę̀ hòɂǫǫ sìı t'à dǫ hoghàgeehtǫ ha eyıts'ǫ dǫ eyaelı̨ı̨ k'aàt'ıì agele ha kǫ̀ta yàgòlaa ts'ǫ̀ goèhɂà.

Zezì Wecheekeèdeè 11:18

Hadı gots'ǫ̀ goı̨de tł'axǫǫ̀ dǫ t'asagedı ha dìì t'à Nǫ̀htsı̨ ghàsǫgeedı, “Nǫ̀htsı̨ sìı dǫ eyıì-le xàɂaa gı̨ı̨lı̨ı̨ kò edek'egı̨ı̨lı̨ nı̨dè edaxàgole ha goghàhòı̨ɂǫ nǫǫ̀,” gedı.

Zezì Wecheekeèdeè 17:30

Įnę̀ę dǫ dàget'ı̨ı̨ sìı gık'èezǫ-le t'à Nǫ̀htsı̨ nàgoehkwa-le ı̨lè, hanìkò dıì sìı dǫ hazǫǫ̀ edek'egı̨ı̨lı̨ xè wets'ǫ̀ anats'ede ha goı̨hwhǫ.

Zezì Wecheekeèdeè 2:38

Peter gots'ǫ̀ hadı, “Edek'eahłı̨, naxınì eładı̨į̀ aahłe. Naxıhołı̨į̀ naxıghǫ nahoezhe ha t'à, hazǫǫ̀ naxıtaàt'eè Zezì wıızì t'à naxık'ètaìdzı̨į̀ adeahłe. Hanì-ı̨dè Yedàyeh Nezı̨ı̨ naxık'e ade ha.

Zezì Wecheekeèdeè 20:21

Israel got'ı̨į̀ eyıts'ǫ Greece got'ı̨į̀ į̀łah gıts'ǫ̀ goıhde ı̨lè. Edek'egı̨ı̨lı̨ t'à Nǫ̀htsı̨ ts'ǫ̀ agede ha eyıts'ǫ gots'ǫ̀ K'àowo Zezì ehkw'ı adı gı̨ı̨wǫ gha haehsı̨į̀ gıts'ǫ̀ goıhde ı̨lè.

Zezì Wecheekeèdeè 26:20

Kǫ̀ta Damaskus t'akwełǫ̀ǫ̀ ekǫ dǫ ts'ǫ̀ goıhde, eyı tł'axǫǫ̀ kǫ̀ta Jerusalem eyıts'ǫ Judea nèk'e hazǫǫ̀ dǫ ts'ǫ̀ goıhde. Eyıts'ǫ dǫ eyıì-le xàɂaa sı gıts'ǫ̀ goıhde. Edek'egı̨ı̨lı̨ xè Nǫ̀htsı̨ ts'ǫ̀ anaahde ha, gèehsı̨. Edek'egı̨ı̨lı̨ nı̨dè wek'ę̀ę̀ eghàlageeda ha hǫt'e, gèehsı̨.

Zezì Wecheekeèdeè 3:19

Eyıt'à edek'eahłı̨ eyıts'ǫ Nǫ̀htsı̨ ts'ǫ̀ anaahde, hanì-ı̨dè naxıhołı̨į̀ naxıghǫ nahoezhe ha,

Hebrew 6:1

Eyıt'à Zezì-Krı weghǫ ayìı t'akwełǫ̀ǫ̀ wek'èts'eezǫǫ sìı hòt'a weghǫ gots'ede ghǫ nats'ııt'è, eyıts'ǫ Nǫ̀htsı̨ wek'èts'eezǫ k'ę̀ę̀ ts'ııdà. Eyıt'à hołı̨ı̨ hots'ehtsı̨ı̨ wet'à ełaàts'edee sìı ghǫ edek'ets'ı̨ı̨lı̨ı̨, dànì Nǫ̀htsı̨ gogha ehkw'ı-ahodıı,