Matthew 4:10 - Nǫ̀htsı̨ Nı̨htł'è

¹⁰ Zezì yets'ǫ̀ hadı, “Wehłı̨ı̨, sets'ǫǫ̀ naı̨tłe! Dıı hanì dek'eèhtł'è hǫt'e: ‘Nǫ̀htsı̨ naxıts'ǫ̀ K'àowo sìı ededı̨ zǫ wets'ǫ̀ nàgòahgè ha hǫt'e, eyıts'ǫ ededı̨ zǫ wek'èaht'e ha hǫt'e,’ dek'eèhtł'è,” yèhdı.

Matthew 4:10 ပူးပေါင်းရင်းမြစ်များ

Matthew 16:23

Zezì Peter ts'ǫ̀ ets'aèhtła, hayèhdı, “Wehłı̨ı̨, sechį̀ht'a ts'ǫ̀ aąde! Nı̨ sìı kwe wet'à daèhkw'ıh ha lanet'e. Nǫ̀htsı̨ wınì k'ę̀ę̀ nànınewo nıìle, hanìkò dǫ gınì k'ę̀ę̀ nànınewo hǫt'e,” hayèhdı.

Mark 1:13

Dı̨ènǫ dzęę̀ ts'ǫ̀ ekǫ èlı̨ ekò wehłı̨ı̨ yeèhdzà. Zezì tıts'aàdìı gonı aı̨t'è, eyıts'ǫ yak'eet'ı̨į̀ Zezì gà nègı̨ı̨de xè yeghǫ shètı̨ gıghàı̨dì.

Luke 10:18

Zezì gots'ǫ̀ hadı, “Yak'e gots'ǫ wehłı̨ı̨, kǫ̀-naìtł'ı̨ı̨ lanì hodàdeèwò weehɂı̨.

Luke 11:18

Wehłı̨ı̨ edek'èch'a at'ı̨ nı̨dè k'àhowo-le ade ha. ‘Įnìłı̨ı̨ gha k'àowo yets'àdı t'à ı̨nìłı̨ı̨ xàdeehshı,’ sèahdı ts'ıhɂǫ̀ aehsı̨.

Luke 13:16

Ekò dıı ts'èko, Abraham gots'ǫ dǫ sìı, hoònǫ-daats'ǫ̀-ek'èdı̨ xo gots'ǫ wehłı̨ı̨ dayį̀ı̨hɂa hǫt'e. Nǫ̀htsı̨ Dzęę̀ k'e ayìı t'à eyaelı̨ı̨ sìı ch'à k'aàt'ıì awedle ha-le nì?” gòhdı.

Luke 22:3

Ekò k'e wehłı̨ı̨ Zhıdàà ts'ǫ̀ ajà. (Zhıdàà, Iscarıyot sı wìyeh.) Ededı̨ sìı Zezì wecheekeè hoònǫ-daats'ǫ̀-nàke gı̨ı̨lı̨ı̨ ts'ǫ ı̨łè hǫt'e.

Luke 22:31

Eyı tł'axǫǫ̀ Zezì hadı, “Sımon, hotıì nezı̨į̀ sı̨į̀hkw'ǫ. Wehłı̨ı̨ naxeèhdzà ha nıwǫ,

Luke 4:8

Zezì yets'ǫ̀ hadı, “Dıı hanì dek'eèhtł'è: ‘Nǫ̀htsı̨ naxıts'ǫ̀ K'àowo ededı̨ zǫ wets'ǫ̀ nàgòahgè ha, eyıts'ǫ ededı̨ zǫ wek'èaht'e ha hǫt'e,’ dek'eèhtł'è,” yèhdı.

John 13:27

Zhıdàà łèt'è nıìchì ts'ǫ̀et'ıì wehłı̨ı̨ yets'ǫ̀ ajà. Zezì hayèhdı, “Ayìı dàąle ha sìı ı̨whąą̀ haąle,” yèhdı.

Zezì Wecheekeèdeè 5:3

Eyıt'à Peter eyı dǫ ts'ǫ̀ hadı, “Ananıas, dànìghǫ wehłı̨ı̨ nedzeè nezı̨-le ayį̀į̀là t'à Yedàyeh Nezı̨ı̨ ghǫyanèɂǫ? Dànìghǫ dèè neghǫ nàèdìı sìı wesǫǫ̀mbaà mǫ̀hdaa edegha wek'èı̨dì?

1 Corınth 5:5

eyı dǫ sìı wehłı̨ı̨ tł'aàweahtè, hanì-ı̨dè wenàowołı̨ı̨ sìı wedıhołè ha, eyıts'ǫ gots'ǫ̀ K'àowo nììtłaa dzęę̀ k'e nı̨dè wedą̀ązhį̀ı̨ edaxàeda ha.

1 Corınth 7:5

Į̀łah naxınì k'ę̀ę̀ lenǫsıı ełets'ǫ̀ į̀le dahdı-le. Į̀łah hanì ha dahwhǫ nı̨dè whatsǫǫ̀ Nǫ̀htsı̨ ts'ǫ̀ xàyaahtı ha gòɂǫǫ̀ aahłe gha welè, hanìkò whaà-lea gots'ǫ̀ zǫ aaht'ı̨. Eyı tł'axǫǫ̀-ı̨dè ełets'ǫ̀ anaahde, naxınì nàtso-le t'à wehłı̨ı̨ naxeèhdzà ha sǫnı.

2 Corınth 11:14

Eyı haget'ı̨ı̨ sìı gogha enıìyah nıìle, wehłı̨ı̨ ededı̨ kò yak'eet'ı̨į̀ degaı edeetsı̨ hǫt'e. Eyıt'à dǫ wehłı̨ı̨ gha eghàlageedaa sìı ededı̨ sı ehkw'ı eghàlageeda laget'ı̨. Nǫǫde nı̨dè dànì eghàlagı̨ı̨dà k'ę̀ę̀ gıghàhòt'à ha.

2 Corınth 12:7

Eyı t'asìı enıìyah deè hazǫǫ̀ weehɂı̨ t'à xàdahohdì ch'à ı̨chį̀ghoò lanıı sekwǫ̀ ghaı̨ɂaà asììdlà hǫt'e. Eyı sìı wehłı̨ı̨ wecheekeè sek'alawoò at'ı̨ hǫt'e.

2 Corınth 2:11

Hanì-ı̨dè wehłı̨ı̨ goghǫehnè ha-le. T'aats'ǫǫ̀ goghǫyaeɂà k'ehoɂa wek'èts'eezǫ hǫt'e.

James 4:7

Eyıt'à Nǫ̀htsı̨ ghàdeahtè xè wek'èaht'e. Wehłı̨ı̨ ch'à edek'èahdì, hanì-ı̨dè naxıts'ǫǫ̀ naetła ha.

1 Peter 5:9

Wek'ę̀ę̀ eghàlaahda-le, hanìkò Nǫ̀htsı̨ gha naxınì nàtsoò aahwhǫ, dıı nèk'e dǫ gıgha ehkw'ı-ahodıı hazǫǫ̀ naxıxèht'eè dagı̨ı̨ɂa wek'èahsǫ hǫt'e.