Matthew 3:12 - Nǫ̀htsı̨ Nı̨htł'è

¹² Jìe eyıts'ǫ t'asìı weta goet'ǫǫ sìı į̀łak'aà ayele gha sınìwheda hǫt'e. Jìe sìı xehkǫ̀ goyayeewa ha, hanìkò t'asìı weta goet'ǫǫ sìı welǫ whìle ts'ǫ̀ yek'eehk'ǫ̀ ha,” John-Baptıst hadıì dǫ ts'ǫ̀ gode.

Matthew 3:12 ပူးပေါင်းရင်းမြစ်များ

Matthew 13:30

Nezı̨į̀ dıìdì ade ts'ǫ̀ į̀łah ełexè dehsheè aahłe. T'asìı hazǫǫ̀ nàgehtsį̀ tł'axǫǫ̀ nı̨dè secheekeè gıts'ǫ̀ dıı haehsı̨ ha: T'akwełǫ̀ǫ̀ tł'oh nezı̨-le hazǫǫ̀ nàahtsį̀ gà ełèhchıì aahłe gà wek'eahk'ǫ̀. Eyı haahłà tł'axǫǫ̀ nı̨dè t'asìı nezı̨ı̨ sìı hazǫǫ̀ nàahtsį̀ gà xehkǫ̀ goyaahwha,’ edecheekeè gòhdı,” Zezì hadıì goxè godo.

Matthew 13:41

Eyı dzęę̀ k'e Dǫ-wet'àaɂàa-deè edets'ǫ yak'eet'ı̨į̀ dǫ ts'ǫ̀ agole ha. Dǫ nàowołı̨ı̨ k'ę̀ę̀ eghàlageeda xè Nǫ̀htsı̨ wets'ǫ dǫ ta nàgedè eyıts'ǫ dǫ hołı̨ı̨ hogehtsı̨ agehɂı̨ı̨ sìı yak'eet'ı̨į̀ godıhogehtsı̨ ha.

Matthew 13:42

Eyı dǫ sìı kǫ̀ nàtsoò dèk'ǫ̀ǫ yìı kwıìgogeehdè ha. Ekǫ getse xè sıì gıgha hoìla ha.

Matthew 13:43

Hanìkò dǫ ehkw'ı geedaa sìı Nǫ̀htsı̨-Gotà Wenàowoò k'ę̀ę̀ hòɂǫǫ ekǫ sa daaɂa lagı̨ı̨t'e ha. Naxıdzıì gǫ̀hłı̨ nı̨dè hotıì nezı̨į̀ aàhkw'o.

Luke 3:16

John-Baptıst gots'ǫ̀ hadı, “Sı̨ sìı tı t'à naxık'ètaìhdzı̨ hǫt'e, hanìkò dǫ ı̨łè senahk'e elı̨ı̨ sìı sek'èè nììtła ha. Wekechı̨į̀tł'ıì ejıehge ha kò dǫ lahoeht'ı̨ nıìle. Ededı̨ sìı Yedàyeh Nezı̨ı̨ eyıts'ǫ kǫ̀ nàtsoo t'à naxık'ètaìdzı̨ ha hǫt'e.

Luke 3:17

Jìe eyıts'ǫ t'asìı weta goet'ǫǫ sìı į̀łak'aà ayele gha sınìwheda hǫt'e. Jìe sìı xehkǫ̀ goyayeewa ha, hanìkò t'asìı weta goet'ǫǫ sìı welǫ whìle ts'ǫ̀ yek'eehk'ǫ̀ ha,” gòhdı.

John 15:2

Ts'ı wekw'ıhchı̨į̀ k'e jìecho dehshe-le sìı hazǫǫ̀ xàyeht'à hǫt'e, hanìkò wekw'ıhchı̨į̀ k'e jìecho dehshee sìı yek'e xagot'à, hanì-ı̨dè jìecho denahk'e łǫ dehshe gha ayehɂı̨.