Matthew 28:9 - Nǫ̀htsı̨ Nı̨htł'è

⁹ Hǫtsaa Zezì gonìhdǫǫ̀ èhtła, “Naxıxè sìghà welè,” gòhdı. Gıts'ǫ̀ geède, wekè dagıachì gà gıghàsǫgeedı.

Matthew 28:9 ပူးပေါင်းရင်းမြစ်များ

Matthew 14:33

Wecheekeè elà yìı geèhkw'ee sìı gıts'ǫ̀ nàgògı̨ı̨hgè, hagedı, “Nı̨ sìı Nǫ̀htsı̨ Weza anet'e,” gıìhdı.

Matthew 23:7

Kǫ̀ta k'egedè nı̨dè dǫ gots'ǫ̀ nezı̨į̀ nageɂa xè ‘K'àowo’ gògedı gıgha nezı̨.

Matthew 28:10

Zezì gots'ǫ̀ hadı, “Dahjı̨-le. Sechı gıts'ǫ̀ aahde gà segha dıı hagìahdı, ‘Galılee nèk'e seahɂį̀ ha t'à, ekǫ ts'ǫ̀ aahde,’ ” Zezì gòhdı.

Matthew 28:17

Zezì gıaɂı̨ ekò gıts'ǫ̀ nàgòı̨hgè, hanìkò dǫ mǫ̀hdaa gıgha hotıì-le.

Matthew 28:8

Eyıt'à ts'èko dǫkw'ǫǫ̀ whetǫǫ k'è gots'ǫ ı̨whąą̀ nałegeèhtła. Geejı̨, hanìkò sıì gınà nàhòwo. Gıxè dàgòjàa sìı Zezì wecheekeèdeè ts'ǫ̀ hagedı ha tı̨mǫgeèɂa.

Luke 1:28

Yak'eet'ı̨į̀ Mary ts'ǫ̀ ajà hayèhdı, “Nexè sìghà welè! Nı̨ sìı ts'èko hazǫǫ̀ nahk'e nexè sìghà hòɂǫ hǫt'e. Nǫ̀htsı̨ nexè hǫt'e,” yèhdı.

Luke 24:52

Wecheekeè gıts'ǫ̀ nàgòı̨hgè, eyı tł'axǫǫ̀ sıì gınà xè Jerusalem ts'ǫ̀ nageèhde.

Luke 7:38

Zezì ts'ǫ̀ èhtła, yekèlǫ nàwo gà etse. Edenatì t'à yekè k'enaı̨htso gà edekwìghà t'à yedeedı. Yekè ets'į̀ eyıts'ǫ yìk'eetł'òo yek'e ayį̀į̀là.

John 12:3

Mary yìk'eetł'òo dètìı nıyı̨ı̨xè; Zezì wekè k'e nałayeèdo gà edekwìghà t'à yekè deɂeedı. Eyı kǫ̀ goyìı hazǫǫ̀ ts'ǫ̀ yìk'eetł'òo łekǫǫ łedì ajà.

John 20:19

Nǫ̀htsı̨ dzęę̀ k'e xèhts'ǫ̀ łą̀ą nègı̨ı̨de ekò Israel got'ı̨į̀ gha k'aodèe ts'àgeejı̨ t'à edets'ǫdaànìgį̀ı̨hgè. Hǫtsaa Zezì gonı nàwo, hadı, “Naxıxè sìghà welè!” gòhdı.

John 20:28

Thomas yets'ǫ̀ hadı, “Sets'ǫ̀ K'àowo eyıts'ǫ Senǫ̀htsı̨ anet'e!” yèhdı.

2 Corınth 13:11

Sèot'ı̨ı̨, nǫǫde t'à dıı hanaxèehsı̨ ha: naxıxè sìghà welè, deghàà degaı aahde gha hòtł'ò eghàlaahda, ayìı dànaxèehsı̨ı̨ sìı seyatıì ààhchı, naxınì ı̨łè zǫ welè, ts'èwhı̨į̀ ełexè aahda. Hanì-ı̨dè Nǫ̀htsı̨ goghǫneètǫǫ, wexè ts'èwhı̨į̀ hòɂǫǫ sìı naxıxè wehòhɂǫ ha.

John Wenazhıı 3:9

Eyı dǫ wehłı̨ı̨ wecheekeè agı̨ı̨t'ee sìı naxınadąą̀ nàgògehgè agehłe ha. Naxıghǫneehtǫ hǫt'e gık'èezǫǫ̀ agehłe ha. Israel got'ı̨į̀ agı̨ı̨t'e-le kò xàè ‘Israel got'ı̨į̀ ats'ı̨ı̨t'e’ gedı t'à hogets'ìı-dǫǫ̀ agı̨ı̨t'e.