Matthew 28:7 - Nǫ̀htsı̨ Nı̨htł'è

⁷ Įwhąą̀ wecheekeè gıts'ǫ̀ naahdè gà dıı hagìahdı: ‘Ełaı̨wo gots'ǫ naìdà. Naxınakweè Galılee nèk'e ts'ǫ̀ ade ha. Ekǫ weahɂį̀ ha,’ gìahdı. Hòt'a naxıdaehsı̨ hǫt'e,” gòhdı.

Matthew 28:7 ပူးပေါင်းရင်းမြစ်များ

Matthew 24:25

Hanìkò hagode kwe naxıts'ǫ̀ haehsı̨ı̨ sìı hotıì wenaahdì nǫǫ̀.

Matthew 26:32

Hanìkò naìhdà tł'axǫǫ̀ nı̨dè naxınakweè Galılee nèk'e ts'ǫ̀ ahde ha,” gòhdı.

Matthew 28:10

Zezì gots'ǫ̀ hadı, “Dahjı̨-le. Sechı gıts'ǫ̀ aahde gà segha dıı hagìahdı, ‘Galılee nèk'e seahɂį̀ ha t'à, ekǫ ts'ǫ̀ aahde,’ ” Zezì gòhdı.

Matthew 28:8

Eyıt'à ts'èko dǫkw'ǫǫ̀ whetǫǫ k'è gots'ǫ ı̨whąą̀ nałegeèhtła. Geejı̨, hanìkò sıì gınà nàhòwo. Gıxè dàgòjàa sìı Zezì wecheekeèdeè ts'ǫ̀ hagedı ha tı̨mǫgeèɂa.

Mark 14:28

Hanìkò naìhdà tł'axǫǫ̀ nı̨dè naxınakweè Galılee nèk'e ts'ǫ̀ ahde ha,” gòhdı.

Mark 16:10

Mary-Madlę̀ dǫ Zezì xè agıat'į̀ı̨ sìı gots'ǫ̀ naèhtła, Zezì ghǫ gıgha dìì xè getse ı̨lè. Wexè dàgòjàa sìı ghǫ gots'ǫ̀ hadı.

Mark 16:13

Eyıt'à ı̨dè dǫ hazǫǫ̀ ts'ǫ̀ nałegeèhtła, gıxè dànàhòwoo sìı gots'ǫ̀ hagedı, hanìkò ı̨łaà gıgha ehkw'ı-ahodı-le.

Luke 24:34

Hagedı, “Ehkw'ı-ahodı! Gots'ǫ̀ K'àowo naìdà hǫt'e eyıts'ǫ Sımon ts'ǫ̀ wègoèht'į̀,” gedı.

John 14:29

Hagode kwe sìı dıì naxıts'ǫ̀ haehsı̨ hǫt'e, wek'ę̀ę̀ agòjà nı̨dè naxıgha ehkw'ı-ahodı ha.

John 16:4

Dıı naxıts'ǫ̀ haehsı̨ı̨ sìı eyı nèhòı̨wo nı̨dè dànì weghǫ naxıts'ǫ̀ gohdee sìı wenaahdì ha. T'akwełǫ̀ǫ̀ eyı naxıts'ǫ̀ haehsı̨-le ı̨lè, ı̨łaà naxıxè whıhda ı̨lè t'à.

1 Corınth 15:4

Zezì wekw'ǫǫ̀ nìtǫ ı̨lè, eyıts'ǫ taı dzęę̀ k'ehǫǫwo tł'axǫǫ̀ naìdà, eyı sìı Nǫ̀htsı̨ Nı̨htł'è k'ę̀ę̀ agòjà.

1 Corınth 15:6

Eyı tł'axǫǫ̀ Nǫ̀htsı̨ wecheekeè sı̨làekw'eènǫ daats'ǫ̀ ełègehdee sìı gots'ǫ̀ wègoèht'į̀. Dǫ gıaɂı̨ı̨ sìı deɂǫ̀atłǫ ı̨łaà geeda, hanìkò gıta gots'ǫ dǫ mǫ̀hdaa ełaàgı̨ı̨dè.