Matthew 28:6 - Nǫ̀htsı̨ Nı̨htł'è

⁶ Jǫ wheda-le, naìdà ı̨lè. Hotıì hade ha dı ı̨lèe k'ę̀ę̀ ajà. Jǫ łeahtłe, edı̨į̀ wekw'ǫǫ̀ whetǫ ı̨lèe sìı wetł'axǫǫ̀ k'eaht'į̀.

Matthew 28:6 ပူးပေါင်းရင်းမြစ်များ

Matthew 12:40

Taı dzęę̀ eyıts'ǫ taı toò ts'ǫ̀ Jonah łıwecho bò yìı̨dà. Eyı xèht'eè Dǫ-wet'àaɂàa-deè taı dzęę̀ eyıts'ǫ taı toò ts'ǫ̀ dèè goyìı wheda ha.

Matthew 16:21

Eyı dzęę̀ k'e gots'ǫ Zezì dıı hanì edecheekeè ts'ǫ̀ goı̨de: “Jerusalem ts'ǫ̀ ahde ha hǫt'e, ekǫ ǫhdah gı̨ı̨lı̨ı̨, yahtıı-gha-k'aodèe, eyıts'ǫ Nǫ̀htsı̨-yatıì-k'ègedìı-dǫǫ̀ dasegį̀ı̨hɂa ha. Ełaàsegèhwhı ha hǫt'e, hanìkò taı dzęę̀ k'ehǫǫwo tł'axǫǫ̀ nı̨dè naèhdà ha,” gòhdı.

Matthew 17:23

Ełaàgıìhwhı ha eyıts'ǫ taı dzęę̀ t'à naìdà ha,” gòhdı. Hadı t'à wecheekeè gıgha dìì agòjà.

Matthew 17:9

Shìhka gots'ǫ hodàgeède ekò Zezì hagòhdı, “Dǫ-wet'àaɂàa-deè naìdà gots'ǫ̀ ayìı weahɂı̨ı̨ sìı dǫ wı̨ı̨zìı ts'ǫ̀ haahdı-le,” gòhdı.

Matthew 20:19

Eyı tł'axǫǫ̀ dǫ eyıì-le xàɂaa tł'aàgıhtè ha. Gık'adaedè ha, nàgeehkwa ha eyıts'ǫ dechı̨et'aa k'e dexegıìhtsò ha, hanìkò taı dzęę̀ nı̨dè naìdà ha,” Zezì gòhdı.

Matthew 27:63

Gıts'ǫ̀ hagedı, “K'àowo, eyı dǫ-ghǫyaeɂàa-dǫǫ̀ hǫt'e ı̨lè. Įłaà eda ekò dàdı ı̨lèe sìı wenats'edì, ‘Taı dzęę̀ k'ehǫǫwo tł'axǫǫ̀-ı̨dè naèhdà ha,’ hadı ı̨lè.

Mark 16:6

Eyı cheko ts'èko gots'ǫ̀ hadı, “Dahjı̨-le. Zezì, Nazareth got'ı̨į̀, dechı̨et'aa k'e ełaı̨wo wekak'eaht'į̀ı̨ sìı naìdà ı̨lè! Eyıt'à jǫ wheda-le. Edı̨į̀ wekw'ǫǫ̀ whetǫ ı̨lèe sìı wetł'axǫǫ̀ k'eaht'į̀.

Mark 8:31

Ekò gots'ǫ Zezì dıı hanì (edeghǫ) edecheekeè ts'ǫ̀ gode, “Dǫ-wet'àaɂàa-deè sìı hòtł'ò daı̨ɂa ha. Ǫhdah gı̨ı̨lı̨ı̨, yahtıı gha k'aodèe eyıts'ǫ Nǫ̀htsı̨-yatıì-k'ègedìı-dǫǫ̀ gıgha wedę ha hǫt'e. Ełaàgıìhwhı ha eyıts'ǫ taı dzęę̀ k'ehǫǫwo nı̨dè naìdà ha hǫt'e,” gòhdı.

Luke 24:12

Hanìkò Peter ededı̨ xàèhtła, kwe yìı dǫkw'ǫǫ̀ whetǫǫ ts'ǫ̀ tı̨mǫèhza. Goyadaèhgè ekò dǫkw'ǫǫ̀ ts'ǫ ehtł'ı̨ neghoa łą̀ą ełexè whelaa yaɂı̨. Xàèhtła ekò dàgòjàa sìı ghǫ nànıwo.

Luke 24:23

Hanìkò Zezì wekw'ǫǫ̀ gıgòhɂǫ-le. Gots'ǫ̀ nageèhde ekò, yak'eet'ı̨į̀ gınazhıı wègoèht'į̀ gedı, ‘Naìdà hǫt'e,’ yak'eet'ı̨į̀ hagòhdı, gedı.

Luke 24:44

Zezì edecheekeè ts'ǫ̀ hadı, “Įłaà naxıxè wheda ekò eyı weghǫ naxıts'ǫ̀ goıhde ı̨lè: Moses wenı̨htł'è k'e, nakwenàoɂǫǫ gını̨htł'è k'e eyıts'ǫ ts'ejı̨ı̨ enı̨htł'è k'e t'asìı hazǫǫ̀ seghǫ dek'eèhtł'èe sìı wek'ę̀ę̀ agode ha, naxèehsı̨ ı̨lè,” gòhdı.

John 10:17

Sesahzǫ̀ą gıgha ełaehwhı ha t'à Setà seghǫneètǫ hǫt'e. Eyı tł'axǫǫ̀-ı̨dè naìhdà ha hǫt'e.

John 2:19

Zezì gots'ǫ̀ hadı, “Dıı Nǫ̀htsı̨kǫ̀-gocho wedıhoahtsı̨ nı̨dè, taı dzęę̀ k'ehǫǫwo nı̨dè nagohtsı̨ ha,” gòhdı.

Zezì Wecheekeèdeè 2:24

Hanìkò Nǫ̀htsı̨ sìı naìdà ayį̀į̀là, łǫ̀ǫ̀ weweè t'à daı̨ɂà-le. Nǫ̀htsı̨ t'asìı wegha dìì-le t'à, łǫ̀ǫ̀ ełaı̨wo ayį̀į̀là-le.