Matthew 27:66 - Nǫ̀htsı̨ Nı̨htł'è

⁶⁶ Eyıt'à Zezì wekw'ǫǫ̀ whetǫǫ ts'ǫ̀ geède eyıts'ǫ dǫ wı̨ı̨zìı t'asayele ha-le t'à, kwe nechàa enìı̨ɂǫ agį̀į̀là gà enìgį̀ı̨hdzeh gà eghǫǫ-dǫǫ̀ gıxoehdıì agogį̀į̀là.

Matthew 27:66 ပူးပေါင်းရင်းမြစ်များ

Matthew 27:60

Wets'ǫ kwe yìı dǫkw'ǫǫ̀ ı̨ı̨tǫ̀-le sìı ekǫ yekw'ǫǫ̀ nèyı̨ı̨tǫ. Eyı tł'axǫǫ̀ kwe nechàa enìı̨ɂǫǫ̀ ayį̀į̀là gà naèhtła.

Matthew 27:65

K'àowo Pılate gots'ǫ̀ hadı, “Sets'ǫ eghǫǫ-dǫǫ̀ mǫ̀hdaa edexè aahłe. Zezì wekw'ǫǫ̀ whetǫǫ k'è dànì gıxoehdı ha dahwhǫǫ sìı k'ę̀ę̀ agıahłe,” gòhdı.

Matthew 28:11

Eyı ts'èko nàke ı̨dè nałegeèhtła ekò eghǫǫ-dǫǫ̀ mǫ̀hdaa kwe yìı Zezì wekw'ǫǫ̀ whetǫǫ k'è kexogııhdı ı̨lèe sìı yahtıı-gha-k'aodèe ts'ǫ̀ geède, gıdaà dàgòjàa sìı hazǫǫ̀ gots'ǫ̀ hagedı.

Matthew 28:2

Hǫtsaa dèè hòtł'ò nàgoèhdǫ. Gots'ǫ̀ K'àowo weyak'eet'ı̨į̀ yak'e gots'ǫ kwe yìı gòɂǫǫ ts'ǫ̀ hodàèhtła, kwe nechàa enìı̨ɂǫǫ sìı yı̨ı̨ɂǫ̀ǫ̀ deyeèyı̨ gà yeka wheda.

Mark 16:4

Hanìkò eyı nègı̨ı̨de ekò kwe yìı Zezì wekw'ǫǫ̀ whetǫǫ sìı wets'ǫdaà kwe nechàa enìı̨ɂǫǫ sìı yı̨ı̨ɂǫ̀ǫ̀ wedeèyį̀ı̨ nǫǫ̀.

John 20:1

Nǫ̀htsı̨ Dzęę̀ tł'axǫǫ̀ k'omǫǫ̀dǫǫ̀ ı̨łaà to ekò, Mary-Madlę̀ edı̨į̀ Zezì wekw'ǫǫ̀ whetǫǫ ts'ǫ̀ èhtła. Eyı nììtła ekò, kwe nechàa enìı̨ɂǫ ı̨lèe sìı yı̨ı̨ɂǫ̀ǫ̀ deèyı̨ nǫǫ̀, yaɂı̨.

2 Tımothy 2:19

Hanìkò Nǫ̀htsı̨ wenàowoò sìı yìetł'aà nàtsoo whetǫ lanì hǫt'e. Wek'e dıı hanì dek'eèhtł'è: “Gots'ǫ̀ K'àowo amìı wets'ǫ agı̨ı̨t'ee sìı gok'èezǫ hǫt'e,” dek'eèhtł'è. Eyıts'ǫ dıı hanì dek'eèhtł'è: “Amìı gots'ǫ̀ K'àowo wegha ehkw'ı-ahodıı sìı hołı̨ı̨ nàowoò wedę ayele ha hǫt'e,” dek'eèhtł'è.

John Wenazhıı 20:3

Įzhıì dèè goyìı gǫǫ̀ɂàa ekǫ goyìı yı̨ı̨hxà gà wets'ǫdaàdoò ayį̀į̀là. Dǫ wı̨ı̨zìı yets'ǫ̀ enìxàechı ha-le ayį̀į̀là. Eyıt'à ı̨łè-lemì xo gots'ǫ̀ eyı tıts'aàdìıcho dek'oo sìı dǫ hazǫǫ̀ xàɂaa ts'ıɂǫ̀ geedè agole ha-le. Eyı tł'axǫǫ̀ nı̨dè whaà-lea ts'ǫ̀ xàetłaà agele ha.