Matthew 27:54 - Nǫ̀htsı̨ Nı̨htł'è

⁵⁴ Eghǫǫ-dǫǫ̀ gha k'àowo eyıts'ǫ eghǫǫ-dǫǫ̀ Zezì xogııhdı ı̨lèe sìı dèè nàgoèhdǫ eyıts'ǫ hazǫǫ̀ gıdaà hagòjà ekò, sıì geèhyeh, hagedı, “Ehkw'ı t'à Nǫ̀htsı̨ Weza hǫt'e!” gedı.

Matthew 27:54 ပူးပေါင်းရင်းမြစ်များ

Matthew 26:63

Hanìkò Zezì xàyaı̨htı-le. Eyıt'à yahtıı-wet'àaɂàa-deè hayèhdı, “Nǫ̀htsı̨ edaa sìı wıızì dahxà gots'ǫ̀ ehkw'ı goı̨de. Nǫ̀htsı̨ Weza, Chrıst anet'e nı̨dè gots'ǫ̀ haı̨dı,” yèhdı.

Matthew 27:36

Eyı tł'axǫǫ̀ dèè k'e geèhkw'e gà gıxoehdı.

Matthew 27:40

hagedı, “ ‘Nǫ̀htsı̨kǫ̀-gocho wedıhoı̨htsı̨ ha eyıts'ǫ taı dzęę̀ t'à nagoı̨htsı̨ ha,’ nı̨ı̨dı ı̨lè. Hot'eè edaxàdı̨ı̨tè! Nǫ̀htsı̨ Weza anet'e nı̨dè dechı̨et'aa k'e ts'ǫ hodàı̨tła,” gıìhdı.

Matthew 27:43

Nǫ̀htsı̨ ts'ǫ̀ wınì nàtso ne. ‘Nǫ̀htsı̨ Weza aht'e,’ edeghǫ hadı ı̨lè. Hot'eè Nǫ̀htsı̨ edaxàyıhtè,” gedı.

Matthew 27:51

Ekìıyeè k'e Nǫ̀htsı̨kǫ̀-gocho goyìı enìı̨t'ı nedèe ı̨dòo gots'ǫ ı̨zhıì ts'ǫ̀ tanı łats'ı̨ı̨dla, eyıts'ǫ dèè hòtł'ò nàgoèhdǫ xè kwe łats'ı̨ı̨dla.

Matthew 4:3

Wehłı̨ı̨ Zezì gà nììtła, hadı, “Nǫ̀htsı̨ Weza anet'e nı̨dè, jǫ kwe whelaa sìı neyatıì t'à łèt'è gìhłè anele,” yèhdı.

Matthew 8:5

Zezì kǫ̀ta Capernaum nììtła ekò eghǫǫ-dǫǫ̀ gha k'àowo Zezì sets'àdı ha nıwǫ t'à yets'ǫ̀ èhtła.

Mark 15:39

Eghǫǫ-dǫǫ̀ gha k'àowo Zezì gà nàwoo sìı ezeh yıìkw'o xè dànì ełaı̨wo yaɂı̨ ekò hadı, “Ehkw'ı t'à dıı dǫ Nǫ̀htsı̨ Weza hǫt'e!” hadı.

Luke 22:70

Eyı tł'axǫǫ̀ hazǫǫ̀ dageehke, “Nǫ̀htsı̨ Weza anet'e nì?” gıìhdı. Zezì gots'ǫ̀ hadı, “Seghǫ dàahdıı sìı ehkw'ı aahdı,” gòhdı.

John 19:7

Hanìkò Israel got'ı̨į̀ k'èdaà hagedı, “ ‘Nǫ̀htsı̨ weza aht'e,’ edèhdı t'à, gonàowoò k'èch'a xàyaı̨htı, eyıt'à ełaàwı ha hǫt'e,” gedı.

Zezì Wecheekeèdeè 10:1

Dǫ ı̨łè Cornelıus wìyeh kǫ̀ta Caesarea nàdè. Italy nèk'e gots'ǫ eghǫǫ-dǫǫ̀-gha-k'àowo elı̨.

Zezì Wecheekeèdeè 2:37

Dǫ hazǫǫ̀ eyı egıìkw'o ekò geèhyeh lagejà. Peter eyıts'ǫ Zezì wecheekeèdeè ts'ǫ̀ hagedı, “Gòet'ı̨ı̨, hanì-ı̨dè ayìı dàts'ı̨ı̨là lì?” gedı.

Zezì Wecheekeèdeè 21:32

Ekòet'ıì eghǫǫ-dǫǫ̀-gha-k'àowo edecheekeè xè dǫ nı ts'ǫ̀ tı̨mǫgeède. Dǫ nàdahogehdèe sìı eghǫǫ-dǫǫ̀-gha-k'àowo eyıts'ǫ wecheekeè gıaɂı̨ ekò Paul degı̨ı̨tso.

Zezì Wecheekeèdeè 23:17

Paul, eghǫǫ-dǫǫ̀-gha-k'àowo k'èè whedaa kayaı̨htı gà yets'ǫ̀ hadı, “Dıı cheko eghǫǫ-dǫǫ̀-gha-k'àowo ts'ǫ̀ wı̨ı̨chı t'asìı yets'ǫ̀ hadı ha,” yèhdı.

Zezì Wecheekeèdeè 23:23

Eyı tł'axǫǫ̀ eghǫǫ-dǫǫ̀-gha-k'àowo, eghǫǫ-dǫǫ̀-k'àowo nàke yek'èè geèhkw'ee sìı gokàehɂà, hagòhdı, “Eghǫǫ-dǫǫ̀ nàkeakw'eènǫ, wedę eghǫǫ-dǫǫ̀ łǫ̀hdı̨ènǫ tłı̨cho t'à-aget'ı̨ı̨, eyıts'ǫ eghǫǫ-dǫǫ̀ nàkeakw'eènǫ behkà k'egelee xè Caesarea ts'ǫ̀ geeda ha t'à xèhts'ǫ̀ godasınìgedè agıahłe.

Zezì Wecheekeèdeè 27:1

Italy nèk'e ts'ǫ̀ ts'eeɂè ha gedı t'à, Paul eyıts'ǫ dǫ gıdanìı̨laa mǫ̀hdaa eghǫǫ-dǫǫ̀-gha-k'àowo ı̨łè, Julıyus wìyeh, wetł'aà nègogį̀ı̨wa. Ededı̨ sìı dèe-ts'ǫ̀-k'àowo gha eghǫǫ-dǫǫ̀-gha-k'àowo elı̨.

Zezì Wecheekeèdeè 27:43

Hanìkò eghǫǫ-dǫǫ̀-gha-k'àowo Paul ełaàwı ha yı̨ı̨hwhǫ-le t'à t'asagogele ha-le, gòhdı. Dǫ k'egebe ha dìì-le sìı tèahka, tabàa ts'ǫ̀ naahmį̀, gòhdı.

John Wenazhıı 11:13

Eyı sadzeè et'ıì dèè hòtł'ò nàèhdǫ t'à kǫ̀godeè gots'ǫ kǫ̀ łǫ hodàètł'ı; kǫ̀ gòlaa hoònǫ ts'ǫ ı̨łè hodàètł'ı. Dèè hòtł'ò nàèhdǫ t'à dǫ łǫ̀hdı̨-lemì ełaı̨dè. Dǫ ełaı̨dè-le sìı sıì geèhyeh t'à Nǫ̀htsı̨ yak'e whedaa ghàsǫgeedı.